Izikiɛ 31:9 - Yálá laawoo hɛɓɛ (dc)

⁹ Ŋą́ nɛlɛ a ɲee kɔ̨nwɔ̨n ɉu kɛnɛ̨ pələ, Yálá-taa wuluɠaa kəlee diɛ tolo kulɔ la.

Yálá laawoo hɛɓɛ

⁹ Ŋą́ nɛlɛ a ɲee kɔ̨nwɔ̨n ɉu kɛnɛ̨ pələ, Yálá-taa wuluɠaa kəlee diɛ tolo kulɔ la.

Bible

⁹ Ŋá gbɛ̀tɛ a ǹɛ́lɛɛ. Ŋá ŋ̀wo-ŋwo táa-tâa. Ŋ̀úru-ŋai kɛ́ Idɛŋ suai sûi nyii gáa a Ɣâla ŋɔsûai díkelee kpɔ́ díkɛ̀ tólo kulâi mà.

Izikiɛ 31:9 ပူးပေါင်းရင်းမြစ်များ

Zɛnɛse 13:10

Lɔtə ə ɲɛ̨i laa, nɔi kɛ Ɉurdɛn yá koo ɓa, ə gaa, nąą pələ nwɔ kalai ɲąąnɛ̨ɛ̨. Ə həɠə Soarə daai yɛ li Sodomə daai da Gomorə daai pələ, nąą pələ ə kɛ yɛ Yálá-taa lon ma. Kɛlaa, Nąąlɔwai, Yai-Laa hvo ni kɛ Sodomə taa da Gomorə taa di kala li. Gɛɛnąąi tii, nɔi lɛlɛ pələ ə kɛ yɛ Eziptə ɲá lee kɛnɛ̨ ŋɛ̨i da kɛ mą: Nilə, gwɛlɛ lɔi.

Zɛnɛse 26:14

Ɓɛlaa kpulu kɛnɛ̨ ə kɛ ɲəi, da ɓolu kpulu, ə mą kɛ da nįŋɛ̨ kpulu kɛnɛ̨, bɛlɛɛ luwɔɠaa diɛ. Filisti nuą di kɛi kɛa tolo kulɔ a Isaakə.

Zɛnɛse 37:11

Ɉosɛfə niɛni di tolo hee mą, kɛlaa, nąn nwɛi, ə kɛi giliŋąhiɛ ɉįiɠaai tii non ə gaa, mą.

Lɛɛ gbɔwɔ ɓa 9:16

Kɛlaa, ŋą́ ə́ lɛɛ a ə́ hvulú, ŋą́ nwɔ́ huwalawala laa lɛ yɛ́, əgɛ Náá ə tɛ lɔi mɛ̨i nąą kəlee.

Hanwon 27:4

Líiholi kaa a kili ɲɔ̨nwɔ̨ɔ̨ ɛlɛɛ, líi kələn gwəi walawalaa, Kɛlaa, gbɛɛ ɓə a pɛli tɔɔi tolo mɛ̨nį la?

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Izikiɛ 16:14

Ə́ lɛlɛ pələ, bələ ə taɠa kɛa lɔiɠaa hu; hvo gaai ə́ mąą kulɔi hvo kɛa kɛ yɛ́, mąąwiɛi tii ŋį́ gɛ yɛ́ mąą mɛ̨nį ɓa. Yai-Laa gu wɔ Yálái woo li.»

Izikiɛ 17:22

Nwooi Yai-Laa gu wɔ Yálái ə mo, ya ka, yɛ: «Ɲą́ą́ Yai-Laa, ɲą́ą́ gbįnii gáá pai kpitili tɛlin deei don na, ŋą́ ɉin, ɲą́ą́ gį́nilee ŋą́ pənə ŋą́ ɉin, ŋą́ nwonwo kəlee tɛlin nįnɛ̨ yali ɲą yee kɛnɛ̨ɛ̨ tɔɔ tɔn na.

Izikiɛ 17:24

A kɛ ti lɔwɔi wuluɠaa kəlee da gbaɠala kaa, diɛ kɛ ɲą́ą́ ɓə gaa a Yai-Laa. Yai a wulu kwɛaa kɛ a kpɔlɔ wulu, yɛ kpɔlɔ wulu kɛ a wulu kwɛaa; yɛ wulu nwunu kpala, yɛ gɛ wulu kpala yɛ tɛlin. Ɲą́ą́ Yai-Laa yii ŋą́ mo, ŋą́ gɛ́.»

Izikiɛ 28:13

Ə́ kɛ Edɛn Yálá nwɔ kɛɛnąą lɛlɛɛi, ə́ mąątínɛ̨n ŋąąi kɛ a kúwɔ́-kwɛni huwui lɔpee, da hɛni.

Izikiɛ 31:16

Ŋą́ lɔiɠaa mąą kpɛlin, doo tin ma; ɓɛlɔwai ŋą́ ɲɛɛ laa haa nuą taa, da nuąi daa yɛɛ nowa hu, lɔi mu pələ lɔiɠaa hu, Edɛn wuluɠaa kəlee lii ə laa. Wuluɠaa, Liban wulu nɛlɛɛɠaa, a diɛi tii da kɛ ya pui diɛ,

Izikiɛ 31:18

«Ká gbɛɛ ɓə ká kulaa ká gee ɓa, ə́ mąąwiɛ pələ hu, ə́ kɛnɛ̨ pələ hu, Edɛn wuluɠaa lɔwai; di ə́ yɛɛ, ka Edɛn wuluɠaa lɔi mu pələ, ə́ kaa pai kɛi laa ni kɛ́nɛ̨ kpolɔwaɠaa lɔwai, ka nuąi tii kɔ́ kɔ́ ɓɔwa ə bɔɔ lɛɛ diɛi. Bələ ɓə Faraɔn kaa pai kɛi la, da nwɔ nu kpului. Mɛ̨nį kəlee ŋą Hééɓomun Yálá woo li.»

Izikiɛ 36:35

Di kaa pai kɛi diɛ; nɔi ŋɛ̨i ta di gala, aa kɛ yɛ Yálá-taa nɔw yɛa. Daaɠaai kɛ a taa kpoloonŋaa, daa kɛ di pu, daa kɛ di wolo, daa di mąąkpɛ hįįɠaa too, nu ə ɓo di hu.

Danîa 2:21

Ya ɓə a mɛ̨nįɠaa maa hvalin, yɛ lɔwaiɠaa mąą pənə. Yɛ tɔɔɓɛlaa həɠə di wɔ tɔɔ kpəlin ɉu, ə lɛɛ, ya ɓə a tɔɔmun ɉee. Yɛ kili tɛɛ nuą pɔ, diɛ kɛ a kilimąą nuą. Yɛ mɛ̨nį kɔ́lɔn ŋąą tɛɛ nwun gɛ ɉu nuą pɔ, ə lɛɛ,

Zakari 11:2

Siprə wulu, 'ɲiŋɛ̨, mąąhɔlɔɓo, ə́ wɔ kpitiliɠaai daa too, mąąhɔlɔɓo, daa walawalanuą too. Basan hɛanŋąą, 'ka ɲiŋɛ̨, mąąhɔlɔɓo, daa nwɛla hu wiyɛɠaa mɛ̨i yali.

Samuɛlə dɔlɔɔ 18:15

Gɔ kpɛa-kpɛaa nɛ̨ɛ̨ pələi tii Davidə ɓa, Saulə ə ɲɔw mą.