Izikiɛ 32:30 - Yálá laawoo hɛɓɛ (dc)

³⁰ «Ɲa nwuɔ̨ pələ, lɔi nąmįną kaa laa, di kəlee, da Sidɔn nuąi kpɔ daa yɛɛ haa nuą pɔ; diɛi tii kɛi ɲɔw too nuą hui. Nwumɛ̨ aa hee di ɲɛ̨i, bələi mąn tii di walaa kɛ la, di kɛi mɔ̨ɔ̨ a kɛ́nɛ̨ kpolɔwaɠaa, da nuąi kɔ́ kɔ́ ɓɔwa ə ɓɔ di hu, da diɛ ni ɓə laa ni. Nwumɛ̨ aa lɛɛ diɛ, diɛ li la, nuąi da yɛɛ nɔwa hu, di pɔ.

Yálá laawoo hɛɓɛ

³⁰ «Ɲa nwuɔ̨ pələ, lɔi nąmįną kaa laa, di kəlee, da Sidɔn nuąi kpɔ daa yɛɛ haa nuą pɔ; diɛi tii kɛi ɲɔw too nuą hui. Nwumɛ̨ aa hee di ɲɛ̨i, bələi mąn tii di walaa kɛ la, di kɛi mɔ̨ɔ̨ a kɛ́nɛ̨ kpolɔwaɠaa, da nuąi kɔ́ kɔ́ ɓɔwa ə ɓɔ di hu, da diɛ ni ɓə laa ni. Nwumɛ̨ aa lɛɛ diɛ, diɛ li la, nuąi da yɛɛ nɔwa hu, di pɔ.

Bible

³⁰ “Ǹɔii mɛi-ƃelai nyii-ŋai kùla yá-ŋua perei díkelee díkaa naa. Sidɔŋ-ƃelai dìa máŋ díkaa naa. Díwɔlɔ mɛni kpɔ̂lu làa ǹɔii ma, kɛ́lɛ díkelee da lí saa táa a mâloŋ pere da diai dífe ŋ́gɔlɔŋ nyii-ŋai dí dípàa kɔ́ sui.

Izikiɛ 32:30 ပူးပေါင်းရင်းမြစ်များ

Ɉeremi 1:15

Gáá pai ɲanwuɔ̨ pələ tɔɔɓɛlaa kəlee təlii, di kaa pai, nu kəlee kaa pai nwɔ tɔɔkpəlin hvilɛn ɉii Ɉerusalɛmə taa bələ nwun na; daa mąąkpɛ hįį tənən ma, da Ɉuda taaɠaa kəlee tənən ma. Ɲą́ą́ Yai-Laa, Nwóó li.

Ɉeremi 25:22

Tirə tɔɔɓɛlaa kəlee, da Sidɔn tɔɔɓɛlaa da gboloyá pulu pələ lɔi hutɔɔɓɛlaa kəlee.

Ɉeremi 25:26

ɲánwuɔ̨ pələ tɔɔɓɛlaa kəlee, kpuwɔ la nuą da kwɛa la nuą. Nu tɛitɛi yɛ lɛɛ mɛlan bulu. Lɔi mɛ̨i tɔɔɓɛlaa kəlee, diɛi kpɔ bɔlɔi ŋɛ̨i mɛ̨i. Ɛlɛɛ, Sesakə tɔɔmun a lɛɛ pulu a gbəlɛɛ.

Izikiɛ 26:20

Gáá pai ə́ yɛɛi kámą hu nuą pɔ, ə́ ɓo yɛ tɔwɔ tɔwɔ taa kpoloon, gɛ́ ə́ hee ɓoloon ɉu nuą pɔ. Yá kɛ kɛa a taa kpoloon tɔɔ hva kɛa kɛ mą, nu kanŋaa di wɔ lɔi mɛ̨i.

Izikiɛ 28:10

Ə́ kaa pai haai yɛ bələi kɛ́nɛ̨ kpolɔwa a haa la, nwɛ̨ąą yee ɲa, ɲą́ą́ ɓə mo. Mɛ̨nį kəlee ŋą Hééɓomun Yálá woo li.»

Izikiɛ 28:21

«Hulɔnu lon ə́ ɲɛ̨i tinɛ̨n Sidɔn pələ, ə́ gwə́i mɛ̨nį hukulɔ mą.

Izikiɛ 28:23

Gáá pai ɲɔ̨n dɛɛi laa, ɲąmą kaa pai kɛi pui gwəliɠaa hu, nuą diɛ too a di powa, daa kwəi. Mąąhɔlɔɓo, kɔ́ kɔ́ ɓɔwa kaa pai heei ma bələ kəlee. Bələ ɓə da gili kɔ́lɔn na, diɛ kɛ; ɲą́ą́ ɓə gáá a Yai-Laa.»

Izikiɛ 38:15

Ə́ kaa pai həɠəi ə́ wɔ lɔi hu, ɲanwuɔ̨ pələ, yɛ́ pa, ə́ wɔ nu kpulu tamąą di ɓo ə́ pɔ; di kəlee di ɓo hoo mɛ̨i; ka káá pai kɛi a nu kpulu kɛnɛ̨, a kɔlaɠa kɛnɛ̨.

Izikiɛ 38:6

Gomɛrə da nwɔ kɔ́kuláá kpului, Bɛtə-Togarma yɛ həɠə kpɔ ɲa nwuɔ̨ pələ, da nwɔ kɔ́kuláá kpului. Nu huwu tamąą kaa pai kɛi ə́ pulu.

Izikiɛ 39:2

Gáá pai ə́ kulɔi ə́ kee la, gɛ́ li a yɛ́, gɛ́ həɠə kpɔ a yɛ́ ɲanwuɔ̨ pələ, gɛ́ pa a yɛ́ Israɛlə yeeɠaa ɓa.