Izikiɛ 33:15 - Yálá laawoo hɛɓɛ (dc)

¹⁵ ɉɛn di dolaa hee mą, a pənə a dɛɛ, yɛ nwuɔ̨ hɛn bənə yɛ dɛɛ, yɛ túwɔ a yɛnɛ̨ɛ̨ nwɔ tɔ́nŋaa, yɛ túwɔ pələ ɲɔ̨n maa laa, mąą nu a lɛɛ yɛnɛ̨ɛ̨, hea hvo ɉu, hvo pai haai.

Yálá laawoo hɛɓɛ

¹⁵ ɉɛn di dolaa hee mą, a pənə a dɛɛ, yɛ nwuɔ̨ hɛn bənə yɛ dɛɛ, yɛ túwɔ a yɛnɛ̨ɛ̨ nwɔ tɔ́nŋaa, yɛ túwɔ pələ ɲɔ̨n maa laa, mąą nu a lɛɛ yɛnɛ̨ɛ̨, hea hvo ɉu, hvo pai haai.

Bible

¹⁵ a kɛ̀ a ŋɔkpâi têe yɛ̂ɛ berei è góno-tèe lai, kpaa máŋ a kɛ̀ zɛŋ è ŋumai a bɔɔŋa-too tɛ̀ɛ pôlu, vé pâi saâi. À kɛ̀ a ŋátɔ̂ŋ-ŋai mɛi kâa, vé pâi saâi.

Izikiɛ 33:15 ပူးပေါင်းရင်းမြစ်များ

Izikiɛ 20:11

Ŋą́ nwɔ́ tiɓoɠaai tɛɛ di pɔ, ŋą́ nwɔ́ tɔ́nŋaai lɛ diɛ, ə gɛ nuąi da di pɔ mɛ̨nį kɛ, di yɛnɛ̨ɛ̨ kpɛɛ hvo mą hɔlɔɓo.

Lukə 19:8

Zase ə́ muhəɠə yɛ Ną́mu Jesus ɓa: «Ną́mu! Gáá ɲə́i hɛn gɔw bələ tɔ̨nɔ̨ tɛɛi yeehvowolo nuą pɔ, ɛlɛɛ, akɛ ŋą nu ta hulu, ŋą hɛn gulɔ ɲəi, ŋą bɔɔi tɛɛ mąą nu pɔ gee mɛ̨i nąąn.»

Izikiɛ 18:7

Hva ɲee pənə nu ta hu, hva tolaa hɛn ɉon, hva nwuɔ̨ kɛ, yɛ gɔ̨nɔ̨n da tɛɛ pulu həɠə mun bɔ, nui həɠə hvo mą, yɛ həɠə kɛ mąą nu ɓa,

Mąątɛ̨nɛ̨ 119:93

Vá lɛ̨ą kpɛli tanɔ̨n, ə́ wɔ tɔn nwooɠaai diɛ, mąąhɔlɔɓo, di haalai ɓə, ə́ nwɔ́ yɛnɛ̨ɛ̨ pu la nįnɛ̨ kɔ́lɔi.

Levetekɔ 18:5

«Ka nwɔ́ tɔ́n nwooɠaa da yɛnɛ̨ɛ̨ kɛ pələ hon bələ mąą yɛlɛ kɛ. Nui a di hon, a yɛnɛ̨ɛ̨ kpɛɛ hvo mą hɔlɔɓo. Ɲą́ą́ ɓə gáá a Yai-Laa.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Amɔsə 2:8

Da biliɉu kulɔ nu ta yəi a tolaa, yili lɔ ɓə da doo di kwąną diɛ ɓo la di wɔ Yáláɠaai hvɛli pɛlɛ́ mu, ɓɛi da kwɛli hvilɛn naa diɛ. Da li ɓɛi da kwɛli hvilɛn na mą́ą́, da tɔ́n bili nu ɓa, a pa a nɔɔ, yili ɓə da kɛ gbələi laa bɛlɛ́n.

