Izikiɛ 34:27 - Yálá laawoo hɛɓɛ (dc)

²⁷ Nɔwɔi wuluɠaa diɛ ɓa, nɔi yɛ mɔ̨nun dɛɛ di pɔ; nwɔ́ nuąi da kɛ a di wəli pulu laɠiɛ di wɔ lɔi hu. Mąą yələ, da gili kɔ́lɔn, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai di wɔ tiɛ̨i həɠəi la di nwuɔ̨, gɛ́ di kulɔ di mɔ̨nɔ̨ɓo nuą yəi.

Yálá laawoo hɛɓɛ

²⁷ Nɔwɔi wuluɠaa diɛ ɓa, nɔi yɛ mɔ̨nun dɛɛ di pɔ; nwɔ́ nuąi da kɛ a di wəli pulu laɠiɛ di wɔ lɔi hu. Mąą yələ, da gili kɔ́lɔn, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai di wɔ tiɛ̨i həɠəi la di nwuɔ̨, gɛ́ di kulɔ di mɔ̨nɔ̨ɓo nuą yəi.

Bible

²⁷ À kɛ̀ tí ŋ̀úru-ŋai díkaa ǹɔɔi sui da pâi ƃâi. Ǹɔii a pâi gɛ̂i mii-sɛŋ é lɛ́lɛ. Da pâi kɛ̂i dílɔii su a lii-see pere. Tãi ŋa pâi díkula yêei kɛ̂i la díkpɔara-ƃelai yêei nyii díkɛ̀ a luɛ-ŋai, maa tãi ƃé da pâi gɔ̂lɔnii la a gɛɛ Ńyãa ƃa Yâwɛɛ.

Izikiɛ 34:27 ပူးပေါင်းရင်းမြစ်များ

Zôo 5:23

Mąąhɔlɔɓo, ka lɔwɔi kwɛniɠaa ka mįnɛ̨ həɠə, ɛlɛɛ da, ka huwɔ nwɔ mɛ̨nį ɲɔ̨nwɔ̨ɔ̨ɠaa, ka ka lɔwai pɔn naa pu.

Mąątɛ̨nɛ̨ 67:6

Nu kanŋaa 'di ə́ hɛɠɛɛɓo, Yálá! Nu kanŋaa kəlee 'di pɛlɛ di kee ɓa, diɛ ə́ hɛɠɛɛɓo.

Mąątɛ̨nɛ̨ 85:12

Tɛ̨ą a ɓɔn lɔi mɛ̨i, tələnmolaa yɛ lɛɛ yələi pələ yɛ nwun mąą laa.

Hanwon 3:24

Yá laa a kpinį, hva ɲɔw, yá laa, ə́ yíi a nɛ̨ɛ̨ hvɛ-hvɛ.

Azaya 10:27

Mąą yələi tii, tiɛ̨i kɛ ə́ kalan ŋą da ɉəɠə ə́ kalan ŋą, di diɛ̨ həɠə ə́ nwuɔ̨, diɛ̨i tii a həɠə laa, hɛn gɔw yɛ laa laa;

Azaya 35:9

Nu da yala di hvo pai kwiɛn ɉii laa, lɔwɔ huwɔ kpəɠiɛ ta lɔpee hvo pai gɔwɔ hvilɛn ɉii mɛ̨i, di hvo pai da kaai laa; nuąi a Yai-Laa yee pɔ nuą, diɛ ɓə pai kɛi tɛɛi a bələi tii.

Azaya 4:2

Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Azaya 9:4

Hvó gaai, gɔlɔ kpɛa-kpɛai kɛ di kɔ́wɔ ŋą, diɛ nɔi tín gulɔ la, ɉəɠəi kɛ di kwaną gbɔluɔ a ɲąmą, yiliɠaai kəlee kaa pai kələn ɉii, di kɛ a nwɔ̨n gɔ̨nɔ̨n.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Ɉeremi 23:4

Ɲą́ą́ Yai-Laa nwóó ka: «Gáá pai di ɲąąkɔn nuą tɛɛi di pɔ, di hva kɛa ɲɔw, di hva kɛa kɛ mɔ̨nɔ̨ hu, da hva kɛa pili ɉu.»

Ɉeremi 25:14

Diɛ kpɛli mąn, di kaa pai kɛi a luwɔɠaa, lɔi tamąą yee mu, da tɔɔɓɛlaa huwalawalaa yee mu. Ŋą́ di túwɔ́ pələ da di kɛ mɛ̨nį ɲɔ̨n gwələ kpɛ diɛ.»

