Izikiɛ 34:20 - Yálá laawoo hɛɓɛ (dc)

²⁰ Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Ɲą́ą́ gbínii, gáá pai mɛlaa haa yolaa, da mɛlaa haa kpalaa di lɔwai mɛ̨nį ɓoi.

Yálá laawoo hɛɓɛ

²⁰ Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Ɲą́ą́ gbínii, gáá pai mɛlaa haa yolaa, da mɛlaa haa kpalaa di lɔwai mɛ̨nį ɓoi.

Bible

²⁰ “M̀ɛni ma Ńyãai a Ŋ̀wála-wâla kélee Yâwɛɛi ŋa môi kâa a gɛɛ ŋa pâi mɛni-sâa ƃôi m̀ála wála-walaa-ŋai da m̀ála fíi-kpɛɛ-ŋai loai.

Izikiɛ 34:20 ပူးပေါင်းရင်းမြစ်များ

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Izikiɛ 24:5

gɔwɠaa lɔ mu pələ, ə nɛn gbɔ kpulu kpulu, mąąnɛ̨ɛ̨ gɔwɠaa kəlee di mɔ̨n.

Izikiɛ 34:10

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: Gáá kiti pɛlɛi daatɛlɛɛ pulu nuąi tii diɛ, gáá pai nwɔ́ taatɛlɛɛ kpului kwɛlii, ŋą́ gulɔ di yəi; ɛlɛɛ, gɛ́ di yee kulɔ daatɛlɛɛ pulu kóló hu. Di hvo kɛa pai pɛlii di kpɔwɔ ɲąąkɔn ɉii. Gáá pai nwɔ́ taatɛlɛɛ kpului wean ɉii di la, di hvo kɛa pai kɛi a di laamįi hɛn.

Izikiɛ 34:17

«Ka wɛi, kaai a nwɔ́ taatɛlɛɛ kpului, mɛ̨nįi Mɛ̨nį kəlee ŋą Hééɓomun Yálá woo ka; yɛ: Gáá pai ɓɛlaa haaɠaa da ɓɛlaa haaɠaa di lɔwai mɛ̨nį ɓoi, gɛ́ ɓɛlaa hilɛɠaa da ɓoli hilɛɠaa di lɔwai mɛ̨nį ɓo.

Izikiɛ 34:19

A kɛ ti, gala tiliin ka giin a ka kɔ́wɔi, ya ɓə nwɔ́ taatɛlɛɛɠaai kaa pai mįi, ɛlɛɛ, ɲai ka nunu, ya ɓə mąąnɛ̨ɛ̨ di gbələ.

Izikiɛ 34:21

Yiiɠaai ɲɔ̨n ə kɛ diɛ, ka kɛi kɛlɛ di hu, kaa di pili a ka ɓonwon, kaa di kɛlɛ a ka mįnɛ̨ɠaa; ɛlɛɛ ɉu, ka di taɠa taɠa gala tiliin ma.