Izikiɛ 34:11 - Yálá laawoo hɛɓɛ (dc)

¹¹ «Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: Ɲą́ą́ gbį́nį ɓə pai lii nwɔ́ taatɛlɛɛ kpului kwɛlii, gɛ́ naa hɔn mo.

Yálá laawoo hɛɓɛ

¹¹ «Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: Ɲą́ą́ gbį́nį ɓə pai lii nwɔ́ taatɛlɛɛ kpului kwɛlii, gɛ́ naa hɔn mo.

Bible

¹¹ “Ńyãai a Ŋ̀wála-wâla kélee Yâwɛɛi ŋa mò a gɛɛ ńyãa kpîŋ ƃé pâi ŋaƃála-ŋai mɛi kâai. Ŋa pâi díkɔ̂rii ŋá dímɛi káa.

Izikiɛ 34:11 ပူးပေါင်းရင်းမြစ်များ

Zɛnɛse 6:17

Gáá pai yánwąną kulɔi lɔi mɛ̨i, ə nɔ̨ɔ̨-nɔ̨ɔ̨ hɛnŋaa kəlee nwun napili lɔi mɛ̨i.

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Azaya 45:12

Ɲą́ą́ ɓə lɔi pɛli, ɛlɛɛ, nu kan lɔi mɛ̨i, ɲą́ą́ ɓə bɛli; ɲą́ą́ ɓə yələkɔlɔn volóon a ɲéé, ɛlɛɛ, gɛ́ yələ kwəi hɛnŋąą ŋąąwooɓo.

Azaya 48:15

Ɲą́ą́, ɲą́ą́ ɓə hvaa; gaa tii, ɲą́ą́ ɓə ɲą́ą́ ɓə dəli, ɛlɛɛ, gɛ kóló hu kaa pai nɛ̨ɛ̨i!

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Ɉeremi 31:8

Gáá pai di kulɔi ɲánwuɔ̨ pələ lɔiɠaa hu, gɛ́ pənə gɛ́ pa a diɛ; gɛ́ di kulɔ lɔi kpon ɉeei, gɛ́ di ɲąąkpɔn. Ɲɛ̨ipu nuąi di lɔwai, gɔwɔ nwąną nuą, goonɛ̨ąɠaa, da gɔ̨nwɔ̨leeɠaa kəlee da pa. Nu kpulu kɛnɛ̨ ka tii pai ɓɛ.

Izikiɛ 11:17

'Mo diɛ, yɛ́ diɛ: Mɛ̨nį kəlee ŋą Hééɓomun Yálá woo ka: ‹Gáá pai ka kulɔi nɔiɠaa hu, gɛɛnąąɠaai tii di ka taɠa-taɠa laa, ŋą́ ka həɠə laa ŋą́ pa a kaa kɛɛnąą tɔ̨nɔ̨ ɓa; yili pulu ŋą́ Israɛlə lɔi tɛɛ ka pɔ.

Izikiɛ 20:41

Ŋą́ ɲéé hee ɉaláá kun nɛ̨ɛ̨ɠaa mu, ə mą kɛ, ka kpinį lee. Ŋą́ pa kɛa ka kulɔi nɔiɠaa hu, ɓɛɠaai ka taɠa taɠaa laa, ŋą́ ka kulɔ laa, gɛ́ ka ɲąąkpɔn, bələi mą́ą́həɠɛɛ la, ŋą́ gbaɠala lɛ lɔiɠaa diɛ, a ka hon bələ ɲə́i.

Izikiɛ 5:8

Yili mąą mɛ̨nį ɓa, Ną́mu Yálá woo ka, yɛ: Ɲą́ą́n gbɛlimąn, ŋą́ą́ kɛ a ə́ yowo; gáá pai giti kalai yɛ́; lɔiɠaa ɲɛ̨i ɓa.

Izikiɛ 6:3

'Kɛ diɛ: Israɛlə yeeɠaa, ka ká wəli tɔɔ Ną́mu Yálá woo ɓa. Mɛ̨nįi Yai-Laa kaa moi ɲeeɠaa, ɲee kpu kpuɠaa, moloonŋąą, da ɲee lɔwai lɔiɠaa diɛ, ya ka: Ɲą́ą́, gáá ɓɔwa kwɛaa ɲąątɔɔi kaa; gɛ́ ka wɔ hɛlaa kulɔiɠaa hu kala.

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Levetekɔ 26:28

ŋą́ tɔɔ ka la a liiholi kɛnɛ̨, ɲą́ą́ gbinįi gɛ́ ka hutɔɔ gee mɛ̨i mɛ̨ihveelɛ, ka wɔ nɛ̨ŋɛ̨nŋąąi mąą mɛ̨nį ɓa.

Zakari 10:3

Mɛlaa pulu nuą ɓə, ŋį́ nííholi di pɔ, molu hilɛɠaa ɓə gáá pai heei di hu. Mąąhɔlɔɓo, Yai-Laa Mɛ̨nį Kəlee ŋą Hééɓomun, kaa pai nwɔ taatɛlɛɛ kpului mɛ̨i kaai, yai a Ɉuda nwɔ pɛlɛ́i. Gaa pai gɛi a nwɔ kɔ́nwɔ̨-hvoo, gɔ́ mɛ̨i.

Zakari 9:16

Ɲələi tii, Yai-Laa, di wɔ Yálái a di mąąkɔ̨nwɔ̨, diɛi tii a nwɔ nu huwui, a nwɔ ɓɛlaa haaɠaai. Di kaa pai kɛi yɛ Kúwɔ́-kwɛni lɛlɛɛɠaa, diɛ lən nwɔ lɔi mɛ̨i.

Lukə 19:10

Nuą yiiɠaai di piliɛ kɛ, Nu Lon ə pa di kwɛli mɛ̨nį ɓa, əgɛ, di ɓalo.»

Ɉaan 10:11

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Ɉaan 10:16

Ɓɛlaa takpɛliɠaa kaa ɲéi yiiɠaai di hvo ɓɛ mɛlaa kwənąn ɉu. Yiliɠaa tii, hvo kɛ li ŋį́ di kwɛli ŋį́ pa a diɛ. Di kaa pai nwóó mɛ̨n ɉi, di pɛlɛ di kee ɓa di kɛ a kpulu tɔ̨nɔ̨, di mɛ̨i kaa mun ə kɛ tɔ̨nɔ̨.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.