Ɉeremi 27:7

Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Ɉeremi 30:8

Yai-Laa Mɛ̨nį Kəlee ŋą Hééɓomun nwoo ka, yələi tii a həli, ŋą́ nwɔ́ tiɛ̨i kulɔ di nwuɔ̨, ŋą́ ɲɛliɠaa tee. Di hva kɛa kɛ a nwɛ̨ąą di wɔ luwɔ.

Izikiɛ 28:25

«Mɛ̨ni kəlee ŋą Hééɓomun Yálá woo ka; yɛ: Ɲələi gaa pai Israɛlə nwɔ pɛlɛ́i mu nuą kulɔi la nɔiɠaai ŋą́ di taɠa taɠa ɉu di lɔwai, gɛ́ ɲąąkpɔn, gáá pai nɛi lɔiɠaa diɛ, gɛ́ kɛ mą́ą́həɠɛɛi. Di kaa pai kɛi di wɔ lɔi hu, yai ŋą́ dɛɛ nwɔ́ tí mun Ɉakɔbə pɔ.

Izikiɛ 30:18

Yələ hvo pai ɓɔi Dafne mɛ̨i, ɲələi gáá pai Eziptə nwɔ hééɓolaai hu yalii la, ŋą́ nwɔ kpɔwɔ ŋąą kɛnɛ̨i kulɔ ɲəi, yai ə kɛi nwun dɛ ɉu. Tulɔ kpinįn gaa pai pɛlɛi mɛ̨i, nonnii nɛ̨ą diɛ li luwɔlaa hu.

Izikiɛ 33:29

Di kaa pai gili kɔ́lɔn ɉii, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai nɔi kɛi laa a lɔi pun, mąąwɛliɛ; di wɔ kɛɛ kala mɛ̨nįɠaai kpɔ di gɛ, gəlee mąą mɛ̨nį ɓa.

Izikiɛ 34:10

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: Gáá kiti pɛlɛi daatɛlɛɛ pulu nuąi tii diɛ, gáá pai nwɔ́ taatɛlɛɛ kpului kwɛlii, ŋą́ gulɔ di yəi; ɛlɛɛ, gɛ́ di yee kulɔ daatɛlɛɛ pulu kóló hu. Di hvo kɛa pai pɛlii di kpɔwɔ ɲąąkɔn ɉii. Gáá pai nwɔ́ taatɛlɛɛ kpului wean ɉii di la, di hvo kɛa pai kɛi a di laamįi hɛn.

Izikiɛ 34:25

«Kwa nwɔ́ taatɛlɛɛ kpului, ku kaa pai liilaa mįnɛ̨ həɠəi; gáá pai nɔwɔ huwɔ ɲɔ̨nwɔ̨ɔ̨ɠaa kulɔi nɔi, nwɔ́ taatɛlɛɛɠaai diɛ kɛ liilaa hu, nɔi pun ɉu; Diɛ yii gbomoɠaa hu.

Izikiɛ 34:29

Gáá pai tíi lɛlɛɛ ta tɛɛi di pɔ, naa tɛɛ, nu ta hva kɛa haa a pulu nɔi hu; lɔiɠaa di hva kɛa nwumɛ̨ tɛ a diɛ.

Izikiɛ 36:29

Gáá pai ka wɔ mąąliɓi mɛ̨nįɠaa kəlee kulɔi kaa, gɛ́ gɛ ɓá yɛ lɛlɛ káá, vá kɛa pulu too kaa.

Izikiɛ 36:30

Ɉihɛnŋaa diɛ ɓá ka yəi, tííɠaa diɛ lɛlɛ kaa; ka hva kɛa nwumɛ̨, lɔiɠaa ɲɛ̨i ɓa, kɔ̨nɔ̨n mɛ̨nį ɓa.

Izikiɛ 36:8

Nąąlɔwai, kaai a Israɛlə yeeɠaa, ka káá pai kɛi a lɔi lɛlɛɛ, hɛn gəlee yɛ lɛlɛ laa, a nwɔ́ nu huwui Israɛlə nwɔɔ, mąąhɔlɔɓo ɉu hvo kɛa kwɛa li, yɛ pənə yɛ pa nwɔ lɔi hu.

Izikiɛ 38:11

Yɛ́ kɛ diɛ: Gáá lii ŋį́ wolo lɔi ta ɓa, mąą kɔnwɔ̨i hvo mą; gáá pai həəi nuą diɛ, di wəli pulu laɠia, di ɓo lii laa yɛnɛ̨ɛ̨ hu; hįi hvo di wɔ taa tai lɔpee ɓa, kpon və laa, naakpulu kwɛli hvo mą.

