Izikiɛ 34:3 - Yálá laawoo hɛɓɛ (dc)

³ Ka wɛi ka daatɛlɛɛ wulɔ mįi, kaa di ləɠa kɛ a həɠə, kaa doo ka kwąną; kaa daatɛlɛɛɠaa paa, kɛlaa, daatɛlɛɛɠaa nwɛi, ká hva ɲąąkɔn.

Yálá laawoo hɛɓɛ

³ Ka wɛi ka daatɛlɛɛ wulɔ mįi, kaa di ləɠa kɛ a həɠə, kaa doo ka kwąną; kaa daatɛlɛɛɠaa paa, kɛlaa, daatɛlɛɛɠaa nwɛi, ká hva ɲąąkɔn.

Bible

³ Ka kɛ̂ díwulɔ miî. Ká kɛ́ díkɔlɔ kpɛ̂tɛ a seɣe ká mɛni ma. Ká kɛ̂ m̀ala-loŋ lɛ́lɛɛ-ŋai paâi, kɛ́lɛ káfa díkɔnɔŋ kùla.

Izikiɛ 34:3 ပူးပေါင်းရင်းမြစ်များ

Tɔɔɓɛlaa veelɛ 21:16

Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Hanwon 30:14

Nu taɠaa kaa laa, di ɲin gaa yɛ ɓɔwa kwɛa, di kpaniɠaa di ɓo yɛ ɓɔwa lon, diɛ mąąwɛli nuą huwɔ wean na di hu, di kpɛɛ mɛ̨nį ɓa lɔi mɛ̨i, da yeehvowolo nuą.

Azaya 1:10

Sodomə nu kpɛa-kpɛa, ka ka wəli tɔɔ Yai-Laa woo ɓa! Gomorə nuą ka ku wɔ Yálái nwɔ liɛwoo mɛ̨n! Yɛ diɛ:

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Ɉeremi 22:17

Tɔnɔ mɛ̨nį lɔ ɓə ə́ ɲɛ̨i pɔ, da ə́ kili pɔ, da kwəi kwələ mun ɲąmą pu mɛ̨nį. Yɛ́ túwɔ́ a wea pələ da kɛɛ kala pələ.

Woolaa 4:13

Kɛlaa, mɛ̨nii gɛ yili yɛ kɛ, ya ɓaa: Yálá kwəi mɛ̨ni hukulɔ nuą haláá laa həli nuą, di kɛi tələnmo nuą ɲąmą pu daa kwəi.

Izikiɛ 19:3

Ə non dɔ̨nɔ̨ ɲąą kɔ́n, yili ə kɛ a yala laŋa lon, ə ɲąątɔɔ a huwɔ hon ŋąą, yɛ kɛ nuą mįi.

Izikiɛ 19:6

Yili ə kɛi tɛɛ ɲalaɠaa lɔwai, ə kɛ a yala huwala walaa, ə pɛli huwɔ hon ŋąą ɓa; yɛ nuą mįi.

Amɔsə 6:4

Ka káá laani ka wɔ kanąnbeeɠaai ŋą yii nwəli la laai a hə́lə́ ɲįn, Ka laa kpəlin gbɛa kpɛaa hu, Kaa ɓɛlaa gbɔnŋąą mįi, Da Nįŋɛ̨ gbɔn nwulaaɠaa.

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Zakari 11:16

Mąąhɔlɔɓo, gáá pai taatɛlɛɛ pulumun da heei nɔi ŋɛ̨i hu, ɓɛlaa ta ə mą pili, yili nii hɛlɛn və pai kɛi mą, da ə mą lan, hvo pai gwɛlii, da mąą ə mą nwąną, hvo pai ɉali kɛi, yiiɠaa di kɔ́lɔi pɔ̨nɔ̨ɔ̨, hvo pai di laa hɔn moi. Yiiɠaai da wulɔ, gaa pai di mįi, yɛ di kɔ́wɔ ɲąnin ɉu ɓɛla.»

Zakari 11:5

Di ɲąąkɔnmun hva di ɲɛ̨imąąwɛli lɔpee kaa. Di yamun a di paa hva di mąąliihɛlɛn ɉee, di lɔwɔtɔɔmun, a di lɔwɔ́tɔɔ yɛ kɛ diɛ: Yai-Laa mąmą, ŋą́ą́ kɛ a hɛn nąmu!