Izikiɛ 33:13 - Yálá laawoo hɛɓɛ (dc)

¹³ Ŋą́ kɛ tələnmomun ma; ə́ kaa pai lɛɛi yɛnɛ̨ɛ̨, a gilitɔɔ nwɔ tələnmolaai tii ɓa yɛ nɛ̨ŋɛ̨n ɉəɠə, dəlimo túwɔi kpɔ wɔlɔ aa gɛ, da lɛ̨ą gəlee ɓa; mąą nu a haa nɛ̨ŋɛ̨n tii ə ɉəɠə mąą mɛ̨nį ɓa.

Yálá laawoo hɛɓɛ

¹³ Ŋą́ kɛ tələnmomun ma; ə́ kaa pai lɛɛi yɛnɛ̨ɛ̨, a gilitɔɔ nwɔ tələnmolaai tii ɓa yɛ nɛ̨ŋɛ̨n ɉəɠə, dəlimo túwɔi kpɔ wɔlɔ aa gɛ, da lɛ̨ą gəlee ɓa; mąą nu a haa nɛ̨ŋɛ̨n tii ə ɉəɠə mąą mɛ̨nį ɓa.

Bible

¹³ Berei máŋ ŋa mò la a gɛɛ zɔŋ lɛ̂lɛ-nuui fé pâi saâi, kɛ́lɛ a kɛ̀ a gíli tɔ̀ɔ ŋɔsɔŋ lɛlɛ̂i ma a sɔnyɔ̂ŋ kɛ̀, ŋɔtua pere lɛlɛ̂i kíli fé pâi lɛɛ̂i ŋ́a. Kɛ́lɛ a pâi saâi zɔnyɔ̂ŋ è gɛ̀i mɛ̂ni ma.

Izikiɛ 33:13 ပူးပေါင်းရင်းမြစ်များ

Izikiɛ 18:24

Kɛlaa, tələnmomun yii a ɲee kulɔ tələnmo yíi hu, yɛ túwɔ pələ ɲɔ̨n gulɔ; dúwɔ pələ ɲɔ̨n gbɛa kpɛaɠaai nu ɲɔ̨nwɔ̨ɔ̨ɠaa di kɛi gulɔ, yɛ di kɛ, a kɛi yiliɠaai kɛ, a mɔ̨ɔ̨ pɛli lɛɛ yɛnɛ̨ɛ̨? Dələnmo túwɔi kpɔ ə mo, gili hva lɛɛ nuą ŋą; nwoo kalai ə mo da nɛ̨ŋɛ̨n ə ɉəɠə, yili mąą mɛ̨nį ɓə pai gɛi yɛ haa.

Izikiɛ 18:26

Tələnmomun a bulu tinɛ̨n nwɔ tələnmo yíi ɓa, yɛ hulu mɛ̨nį kɛ, a haa yili mąą mɛ̨nį ɓa; vulu mɛ̨nįi tii ə gɛ, yili mąą mɛ̨nį ɓə a haa la.

Izikiɛ 18:4

A tɛ̨ą, ɉɛnŋaai kpɔ da nɔ̨ɔ̨, bɔ́ɔ́ ɓaa gəlee. Lon gaa nąn da non di wɔ yɛnɛ̨ɛ̨; gəlee hveelɛi kaa a bɔ́ɔ́. Nui a nɛ̨ŋɛ̨n ɉəɠə, ya ɓə a ɉu haa ɓo.

Izikiɛ 3:20

Tələnmomun a bulu tinɛ̨n ŋą tələnmolaa ɓa, yɛ hvulu mɛ̨nį kɛ, gáá pai gɛi ə kalin; gaa pai haai; gili ɲą pɔ̨nɔ̨i hvó pai moi, yili ɓə pai gɛi yɛ haa la a nwɔ nɛ̨ŋɛ̨nŋąąi, dələnmo yíi ə mo, di hvo kɛa pai di kili lɛɛi ɉu; kɛlaa, yɛ́ ɓə gáá pai ɲąmą wulu lɛɛi ə́ nwuɔ̨.

Izikiɛ 33:18

Tələnmomun a bulu tinɛ̨n nwɔ tələnmolaa ɓa, yɛ nɛ̨ŋɛ̨n ɉəɠə, a háá, yili mąą mɛ̨nį ɓa.

Lomaŋ 10:3

Dələnmolaai a həɠə Yálá pɔ gɔlɔn di hvo mo li, ɛlɛɛ, diɛ kpinįi diɛ di wɛi kwɛli, yili ɓə gɛ di hvo lɛɛ la Yálá nwɔ tələnmolaai mu.

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Hebreu 10:38

Nwɔ́ɔ́ tələnmomun, a yɛnɛ̨ɛ̨ kɛ laa na laa háálai, kɛlaa, a tinɛ̨n, a bulu tɔɔ mą, gwə́i hva kɛa nɛ̨ɛ̨ bɔ.»

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.