Izikiɛ 33:4 - Yálá laawoo hɛɓɛ (dc)

⁴ Nu ta a dúlú woo mɛ̨n a wala gilaa pɔ̨nɔ̨ mɛ̨nįi tii kaa a mɛ̨nį wala wala, gɔ́ a pa, mąą nu a lɛɛ ɉu, ɲąmą wulu a lɛɛ gbɔwɔ nwuɔ̨.

Yálá laawoo hɛɓɛ

⁴ Nu ta a dúlú woo mɛ̨n a wala gilaa pɔ̨nɔ̨ mɛ̨nįi tii kaa a mɛ̨nį wala wala, gɔ́ a pa, mąą nu a lɛɛ ɉu, ɲąmą wulu a lɛɛ gbɔwɔ nwuɔ̨.

Bible

⁴ À kɛ̀ núu da a dúrii wóo mɛ̀ni, vé ŋ̀óli tɔɔ ní ǹia-wooi ma, gɔ́i a pà a bàa, gɛ̀ ní ǹúui tí ŋɔsaai maa mɛ̂ni káa gbîŋ ma.

Izikiɛ 33:4 ပူးပေါင်းရင်းမြစ်များ

Samia Veerɛi 1:16

Davidə yɛ mą: «Ə́ ŋama wulu a lɛɛ ə́ kpɔɔ nwuɔ̨, mąąhɔlɔɓo, yáá ə́ kpɔɔ kalama ɓo, kɛi ə́ mo diɛ: ‹Nui Yai-Laa ə dɔɔ wulɔ hiɛ mą, ɲą́ą́ ɓə baa.›»

Tɔɔɓɛlaa dɔlɔɔ 2:37

Yələi lɔpee ta, ə́ ma kpɛli giliɓo, ə́ kulɔ ɓɛ daai, ə́ Sedrɔn moloon mąąteen, ə́ kili ə kɛ ɉu yɛ́ kɛ, yá haa, ɉəɠə mąą hvo mą. Akɛ tii, ə́ ɲąmą nwulu a lɛɛ ə́ kpɔwɔ nwuɔ̨.»

Kɔlɔnikɔ Veerɛi 25:16

Ə lɛɛ lɔ hvaai, Amasiasə ə bələ tee mɛ̨i ɲəi, yɛ mą: «Gbɛɛ ɓə ə hee a tɔɔmun niɛwoo kɛmun? 'Kpəla mą! Awala kɛ tii, ə́ kaa bɔ di ə́ kɛlɛ?» Yálá kwəi mɛ̨nį hukulɔ mun ə naa pilɛ; kɛlaa, yɛ mą: «Ŋą́ą́ gbaɠala kaa, gɛ́ diɛ, Yálá kaa bɔ ə ə́ paa. Hvó gaai, dúwɔ́ taaləi tii yáá mo, ɛlɛɛ, hvo gɛ li hvó ə́ wəli tɔɔ nwɔ́ɔ́ liɛwoo ɓa.»

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Ɉeremi 25:3

«Ə həɠə Ɉuda tɔɔmun Ɉosiasə Amɔn lon nwɔ tɔɔlaa gwɛlan pow kɔ́w haaɓa yələ ɓa, ə həli la yiihu ɓa, aa kɛ kɛa a kwɛlan pow hveelɛ kɔ́w haaɓa, Yai-Laa a kɛ kpɔlɔɔ mɛ̨nį ɓoi mą́ą́, gɛ́ pa gɛ́ naa həli kaa, vįi hva kpɛɛ, kɛlaa, ka hvo ta ka wəli tɔɔ li nwóó ɓa.

Ɉeremi 6:17

Ŋą́ di mąąkpɛ mun dɛɛ di pɔ, yɛ ɲɛ̨i laa di mɛ̨i, yɛ di kilaa pɔ̨nɔ̨, yɛ kɛ diɛ: «Ka ka wəli tɔɔ dulu woo ɓa!» Kɛlaa, diɛ kɛ diɛ: «Ku hvo bɔ ku hvo ku wəli tɔɔ.»

Izikiɛ 18:13

Yɛ tɔ̨nɔ̨ kwɛli kwələ tɔɔ hu, yɛ tɔ̨nɔ̨ hɔlɔɓo a hulu, mąą lon a pɛli lɛɛi yɛnɛ̨ɛ̨? Hva lɛɛ yɛnɛ̨ɛ̨. Ə mɛ̨nį ɲɔ̨n ɉuwui tii kəlee kɛ, gaa pai haai ɉəɠə mąą hvo ɉu; ɲąmą wulu ə lɛɛ gbɔwɔ nwuɔ̨.

Izikiɛ 33:5

Ə dúlú woo mɛ̨n, kɛlaa, gili ŋą pɔ̨nɔ̨i tii di mo, hvo yili kaa a mɛ̨nį ta. Ɲąmą wulu a lɛɛ gbɔwɔ nwuɔ̨; kɛlaa nui a gilaa pɔ̨nɔ̨ mɛ̨nįi tii kaa a mɛ̨nį wala wala, a gbɔwɔ nwun mąąɓo.

Izikiɛ 33:9

Kɛlaa, yá nu ɲɔ̨nwɔ̨ɔ̨ kilaa pɔ̨nɔ̨, ə gɛ ə həɠə nwɔ túwɔ pələ ɲɔ̨n bulu, a wala gɛ hvo həɠə bulu, a haa gɛ nɛ̨ŋɛ̨n mąą mɛ̨nį ɓa, kɛlaa ə́ wɛi, yá ə́ nii nwun mąąɓo.

Levetekɔ 20:9

«Nui a nąn a wala kɛ tii nee lalan, mąąnɛ̨ɛ̨ di baa. Ɲąmą wulu a lɛɛ gbɔwɔ nwuɔ̨, mąąhɔlɔɓo, aa nąn da nee di lalan.

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Gɛlaɠaa 20:26

Yili ɓə gaa mą, gáá háákələi moi káá gɛ́ káá: Ka tɔ̨nɔ̨ kpɛli nwun na pili nwulu hvo nwúɔ.

Zĩi 1:22

Kɛlaa, 'ká kɛ a Yálá laa woo pɔ yíiɓo nuą, ɛlɛɛ, 'ká hvo kɛ a nuąi da di wəli tɔɔ, diɛ di kpɔwɔ ɓowo.