Izikiɛ 34:24 - Yálá laawoo hɛɓɛ (dc)

²⁴ Ɲą́ą́ Yai-Laa, ŋą́ kɛ a di wɔ Yálá, nwɔ́ tí mun Davidə yaan, ə ɓo a di nwun nąmu, ə ɓo di lɔwai. Ɲą́ą́ Yai-Laa nwóó li.

Yálá laawoo hɛɓɛ

²⁴ Ɲą́ą́ Yai-Laa, ŋą́ kɛ a di wɔ Yálá, nwɔ́ tí mun Davidə yaan, ə ɓo a di nwun nąmu, ə ɓo di lɔwai. Ɲą́ą́ Yai-Laa nwóó li.

Bible

²⁴ Ńyãai a Yâwɛɛi Ńyãa ƃé pâi kɛ̂i a Díɣâlai. Ńyee-mu-nuui Deeƃé ŋɔsuui su nuu da kɛ́ ƃò a díkâloŋ. Ńyãa Yâwɛɛ ńyãa ƃé mò tí.

Izikiɛ 34:24 ပူးပေါင်းရင်းမြစ်များ

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Azaya 55:4

Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Ɉeremi 30:21

Nɔi lon da ɓə a kɛ a nwɔ tɔɔmun, ɲąąwooɓomun a kulɔ di lɔwai. Gáá hvaai ma yɛ mąą lɛɠɛ mą́ą́. Gbɛɛ kpɔ ɓə nii a pɛli kpələi yɛ mąą lɛɠɛ mą́ą́? Yai-Laa woo li.

Ɉeremi 30:9

Yai-Laa di wɔ Yálái ɓə di kaa pai tí mą, Davidə ə ɓo a di wɔ tɔɔmun yai gáá pai ɉeei di nwun na.

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Ɉeremi 32:38

Nąąlɔwai da kɛ a nwɔ́ nuą, gɛ ɓo a di wɔ Yálá.

Izikiɛ 20:5

«Ɲą́ą́ Mɛ̨nį kəlee ŋą Hééɓomun Yálá nwóó laa həli diɛ, yɛ diɛ: Ɲələi ŋą́ Israɛlə həɠə la a; nííɓa lɔi, ŋą́ ɲéé tɛ yələi, ŋą́ gwɛla Ɉakɔbə yəi bɛlɛ́n nu huwu ɓa; ŋą́ gbɔ́ɔ́ lɛ diɛ Eziptə lɔi hu, ŋą́ ɲéé tɛ yələi, ŋą́ gwɛ́la, gɛ́ diɛ: Gáá a Yai-Laa ka wɔ Yálá.

Izikiɛ 20:7

Ŋą́ kɛ diɛ; mowo mɛ̨nɠaai tii ka káá ka ɲɛ̨i kulɔi di pɔi, ka ka kili həɠə laa, ká kəlee. 'Ka hvo ka kɔ́hɔɓo a Eziptə haliɠaa, ɲą́ą́ ɓə gaa a Yai-Laa ka wɔ Yálá.

Izikiɛ 21:27

Mamįiyee hu pələ, Ɉerusalɛmə ə́ ɓa-mįi-yee hu pələ, tɔlu ɓə woo laa, yɛ kɛ: ‹'Ka pa a bɛlɛ́ nwąną wolo hɛnŋąą; 'ka nu paa mɛ̨nį loloɓo; 'ka ka woo tɛ yələi, kaa kɛ diɛ: «Kɔ́ ɓə!» 'Ka pa a gbon nwolo hɛnŋąą; 'ka bɔlɔ ɓuwo; 'ka lɔwa tee.›

Izikiɛ 36:28

Nɔi tii ta ŋą́ dɛɛ ka nąnni pɔ, ka káá pai heei laa; kaa kɛ a nwɔ́ nu huwu, ŋą́ ɓo a ka wɔ Yálá.

