Izikiɛ 33:27 - Yálá laawoo hɛɓɛ (dc)

²⁷ 'Kɛ diɛ, Mɛ̨nį kəlee ŋą Hééɓomun Yálá woo ka: Yii kpɔ gáá a vúlu, nuąi tii daa kpoloon ɉu, di kaa pai haai a ɓɔwa kwɛa laa pɔɔ; nui a kɛ yɛɛ kɔwɔ hu, ŋą́ dɛɛ lɔwɔ huwɔɠaa pɔ a di kɔ̨nɔ̨n; nuąi kwɛni woloɠaa hu, lɔwaɠaa hu, lɔi mu, di kaa pai haai a ɲɔ̨n.

Yálá laawoo hɛɓɛ

²⁷ 'Kɛ diɛ, Mɛ̨nį kəlee ŋą Hééɓomun Yálá woo ka: Yii kpɔ gáá a vúlu, nuąi tii daa kpoloon ɉu, di kaa pai haai a ɓɔwa kwɛa laa pɔɔ; nui a kɛ yɛɛ kɔwɔ hu, ŋą́ dɛɛ lɔwɔ huwɔɠaa pɔ a di kɔ̨nɔ̨n; nuąi kwɛni woloɠaa hu, lɔwaɠaa hu, lɔi mu, di kaa pai haai a ɲɔ̨n.

Bible

²⁷ “Mó dîa Ŋ̀wála-wâla kélee Yâwɛɛi ǹyɛɛi, ‘Tãi nɔ́ ŋ́gaa la ɣele mai, diai díkaa daa pîleŋ-ŋai ŋái da pâi lɛɛ̂i ƃóa-sɔkpɔ-ŋa mu. Diai pâi kɛ̂i ǹɔɔi sui, ŋa pâi dítɛ̂ɛi ǹɔɔ-fɛnɛ-sãai pɔ dí dípaa. À kɛ̀ tí, diai pâi kɛ̂i gɔni wôlo-ŋai sui da diai pâi kɛ̂i daa-ŋai su ƃɛ́i kɔkuluƃa támaa káa naai, ŋa pâi dípaai a kɔlɔ-fela nyɔ́mɔ.

Izikiɛ 33:27 ပူးပေါင်းရင်းမြစ်များ

Azaya 2:19

Ka lɔ gwɛni woloɠaa hu, ka lɔwa tee ka lɔ ɉu, ə gɛ, Yai-Laa nwɔ liiɲąnwąnąai pai, ka pu ka həɠə dɔwɔ, ka ka mąąkilɛ nwɔ nwąną kulɔ vaŋąi tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Ɉeremi 41:9

Ɲálɔwai Yismaɛlə ə nu powaɠaa pu ɉui, ɲálɔwa kɛnɛ̨i tɔɔmun Asa ə dee ɓɛlɔwai Israɛlə tɔɔmun Baesa ə kɔ́ pɛlɛ la ma. Netania lon Yismaɛlə ə ɲálɔwai tii laahvɛɛ a nu powa.

Ɉeremi 42:22

Ka ka kili lɛɛ ɉu, káá diɛ ɓɔwa kwɛa kaa li ku paai, ɛlɛɛ, pulu da ɲɔ̨n. Ɓɛi tii ka káá bɔ ka li laa, ka ka mąą kilɛ laa.»

Ɉeremi 44:12

Ɉuda nuą gbəli woloi tii ɉaŋan a Eziptə lɔi hu pələ, diɛ li di mąąkilɛi, gáá hvilɛn ɉii gəlee pulu, di kəlee di kaa pai haai Eziptə lɔi hu, nąą ɓə di kaa lɛɛi laa tooni, a kɔ́ kɔ́ ɓɔwa laa pɔɔ, diɛ haa a pulu. Kɔ́ da pulu ɓə pai di paai. Gbɛa-kpɛaa da bɛlɛɛ-pɛlɛɛ mąn, di kaa pai kɛi a mąąwɛli nuą, nuą diɛ di kwɛla a di laa, diɛ lalan bili, diɛ nɛ̨ŋɛ̨n naa kɛ a di laa.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Izikiɛ 33:24

«Hulɔnu lon, daa kpoloon ɉu nuąi tii Israɛlə lɔi hu, da kɛ kɛi diɛ: ‹Abrahamə yaa tɔ̨nɔ̨ ɓə kɛ, ɓɛlɔwai ə kɛi hee la nɔi hu, kuɔi ŋɛ̨i kɛa a ku kɛpulu kɛnɛ̨, nɔi a lɛɛ ku yəi a ku wɔɔ.›

Izikiɛ 39:4

Ə́ kaa pai tooi Israɛlə yeeɠaa nwuɔ̨; yɛ́, ka yɛ́ kɔ́kulááɠaai, da nɔiɠaai ə́ yee mui; gáá pai ə́ tɛɛi kuwɔ́ɠaa pɔ a di kɔ̨nɔ̨n, da hɛn lɔpee a koon, da lɔwɔ huwɔɠaa pɔ.

Sofoni 1:2

Yai-Laa woo ka, yɛ diɛ: «Gáá pai nɔ̨ɔ̨-nɔ̨ɔ̨ hɛn gəlee nwun napilii lɔi mɛ̨i.

Nwun mąąɓo 6:2

Madian nuą di hee kpɔ Israɛlə lonnii mɛ̨i a nwąnąlɔ. Ya ɓə ə gɛ, Israɛlə nuą di kɛi di loo Madian nuą tɔwɔ, diɛ pələ kulɔ ɲee woloɠaa hu, diɛ lɔ gwɛni woloɠaa hu, diɛ di mąąkilɛ laa.

Samuɛlə dɔlɔɔ 13:6

Israɛlə nu di gaa diɛ gɔ́ aa kpɔlu, mąąhɔlɔɓo, daa kɛ hee di hu kɛnɛ̨. Nuą di kɛi di loo gwɛni woloɠaa hu, kɛɛnąą loɔɠaa, gwɛniɠaa lɔwai, da woloɠaa hu nɔi mu, da ɲá-lɔwaɠaa hu.

Samuɛlə dɔlɔɔ 22:1

Davidə ə həɠə laa, ə li ə mąąkilɛ Adulamə kwɛni wolo hu. Niɛni da nąn ɲəi bɛlɛ́n nuą kəlee di bələ mɛ̨n, di laŋąnnaa mą gɛɛnąą tii ɓa.

Samuɛlə dɔlɔɔ 23:14

Davidə ə li ə hee nɔi pun ɉu yɛ noo; ə ɉeei kulɔ ɲee hɛŋɛlɛn ma Zifə nɔi pun ɉu. Volói tii kəlee yee mu, Saulə ə kɛi gwɛli. Kɛlaa, Yai-Laa hvo hvaa mą Saulə yee hvo pɛli Davidə ɓa.

Samuɛlə dɔlɔɔ 24:3

Saulə ə nu waa haaɓa həɠə a kulaaɠaa Israɛlə nuą kəlee lɔwai, yɛ diɛ di Davidə da nwɔ nuąi di kwɛli, ɓɛi da kɛ naa laa ɓaa: «Molu kwɛni wolo», nąą tənən ma.