Izikiɛ 34:4 - Yálá laawoo hɛɓɛ (dc)

⁴ Daatɛlɛɛ yiiɠaai kɛ di hviikpɛɛ, ka hvo di hvaŋą lɔ li; yii ɲɔ̨n ə kɛ mą, ka hvo ɉali kɛ li, yii kɛ gɔwɔ yaliɛ, ká hvo nąą yili li, yii kɛi li nwun ma, ká hvo hee li mą, hvo pənə hvo pa, yai kɛ aa pili, ka hvo gwɛli li. Kɛlaa, kaa wɔ ɲąąwooɓo laa kɛ a wea, a nuą hvinna tɔ́n bələ.

Yálá laawoo hɛɓɛ

⁴ Daatɛlɛɛ yiiɠaai kɛ di hviikpɛɛ, ka hvo di hvaŋą lɔ li; yii ɲɔ̨n ə kɛ mą, ka hvo ɉali kɛ li, yii kɛ gɔwɔ yaliɛ, ká hvo nąą yili li, yii kɛi li nwun ma, ká hvo hee li mą, hvo pənə hvo pa, yai kɛ aa pili, ka hvo gwɛli li. Kɛlaa, kaa wɔ ɲąąwooɓo laa kɛ a wea, a nuą hvinna tɔ́n bələ.

Bible

⁴ Diai dífii kpɛɛ̂i, káfa kpɔŋ mâ tɛ̀ɛ dípɔ. Nyii-ŋai kɔ̂lɛi káfa sále tɛ̀ɛ dí pɔ. Nyii-ŋai díkɔ̃lîŋɔɔi káfa díkɔɔ ma ɣiri. Diai da pûi, káfa díkɔ̀ri ká pá a dîa pôlu. Diai da lâɣiŋ, káfa díkɔ̀ri é lɛ́ɛ lá zu ká díkaa. À kɛ̀ tí, kákɛ dísòŋ a nyɔ́mɔɔ.

Izikiɛ 34:4 ပူးပေါင်းရင်းမြစ်များ

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Azaya 3:7

Nąąlɔwai, yili kaa pai kɛi mą: «Wululaa kɛmun vaa a ɲą́ą́, kɔ̨nɔ̨n, həɠə da hvo ɲə́i bɛlɛ́n; ka hva pɛli gɛ́i a nɔi ɲąąwooɓomun.»

Azaya 56:10

Ɲɛ̨ipu nuą ɓə di ɲɛ̨i kɛi Israɛlə taa ɓa, nu kəlee di pɛlɛɛ di kee ɓa, di ta hvo mɛ̨nį kɔ́lɔn, munųgbɛ yilɛɠaa ɓaa diɛ, di hva pɛli kpəɠii, di kaa puuni, diɛ di kiliŋąhiɛ lɔ tii, yii mɛ̨nį lɔ ɓə nwɛli kaa diɛ,

Ɉeremi 22:13

Nui a nwɔ tɔɔ pɛlɛ́i tɔɔ a hvulu, nɛ̨ŋɛ̨n naa mun ni. Yɛ pɛlɛ́ tɔɔ gee mɛ̨i hva gɛ tələnmolaa hu, yɛ nu takpɛliɠaa kóló, ɛlɛɛ, hva di hvɛla tɛɛ di pɔ.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Izikiɛ 19:6

Yili ə kɛi tɛɛ ɲalaɠaa lɔwai, ə kɛ a yala huwala walaa, ə pɛli huwɔ hon ŋąą ɓa; yɛ nuą mįi.

Izikiɛ 19:7

Ə di wɔ tɔɔ pɛlɛ́i pu, ə daaɠaa lɛɛ a taa kpoloonŋaa; nɔi hu nuą di kɛi ɲɔw domą woo ɓa.

Izikiɛ 19:9

Di kwɛli too mą, di nɔ kwənąn ɉu, də li la Babilonə tɔɔmun pɔ. Də li la kwɛni wolo hu, ə gɛ nwoo hvo pa kɛa kɛ tɔɔi Israɛlə yeeɠaa nwuɔ̨.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Levetekɔ 25:43

Hvó ɉon a mɔ̨nɔ̨ ɓo pələ. Bələ ɓə mąąnɛ̨ɛ̨ ka ɲɔw la ka wɔ Yálái ɓa.

Maafîu 10:6

Kɛlaa, 'ka li Israɛlə nuą yiiɠaai daa pili, ka di kwɛli.

Maafîu 21:35

Kɛlaa, góló kɛ nuą di wóló gəlaɠaa diɛ, di dɔ̨nɔ̨ paa a kwɛli hɛn di dɔ̨nɔ̨ paa a kwɛni kpuwulu.

Maafîu 24:49

Ɛlɛɛ, ɓɛlɛɛ mɛlaa diɛ yɛ di kɛlɛ, ə li ə tɔɔ lɔɔ honŋąą pɔ diɛ di kpələ diɛ di laa mįi.

Maafîu 9:36

Yii kɛa Jesus ə nu kpulu kɛnɛ̨i tii kaa, di mąą wɛli ə ɉon. Mąąhɔlɔɓo, di kɛ pələ ə kɛ yɛ ɓɛlaaɠaai di pulu mun və mą, di hviikpɛɛ, di taɠa-taɠaa.

Korɛntə veelɛ 1:24

Ə kɛ ŋɛ̨i yɛ kwa hee ká wɔɔ kalan mɛ̨į, ya hvəə, kɛlaa, ku yee pɛlɛ ɓə ku kaa moi ká wɔɔ kwəinɛ̨ɛ̨ ɓa, hvo gaai, galan mɛ̨nį nwɛi, ká yee kaa mą a nwalawalaa.

Hebreu 12:12

Yili ɓa, yeeɠaa da kɔwɔɠaai di hvįikpɛɛ, 'ká di hvaŋąlɔ,