Izikiɛ 33:24 - Yálá laawoo hɛɓɛ (dc)

²⁴ «Hulɔnu lon, daa kpoloon ɉu nuąi tii Israɛlə lɔi hu, da kɛ kɛi diɛ: ‹Abrahamə yaa tɔ̨nɔ̨ ɓə kɛ, ɓɛlɔwai ə kɛi hee la nɔi hu, kuɔi ŋɛ̨i kɛa a ku kɛpulu kɛnɛ̨, nɔi a lɛɛ ku yəi a ku wɔɔ.›

Yálá laawoo hɛɓɛ

²⁴ «Hulɔnu lon, daa kpoloon ɉu nuąi tii Israɛlə lɔi hu, da kɛ kɛi diɛ: ‹Abrahamə yaa tɔ̨nɔ̨ ɓə kɛ, ɓɛlɔwai ə kɛi hee la nɔi hu, kuɔi ŋɛ̨i kɛa a ku kɛpulu kɛnɛ̨, nɔi a lɛɛ ku yəi a ku wɔɔ.›

Bible

²⁴ “Núu-kpune ǹóŋ, diai díkaa daa pîleŋ ŋá Eezuɛ lɔii sui, díkaa nɔ́ m̀ôi dîyɛɛ, ‘Berei máŋ Eberaɣɛ̃ɛ è kɛ̀ la a núu tɔnɔi, ǹyaa ƃé dí ǹɔii ŋí kélee tɛ̀ɛ bɔ́. Kɛ́lɛ kútâmaai. M̀ɛni ma, ǹɔii káa a kú pɔ́ɔ a tɔ̃yâ.’

Izikiɛ 33:24 ပူးပေါင်းရင်းမြစ်များ

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Nehemi 9:8

Ə́ gaa yɛ́ Abrahamə lii kanąn ŋąąi yɛ́, ka yaa ka mįnɛ̨ həɠə, ə́ Kanaan nuą, Hɛtə nuą, Amɔrə nuą, Perizi nuą, Ɉebusə nuą, da Girgasə nuą, tɛɛ bɔ yaa tii bɔ, ə mą kɛ ɉuwu hu nuą. Ə́ kulɔ ə́ woo ɓa, mąąhɔlɔɓo, ə́ tələnmoɔi.

Azaya 51:2

'Ka ka nąn Abrahamə kaa, da ka lee Sara, yai ka káá, yɛnɛ̨ɛ̨; hvo gaai tii, yaa tanɔ̨n gbən nɔ ɓə kɛ laa, gɛ́ dəli; yili kɛɛ tii, ŋi luɠo too mą, ŋi ɉuwu hu kɛnɛ̨!

Ɉeremi 39:10

Kɛlaa, ɲeehowolo nuąi hɛn da hvo kɛ di yɛi, di bələ tɔ̨nɔ̨ lɛɛ nɔi hu, di tííɠaa da hihɛnŋaa ɲąąkwɛlɛ diɛ.

Ɉeremi 40:7

Gɔ́laɠa nwun nąmįnąi tii kɛ di taɠa taɠa nɔi hu, da di wɔ nuą di bələ mɛ̨n diɛ kɛ, Ahikamə lon Gedaliasə ɓə Babilonə tɔɔmun ə ɉee, yɛ ɲɛ̨i kɛ nɔi ɓa, ə mą kɛ ɉinąą, nɛ̨ąą da nɛapɛlɛɛ, ɛlɛɛ, nɔi hu nuą taɠaa, diɛi hɛn və di yəi, di hvo li li a diɛ Babilonə, di di kəlee di kalihvaɓo mą.

Ɉeremi 41:7

Di həliɛ daa hąąi, Netania lon Yismaɛlə da nuąi tii kɛ bɔ, di di paa, di di powa pili ɲálɔwa hu.

