Izikiɛ 32:7 - Yálá laawoo hɛɓɛ (dc)

⁷ Ə́ lən a luwun ə kpɛɛ ɉu, ŋą́ yələ kɔ́lɔn mɛ̨i kpulu, gɛ́ pɛmɛ̨lɛ̨n-gɔwɠaa hu kpinį; gɛ́ hvóló mɛ̨i kpulu a tulɔ kpinįn, ɛlɛɛ, ɲąnin və pai kɛa hvólói.

Yálá laawoo hɛɓɛ

⁷ Ə́ lən a luwun ə kpɛɛ ɉu, ŋą́ yələ kɔ́lɔn mɛ̨i kpulu, gɛ́ pɛmɛ̨lɛ̨n-gɔwɠaa hu kpinį; gɛ́ hvóló mɛ̨i kpulu a tulɔ kpinįn, ɛlɛɛ, ɲąnin və pai kɛa hvólói.

Bible

⁷ Tãi ŋa pâi íkulâi la naai, ŋa pâi ŋ̀ele-kɔlɔŋ mɛi pɛlɛ̂i ŋa gɛ́ bɛ́mɛlɛ̂ŋ-kao-ŋai dífa ŋɔ́nɔ fòlo. Ŋa pâi vóloi mɛi pɛlɛ̂i a ŋ̀ele-kɔlɔŋ kolei. À kɛ̀ tí, ŋáloŋ ǹyaŋ vé pâi fôloi.

Izikiɛ 32:7 ပူးပေါင်းရင်းမြစ်များ

Zôo 9:7

A hvaa mą hvóló hva muhəɠə, yɛ gɔlɔn ɉii kɛ pɛmɛ̨lɛ̨n gɔwɠaa diɛ.

Hanwon 13:9

Tələnmo nuą di wɔ kɛɛ pɔ̨nɔ̨ a lən a ɲąą nɛ̨ɛ̨, Kɛlaa, nwąnąlɔ nuą di wɔ nwɔ̨n gaa pai luwun ɉii.

Ikilisiati 12:2

Mąą yələ, gɛɛ hvitili hvo kɛ pui, kɛɛ yɛ kpinį; Tulɔ kpinįn yɛ hiɛ ɲąnįn da pɛmɛ̨lɛ̨n-gɔwɠaa ɲɛ̨i; tulɔ yɛ dɛ.

Azaya 13:10

Yələkwəi pɛmɛ̨lɛ̨n-gɔwɠaa, da di kpulu heeiɠaa, di hva kɛa lən, hvóló hu a kpinį a muhəɠəi lɔwai, ɲąnįn va kɛa hvələ.

Azaya 34:4

Yələi pələ kɔlaɠa kəlee kaa pai lɔi lɔ hɔɛ, diɛ yələkɔlɔn gbinįn yɛ da kɛi haɠa kpinįn; ɉu kɔlaɠa kəlee yɛ pu, yɛ bələi towələ wulu laa a pu la; yɛ bələi ɓolaa wulu laa a pu la.

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Izikiɛ 30:18

Yələ hvo pai ɓɔi Dafne mɛ̨i, ɲələi gáá pai Eziptə nwɔ hééɓolaai hu yalii la, ŋą́ nwɔ kpɔwɔ ŋąą kɛnɛ̨i kulɔ ɲəi, yai ə kɛi nwun dɛ ɉu. Tulɔ kpinįn gaa pai pɛlɛi mɛ̨i, nonnii nɛ̨ą diɛ li luwɔlaa hu.

Izikiɛ 30:3

Mąąhɔlɔɓo ɲələ aa lɛɠɛ; Yai-Laa nwɔ kuui aa lɛɠɛ. Ɲələi ti a kɛ a tulɔ kpinįn ɲələi lɔiɠaa mɛ̨i.

Izikiɛ 31:15

«Mɛ̨nii Mɛ̨nį kəlee ŋą Hééɓomun Yálá kaa moi, ya ka, yɛ: Ɲələi gbitili tii ə yɛɛ la ɲąmuątaa, ŋą́ kɛ ɓaləi tii ɓa, hvo kɛi yá ɉaa wɔlɔ ɓo, ŋą́ moloon tii mɛ̨i kpulu, ŋą́ tɛɛyá kpɛa kpɛaɠaa tɔɔ, ɲá hvɛɛɠaa di kpala; ŋą́ Liban ɲɛ̨i maa wɛli mąą mɛ̨nį ɓa. Ŋą́ lɔwɔi wuluɠaa kəlee kpala mąą mɛ̨nį ɓa.

Izikiɛ 34:12

Bələi lɔ taatɛlɛɛ mɛ̨i kaamun a taatɛlɛɛɠaa mąą mɛ̨nį ɲɛ̨i kulɔ la, bələi a kɛ la taatɛlɛɛ kpului daa ɉu taɠa, di lɔwai, bələ lɔ ɓə gáá pai nwɔ́ taatɛlɛɛ kpului mąą mɛ̨nį ɲɛ̨i kulɔi la, gɛɛnąąɠaai kpɔ di di hu taɠa taɠa laa a kwɛlɛ yələ, gáá pai di kulɔi naa kəlee.

Zooɛ 2:10

Nɔi yɛ dumo di tɔwɔ. Yələkɔlɔn yɛ kpɛlin. Hvóló da ɲąnin di hu yɛ kpinį. Pɛmɛ̨lɛ̨n-gɔw ta hva hvə lə.

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Amɔsə 8:9

Yai-Laa yɛ diɛ: Volói tii a həli, kpinį a pɛlɛ a hvóló ŋą ɉə-ɉə, kɛɛ ə tɛɠi lɔi mɛ̨i nąą kəlee.

Maafîu 24:29

«Mɔ̨nɔ̨ kpɛa-kpɛa tii tɛɛ pulu, ɲąąɓa, hvóló a tɛɠi, ɲąnįn hva kɛa hvóló, pɛmɛ̨lɛ̨n-gɔw diɛ kulɔ yələi diɛ too. Huwalawalaɠaai yələ kwəi, da kpɛlin.

Markə 13:24

«Kɛlaa, nąąlɔwai mɔ̨nɔ̨ kɛnɛ̨i tii tɛɛ pulu, hvóló a tɛɠi, ɲąnįn hva kɛa hvóló.

Lukə 21:25

«Mɛ̨nįɠaa kaa pai kɛi hvóló ɓa, da yɛ kɛ ɲąnįn ma da pɛmɛ̨nɛ̨n gɔwɠaa. Lɔi mɛ̨i da, gboloyá hu tin gɛ pələ, yɛ liihɛlɛn doo nuą diɛ.

M̀ɛni-lɛɛi 8:12

Malaka nąąn nąą ə nwɔ tului hvɛɛ, hvóló ɓɛlaɓoɔ ɉu haaɓa, bələ tɔ̨nɔ̨; ɲąnįn ɓɛlaɓoɔ ɉu haaɓa, bələ tɔ̨nɔ̨, da pɛmɛ̨lɛ̨n-gɔwɠaa ɓɛlaɓoɔ ɉu haaɓa, bələ tɔ̨nɔ̨, di di kɛlɛ, di hu ə tɛɠi; yələɓoɔ ə hvɛɠɛ a ŋą kɛɛpono ɓɛlaɓoɔ ɉu hvaaɓa, bələ tɔ̨nɔ̨, ə mą kɛ, kpinį yaa kpɛlimąn.