Izikiɛ 38:8

Ɉu aa kwɛa, mąąnɛ̨ɛ̨ kɛ ku ə́ mąą mɛ̨nį ɲɛ̨i kulɔ; yili kaa pai kɛi tii, gwɛlanŋaa laa a hvɛɛ; lɔi ta hu, da ɉu nuą taɠa, mąąhɔlɔɓo, kɔ́ kɔ́ ɓɔwa a tɛɛ laa. Di həɠə lɔi ta hu, yii kɛ naa hvɛɛ a nu kan, di di ɲąąkpɔn Israɛlə yeeɠaa mɛ̨i; ɲeeɠaai tii daa kɛ lɛɛ a lɔi pun a ɉu kwɛa. Di nuąi tii kulɔ lɔiɠaa lɔwai, di kəlee di kaa pai kɛi liilaa hu.

Izikiɛ 39:26

Nwumɛ̨i di mo, da di wooɠaai kpɔ di gala mą́ą́ mɛ̨nį hu, ɓɛlɔwai di kɛ laa di wɔ lɔi hu, nu ta hvo kɛi di mąą kpɛlin, da lɛ̨ą yili kəlee ɓa.

Izikiɛ 39:28

Da gili kɔ́lɔn diɛ kɛ na tii diɛ kɛ; Hɛn gəlee Nąmu ɓaa a ɲą́ą́, di wɔ Yálá; mąąhɔlɔɓo, tɛ̨ą li, gáá pai lii a diɛ luwɔlaa hu, kɛlaa yili pulu, gáá pai pənəi ŋį́ di ɲąąkpɔn, di kpɔɔ kpɔɔ lɔi hu; vá di lɛɛ gɛɛ nąąi ti ɓa.

Izikiɛ 47:12

Ɲá hvɛɛi tii kwɛlɛ, gbonwon ɲa hveelɛi ɓa, ɓá wulu huwu kəlee kaa pai kɛi ɓɔn ɉii laa, di laa hvo pai kpalai di ɲa, di ɓa hvo pai kpɛɛi di hu; di kaa pai ɓa nįnɛ̨ ɓoi ɲąnin dɛi tɛi yeemu, mąąhɔlɔɓo ɲáleei tii kaa kulɔi Yálá hee pɛlɛ́ mu. Di ɓa kaa pai kɛi a kɔ̨nɔ̨n, di laa ə ɓo a hali.

Osia 11:11

Di kaa pai həɠəi Eziptə, diɛ pa a gilɛ, di mąą yɛ kpɛlin yɛ nwɛ̨ni lonnii, diɛ həɠə Asiri lɔi hu yɛ tonwənənŋaa, gáá pai di heei di wɔ pɛlɛ́ɠaai mu; Yai-Laa woo li.

Osia 2:20

Kwa diɛni kwa mįnɛ̨ həɠə a mąą yələ, da lɔwɔ huwɔɠaa, da yələi nwɛ̨niɠaa, da talahuwɔɠaai. Kilɛn, kɔ́ kɔ́ ɓɔwa, da kɔ́, ŋą́ gəlee hu wolo; da hva kɛa kɛ nɔi, gɛ́ hvaa mą nɔi lonnii diɛ yíi lii laa hu

Levetekɔ 26:13

Ɲą́ą́ Yai-Laa ka wɔ Yálá, ɲą́ą́ ɓə ka kulɔ Eziptə nuą di wɔ lɔi hu, diɛi ka kɛ di yəi a luwɔɠaa. Ɲą́ą́ ɓə nuwɔlaa kpɔnɔ̨i tii kulɔ ka nwun ma, gɛ́ gɛ kaa hiɛ a ka nwun muhəɠɛɛ.

Levetekɔ 26:4

gáá pai kɛi tulɔ pui ka mɛ̨i a bui lɔwai; lɔi yɛ lɛlɛ, hihɛnŋąą diɛ ɓá.

Levetekɔ 26:6

Gáá pai liilaa heei nɔi hu, ka kɛ laani hɛn da hva ka mąą ɲɔw, gáá pai lɔwɔ huwɔ ɲɔ̨nwɔ̨ɔ̨ɠaa kpɛi nɔi hu, kɔ́ kɔ́ ɓɔwa hvo kɛa pai tɛɛi ka wɔ lɔi hu.

Zakari 8:12

Yili ɓa, gáá pai liilaa hį́n ɉi lɔi mɛ̨i, viɲə yɛ ɓa, híhɛn yɛ lɛlɛ nɔi hu, yələkɔ́lɔn yɛ tulɔ pu; Ŋą́ ɉɛnŋąąi tii kəlee tɛɛ, nɔi lonnii gbəliɠaai da lɛɛ, di pɔ a di wɔɔ.