Izikiɛ 32:24 - Yálá laawoo hɛɓɛ (dc)

²⁴ «Elamə kaa laa, da nwɔ nu kpulu kɛnɛ̨ɛi, di tinɛ̨nŋaa di kámą ɓa diɛi di kəlee daa too a kɔ́ kɔ́ ɓɔwa laa pɔɔ. Di lɛɛ a kɛ́nɛ̨ kpolɔwaɠaa, diɛ yɛɛ nɔi mu pələ; a diɛi tii kɛi ɲɔw too yɛnɛ̨ɛ̨ nuą hui. Di wɔ nwumɛ̨i aa lɛɛ diɛ, da nuą daa yɛɛ la nɔwai.

Yálá laawoo hɛɓɛ

²⁴ «Elamə kaa laa, da nwɔ nu kpulu kɛnɛ̨ɛi, di tinɛ̨nŋaa di kámą ɓa diɛi di kəlee daa too a kɔ́ kɔ́ ɓɔwa laa pɔɔ. Di lɛɛ a kɛ́nɛ̨ kpolɔwaɠaa, diɛ yɛɛ nɔi mu pələ; a diɛi tii kɛi ɲɔw too yɛnɛ̨ɛ̨ nuą hui. Di wɔ nwumɛ̨i aa lɛɛ diɛ, da nuą daa yɛɛ la nɔwai.

Bible

²⁴ “Elaŋ káa naa da ŋɔkɔ-kuluƃa-ŋai nyii-ŋai lɛ̀ɛ kɔ́ su díkɛ ƃò saa táa. Dia máŋ dí lì saa táa kpɛ́ni fêi dífe ŋ́gɔlɔŋ. Tãi díkɛ̀ la ɣele mâi dí mɛni kpɔ̂lu támaa làa díƃarâi dîa. Kɛ́lɛ díkaa lâai díkpɔɔɔi ŋumɛi su da dîa ni saa táa.

Izikiɛ 32:24 ပူးပေါင်းရင်းမြစ်များ

Zɛnɛse 10:22

Sɛmə lon ɉinąą laa ka: Elamə, Asurə, Arfasadə, Ludə da Aramə.

Zɛnɛse 14:1

Mąą kwɛlan tii hu, Sinearə tɔɔmun Amrafɛlə, da Ɛlasarə tɔɔmun Ariɔkə ə mą kɛ, Elamə tɔɔmun Kedɔrlaomɛrə da Goimə tɔɔmun Tidealə,

Kɔlɔnikɔ Maa-ŋuŋ 1:17

Sɛmə lonnii laa ka: Elamə, Asurə, Arfasadə, Ludə, Aramə, Usə, Hulə, Gɛtɛrə da, Mɛsɛkə.

Zôo 28:13

Nu hvo ɉɔ̨nwɔ̨ kɔ́lɔn yɛnɛ̨ɛ̨ ɓɛ, hva hɔlɔɓo yɛnɛ̨ɛ̨ nuą di wɔ lɔi hu.

Mąątɛ̨nɛ̨ 142:5

Ə́ ɲɛ̨i hee ɓa-mįi-yee hu pələ, gɛɛ kaa, nu ta hvo kɛa gɔ́lɔn! Ɓɛi kpɔ ŋį́ noo laa, nąą hvo mą, mą́ą́ kiliŋąhiɛ hvo nu ta lɔpee ɓa!

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 38:11

Ŋą́ kɛi kɛ diɛ: Və́ kɛa pai Yai-Laa kaai, nu hvulúmąąɠaa di wɔ lɔi hu. Və́ kɛa pai ɲɛ̨́i kwəleen veelɛi tɔɔi yɛnɛ̨ɛ̨ nu kan mą, ɓɛi hɛn gəlee daa tɔɔ lɔ laa tin.

Ɉeremi 11:19

Nwɛ́i, ŋį́ kɛ lɔ di yəi yɛ ɓɛlaa lon, yii hva mąąkɔ̨nwɔ̨, yaai di kaa lííla baa mɛ̨nį ɓa. Gíli hvo kɛ ɉu, gɛ́ kɛ mɛ̨nį ɲɔ̨nwɔ̨ɔ̨ɠaa di kɛi mo, vilɛnŋaa kɛ mą́ą́; yaai di kɛi kɛ la mą: «Ka gu nwulu lɛɛ nwunu kɔ́lɔi, ka gu gulɔ a ɉamu, ka gu gulɔ yɛnɛ̨ɛ̨, əgɛ, nu ta hvo kɛa naa mɛ̨n.»