Izikiɛ 11:15

«Hulɔnu lon, 'mo ə́ kaayɔwɔɠaa kəlee diɛ, ə́ yəi bɛlɛ́n nuą, Israɛlə nwɔ pɛlɛ́i kəlee; a diɛi tii Ɉerusalɛmə nuą da kɛ kɛi diɛ: ‹Ka ká mąą kwɛa Yai-Laa ɓa, mąąhɔlɔɓo kuɔ ɓə di nɔi ŋɛ̨i tɛɛ ku pɔ a ku wɔɔ.›

Izikiɛ 33:23

Yai-Laa ə hvaa bɔ́, yɛ mą́ą́:

Izikiɛ 33:27

'Kɛ diɛ, Mɛ̨nį kəlee ŋą Hééɓomun Yálá woo ka: Yii kpɔ gáá a vúlu, nuąi tii daa kpoloon ɉu, di kaa pai haai a ɓɔwa kwɛa laa pɔɔ; nui a kɛ yɛɛ kɔwɔ hu, ŋą́ dɛɛ lɔwɔ huwɔɠaa pɔ a di kɔ̨nɔ̨n; nuąi kwɛni woloɠaa hu, lɔwaɠaa hu, lɔi mu, di kaa pai haai a ɲɔ̨n.

Izikiɛ 34:2

«Hulɔnu lon, Israɛlə ɲɛ̨itɔwɔ nuą hvala, náá hu; nwooi ŋɛ̨i ɓo diɛ a di hvala woo, kɛ diɛ; Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai Israɛlə ɲɛ̨itɔwɔ nuą diɛ, diɛi tii di kpɔwɔ lɔ ɓə da ɲąąkɔn. Kɛlɛi taatɛlɛɛ kpulu ɓə mąąnɛ̨ɛ̨ daatɛlɛɛ mɛ̨i kaa nuą di ɲąąkɔn gɛi-ee?

Izikiɛ 36:4

yili mąą mɛ̨nį ɓa, kaai a Israɛlə yeeɠaa ka ka wəli tɔɔ, Mɛ̨nį kəlee ŋą Hééɓomun Yálá woo ɓa. Mɛ̨nį kəlee ŋą Hééɓomun Yálá yɛ: Kaai ɓaa a ɲeeɠaa, kaai a ɲee kpu kpuɠaa, kaai a ɲaɠaa, kaai a ɲee lɔwai lɔiɠaa, kaai a daa kpoloonŋaa, kaai ka kwɛlɛ lɔiɠaa di kɛi too ka mɛ̨i, diɛ yɛlɛ kulɔ ka hui;

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Maafîu 3:9

Ɛlɛɛ, ka hvo ka kiliŋąhiɛ, kaa kɛ mą: ‹Ku kálápɔlɔ ɓaa a Abrahamə.› Gbalaitɔɔ, gáá moi kaa, Yálá a pɛli mą ə gwɛniɠaa ŋɛ̨i mąąpənə a Abrahamə lonnii.

Lukə 3:8

Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Ɉaan 8:33

Nuą tii diɛ Jesus ɓa: «Ku kaa a Abrahamə huwu; ku hvo ta luwɔlaa kɛ li nu ta yee mu. A kɛ pələ kɛ ləi, yɛ kɛ diɛ: ku kaa pai kɛɛi ku gbɔwɔ ɓa?»

Ɉaan 8:39

Di nwoo pulu pənə, diɛ mą: «Ku kalaɓɔlɔ ɓaa Abrahamə.» Jesus yɛ diɛ: «Akɛ Abrahamə huwu ɓaa a kaa, ka Abrahamə túwɔ́ pələ həɠə.

Gɛlaɠaa 7:5

Yálá hvo kpɛli nɔi hu hɛn ta dɛɛ bɔ, ə ma kpɛli kɛ gɔwɔ hvilɛn tɔ̨nɔ̨. Kɛlaa, Yálá ə naakwɛlan mo mą yɛ mą, gaa nɔi ŋɛ̨i tɛɛi bɔ, yaa da ɉuwu, bələi mąn lon və ni kɛ la mą.

Lomaŋ 4:12

Abrahamə kaa lɔ nwɔ̨nɔ̨ a nuąi di kɛ́nɛ̨ kɛɛ di kalaɓɔlɔ diɛi di hva di kilitɔɔ lɔ kɛ́nɛ̨ mɛ̨nį ɓa, kɛlaa, laa na laai kɛ gu kalaɓɔlɔ Abrahamə yəi, di hvo ni kɛ ɉee li kɛ́nɛ ɓa, ya ɓə di hvilɛn ŋąą bulu.

Lomaŋ 9:7

Abrahamə huwu hu nuą kəlee hvə a Abrahamə lonni leeleeɠaa. Mąąhɔlɔɓo, Yálá ə mo Abrahamə ɓa yɛ mą: Ə́ lón Isaakə lonni ɓə di kaa pai kɛi diɛ: Abrahamə lonnii.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.