Izikiɛ 37:22

Gáá pai di kɛi a lɔi tɔ̨nɔ̨ nɔi hu; Israɛlə yeeɠaa mɛ̨i, tɔɔmun dɔ̨nɔ̨ lɔ ɓə pai kɛi di kəlee di nwun na. Di hvo kɛa pai kɛi a lɔi hveelɛ, dɔɔlaa hvo kɛa pai kɛi a mɛlaɓoɔ ɉu hveelɛ.

Izikiɛ 37:23

Di hvo kɛa pai kɛi di mąąliɓi a di wɔ haliɠaai, da di wɔ túwɔ pələ ɲɔ̨nŋaai, ə mą kɛ di wɔ kulɔ nwoo mu laai di kɛi gɛi. Ɓɛɠaai kpɔ di kaa laa, gáá pai di nwun mąąɓoi, ŋą́ di kulɔ laa; ɓɛɠaai di nɛ̨ŋɛ̨n ɉəɠə laa. Gáá pai di mąąhəɠəi, da kɛ a nwɔ́ nuą, ɲą́ą́n ŋą́ kɛ a di wɔ Yálá

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Izikiɛ 37:25

Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Izikiɛ 37:27

Ɉéé pɛlɛ́ kaa pai kɛi di kwɛlɛ, gáá pai kɛi a di wɔ Yálá, diɛn, di ɓo a nwɔ́ nuą.

Izikiɛ 39:22

Ə həɠə mąą yələ ɓa, yɛ li la tɔwɔ pələ; Israɛlə nwɔ pɛlɛ́i a gili kɔ́lɔn yɛ kɛ Yai-Laa, di wɔ Yálá ɓaa a ɲą́ą́.

Izikiɛ 44:3

Kɛlaa tɔɔmun nwɛi, yɛ bələi gaa la a tɔɔmun, nąą ɓə gaa pai heei laa yɛ kɔ̨nɔ̨n mįi Yai-Laa lííla. Gaa pai kɛi lɔi a ɲimɛn mu pɛlɛ laaləi pələ, yɛ kulɔ a bələ yii ti.

Izikiɛ 45:7

Dɔɔmun nwɔ lɔi a kɛ gɛɛnąą mąąhəɠɛɛ da daa nwɔ lɔi di lɔwai, ə ɓo bələ hveelɛi ɓa, nąą ta ə ɓo gɛɛnąą mąąhəɠɛɛ ɓa, da daa nwɛi. Ɲɛ̨i a kɛ a ɉeɛ vóló kulɔi pələ, bələ tɔ̨nɔ̨ ɲɛ̨i heɛ vóló tooi pələ. Gwɛa pələ a kɛ yɛ pɛlɛ tɔ̨nɔ̨ nwɛi; ə həɠə gboloyá ɓa, ə həli la nɔi ɲɛn ma voló kulɔi pələ.

Izikiɛ 48:21

gbəli a kɛ a dɔɔmun nwɛi; nɔi mąąhəɠɛɛ bələ hveelɛ, da daa tɔɔ lɔi bələ hveelɛ, ɲee tɔɔɉu waa pow hveelɛ kɔ́w lɔɔli koo ɓa, ə həɠə la voló kulɔi pələ ɲɛ̨n ma, ɛlɛɛ, gboloyá pɔ pələ, ɲee tɔɔɉu waa pow hveelɛi koo ɓa; ə həɠə la gboloyá ɓa. Dɔɔmun nwɔ lɔi a kɛ lɔ yɛ bələi nuą di wɛi a kɛ la; gɛɛnąą mąąhəɠɛɛ kaa pai kɛi nɔi hɛ̨ąi da Yálá hee pɛlɛ́ nwɔ lɔi.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Korɛntə dɔlɔɔ 15:25

Mąąhɔlɔɓo, hvo kɛli ə hééɓolaa kɛ, ə lɛɛ ɉu, ə ɲowoɠaa kəlee too gɔ́wɔ mu.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.