Ɉeremi 25:25

Zimri tɔɔɓɛlaa kəlee, Elamə tɔɔɓɛlaa kəlee, Medi tɔɔɓɛlaa kəlee,

Izikiɛ 16:52

A kɛ ti 'hvaa mą nwumɛ̨ ə hee yɛ́, mąąhɔlɔɓo ə́ wɔ nɛ̨ŋɛ̨ŋaai ɲɔ̨nwɔ pələ tɛɛi ə́ leelonnii di wɛi ɓa. Di túwɔ pələ aa lɛlɛ aa tɛɛ yɛ́. Di tələnmoɔi di tɛɛ yɛ́.

Izikiɛ 16:54

Ə́ wɔ nwumɛ̨i kaa pai yɛɛi a ə́ nwun, mɛ̨nįɠaai kpɔ ə́ di kɛ, ə́ ɲɛ̨i yɛ paa ɉu. Yili kaa pai di kwəinɛ̨ɛ̨i.

Izikiɛ 26:20

Gáá pai ə́ yɛɛi kámą hu nuą pɔ, ə́ ɓo yɛ tɔwɔ tɔwɔ taa kpoloon, gɛ́ ə́ hee ɓoloon ɉu nuą pɔ. Yá kɛ kɛa a taa kpoloon tɔɔ hva kɛa kɛ mą, nu kanŋaa di wɔ lɔi mɛ̨i.

Izikiɛ 31:14

Yili ə kɛ tii, ə gɛ, wului lɔpee, ə mą kɛ gaa ya kwɛlɛ, hvo gbɔwɔ ɲąą kɛnɛ̨, nwun və hee tulɔ kpinįn ma; ə gɛ wulu ta lɔpee, ə mą kɛ daa ya pu mą a nɛlɛɛ, hvo nwun dɛ mɛlaa mɛ̨i. Mąąhɔlɔɓo, haa pɛ̨ɛ̨i gəlee nwuɔ̨, lɔi mu pələ lɔiɠaa hu, yɛnɛ̨ɛ̨ nuą lɔwai, a nuąi daa yɛɛ kámą hu.

Izikiɛ 31:18

«Ká gbɛɛ ɓə ká kulaa ká gee ɓa, ə́ mąąwiɛ pələ hu, ə́ kɛnɛ̨ pələ hu, Edɛn wuluɠaa lɔwai; di ə́ yɛɛ, ka Edɛn wuluɠaa lɔi mu pələ, ə́ kaa pai kɛi laa ni kɛ́nɛ̨ kpolɔwaɠaa lɔwai, ka nuąi tii kɔ́ kɔ́ ɓɔwa ə bɔɔ lɛɛ diɛi. Bələ ɓə Faraɔn kaa pai kɛi la, da nwɔ nu kpului. Mɛ̨nį kəlee ŋą Hééɓomun Yálá woo li.»

Izikiɛ 32:18

«Hulɔnu lon, wɔlɔ Eziptə nwɔ nu kpului mɛ̨i, ə́ ɲɛɛ moloon gɛnɛ̨ɛi hu, da nɔiɠaa hu nɛ̨ɛ̨lɛa. Di wɔ mąąwiɛ ə mą kɛ diɛ, di too nɔi mu lɔi hu pələ; da nuąi da yɛɛ lowa hu.

Izikiɛ 32:19

Ə́ lɛlɛ ɓə mɔ̨ɔ̨ nu takpɛliɠaa diɛ? 'Yɛɛ gáma hu ka kɛ̨nɛ kpolɔwaɠaa.

Izikiɛ 32:21

Kɔ́kulááɠaa di nwun nąmįną kaa pai kɛi pələ pilii mą, ɲąmuątaa; da di yee pɔ nuą. Kɛ̨nɛ kpolɔwaɠaa, diɛi tii haa a gɔ́ kɔ́ ɓɔwa laa pɔɔ. Daa yɛɛ, di kaa laani kámą hu.