Izikiɛ 20:21

Kɛlaa, di lonnii di kulɔ nwóó mu, di hvo nwɔ́ tiɓoɠaai hon, di hvo nwɔ́ tɔ́n nwooɠaai pɔ mɛ̨nį kɛ; di hvo lɛɛ di pulu, ya pa di halai ɓə nuą da yɛnɛ̨ɛ̨ kpɛɛ hvo mą hɔlɔɓo la, a di pɔ mɛ̨nį kɛi da mo. Di kɛi nwɔ́ hvįįtɔɔ yələɠaa həɠə mą, Gɛ́ nwɔ̨nɔ̨ diɛ, gáá pai nwɔ́ liiholi yɛɛi di mɛ̨i nɔi pun ɉu, və́ pai nwɔ́ liiholii kpɛlai bələi.

Izikiɛ 20:13

Kɛlaa, Israɛlə nwɔ pɛlɛ́i mu nuą di kulɔ nwóó mu nɔi pun ɉu. Di hvo nwɔ́ tiɓoɠaai pɔ hiɛ ɓo, nwɔ́ tɔ́nŋaai tii da yɛnɛ̨ɛ̨ kpɛɛ hvo mą tɛɛ di pɔ mɛ̨nį kɛ nuą pɔi, di di yee kulɔ di mu. Di kɛ lɔ nwɔ́ hvįįtɔɔ yələɠaai yali mɛ̨nį hu, gɛ kɛa kɛ diɛ, gáá nwɔ́ liiholii yɛɛi di mɛ̨i nɔi pun ɉu, gɛ́ di paa.

Izikiɛ 18:16

hva ɲee pənə nu ta hu, hva kanąn tolaa hɛn ma; hva nwuɔ̨ kɛ, yɛ gɔ̨nɔ̨n dɛɛ nui pulu kaa mą bɔ; Yɛ həɠə tɛɛ nui gaa a gbuwulu bɔ,

Izikiɛ 18:12

yɛ ɲee pənə mąąwɛli mun da yeehvowolomun di hu, yɛ nwuɔ̨ kɛ, da tolaa heemą, hva kɛa pənə hvo ɉɛn tii tɛɛ nąmu pɔ; hali mɛ̨nį wɛli ə ɓo mą, yɛ ɲee to ɓowo mɛ̨nį hu,

Zôo 24:9

Da ɲįnį kulɔ təliɠaa la, diɛ tolaa həɠə yeehvowolo nuą yəi,

Zôo 24:3

Təliɠaa di wɔ hoohvaalənŋąą ɓə daa ɉəɠə diɛ li la, kalanin ɲəi nįŋɛ̨ ɓə da ɉəɠə a tolaa.

Zôo 22:6

Ə́ kɛi tolaa hɛn ɉəɠə ə́ kaayɔwɔɠaa yəi nwun və kɛ mą, yɛ́ di mąą hɛnŋąą kulɔ diɛ, ə́ di lɛɛ a di kpuwulu.

Dutɛrɔnome 24:17

Ka hvo nwɛ̨ą, a wala kɛ tii təli lon nwɔ tɛ̨ą mɛ̨nį pili ɉu. Ka hvo galanin mąąhəɠə hon a tolaa.

Dutɛrɔnome 24:6

Mąą hvo nɛ̨ɛ̨li di hvo nu nwɔ kwəną da ɲənə həɠə a tolaa, a kɛ tii, daa mąą nu nwɔ yɛnɛ̨ɛ̨ həɠə ɲəi.

Mąątɛ̨nɛ̨ 119:59

Ŋą́ą́ gíliŋąhiɛ dúwɔ pələ hu, gáá pənəi ŋį́ pa ə́ wɔ tɔn nwooɠaai pɔ.

Mąątɛ̨nɛ̨ 143:8

Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Lɛɛ gbɔwɔ ɓa 21:34

mąąnɛ̨ɛ̨ ɲálɔwa nąmu ə bɔɔ kulɔ ɉu, daatɛlɛɛi ti haa a ɉɔ̨nwɔ̨ tɛɛ nąmu pɔ a wali, kɛlaa daatɛlɛɛ powa a lɛɛ a nwɔɔ.