Izikiɛ 32:25

Daa Elamə laai pɛli haa nuą lɔwai, da nwɔ nu kpulu kɛnɛ̨ɛi, di mąątínɛ̨n ŋąą a di wɔ kámą; gɛ́nɛ kpolɔwaɠaai tii kəlee, kɔ́ kɔ́ ɓɔwa ɓə ɓɔ di hu, ɛlɛɛ ya pa, nuą di kɛi ɲɔw diɛ yɛnɛ̨ɛ̨ pələ; di wɔ nwumɛ̨i aa lɛɛ diɛ, da nuą daa yɛɛ nɔwai tii haa nuą lɔwai ɉu.

Izikiɛ 32:30

«Ɲa nwuɔ̨ pələ, lɔi nąmįną kaa laa, di kəlee, da Sidɔn nuąi kpɔ daa yɛɛ haa nuą pɔ; diɛi tii kɛi ɲɔw too nuą hui. Nwumɛ̨ aa hee di ɲɛ̨i, bələi mąn tii di walaa kɛ la, di kɛi mɔ̨ɔ̨ a kɛ́nɛ̨ kpolɔwaɠaa, da nuąi kɔ́ kɔ́ ɓɔwa ə ɓɔ di hu, da diɛ ni ɓə laa ni. Nwumɛ̨ aa lɛɛ diɛ, diɛ li la, nuąi da yɛɛ nɔwa hu, di pɔ.

Izikiɛ 34:29

Gáá pai tíi lɛlɛɛ ta tɛɛi di pɔ, naa tɛɛ, nu ta hva kɛa haa a pulu nɔi hu; lɔiɠaa di hva kɛa nwumɛ̨ tɛ a diɛ.

Izikiɛ 36:15

Ə́ ɓɛlɛ too wooɠaai lɔiɠaa da kɛ moi, vá kɛa ə́ lɛɛ laa, da hvo too ə́ wəlii; hvo kɛa pai ə́ nwun ɉeei nuą di wɔ lalan nwooɠaa mu. Hvo kɛa pai ə́ wɔ lɔi hu nuą tooi nɛ̨ŋɛ̨n mɛ̨nį hu, Mɛ̨nį kəlee ŋą Hééɓomun Yálá woo li.»

Izikiɛ 39:26

Nwumɛ̨i di mo, da di wooɠaai kpɔ di gala mą́ą́ mɛ̨nį hu, ɓɛlɔwai di kɛ laa di wɔ lɔi hu, nu ta hvo kɛi di mąą kpɛlin, da lɛ̨ą yili kəlee ɓa.

Izikiɛ 44:13

Di hvo pai lɛɠɛi mą́ą́, diɛ kɛ a nwɔ́ haláá laa həli nuą ta, di hvo pai lɛɠɛi nwɔ́ hɛn mąąhəɠɛɛɠaai diɛ; diɛi tii a ɉɛn mąąhəɠɛɛ kpɛa kpɛai mɛlɛkpɛɛmą. Di kaa pai di wɔ kilikpɛɛgwəi mɛ̨nįɠaai tii ɉu mɔ̨nɔ̨ mįi

Danîa 8:2

Ɉįi tii ŋą́ gaa, ə kɛ yɛ ŋą́ kɛ Elamə lɔi daa lee hu yii da kɛ mą: Susə. Ɉiin tii hu, ə kɛ yɛ ŋą́ kɛ Ulai ɲa lee kwɛlɛ.

Habakukə 2:16

Nwumɛ̨ ka tii, ka káá ka kpɔwɔ kwɛlii la, mąąwiɛ hvo li. Kaa kpɛli, ka nɔɔ tii ta kpələ, ka ka kpuwulu lɛ. Yai-Laa, kaa pai ka ɲee tɔɔi ka kwaną, Nwɔ liiholii yɛ ka kɛlɛ́ yɛ lɔɔ, ka wɔ mąąwiɛ mąą a pənə a ɓɛlɛkpɛɛmąą.

Maafîu 11:23

Kafarnaumə taa yɛ́ kpɛli, gaa ə́ kwəi di kaa pai ə́ tɛnɛ̨i mɔ̨ɔ̨, di ə́ tɛ yələi? Kpaa-o! Di kaa pai ə́ ɲɛ̨i hvalai ə́ yɛɛ ŋąmuą taa. Mąąhɔlɔɓo, gbalo mɛ̨nįɠaai kɛ ə́ hu, akɛ tii kɛ Sodomə, yɛ mą gaa ni yɛnɛ̨ɛ̨ yiihu.