Izikiɛ 31:3 - Yálá laawoo hɛɓɛ (dc)

³ Ə́ kaa yɛ Liban kpitili, nwonwo hu wia, nįnįn ɉu kɛnɛ̨, a hɛan gɛnɛ̨, yai don na ə kɛi hee tulɔ kpinįn ma.

Yálá laawoo hɛɓɛ

³ Ə́ kaa yɛ Liban kpitili, nwonwo hu wia, nįnįn ɉu kɛnɛ̨, a hɛan gɛnɛ̨, yai don na ə kɛi hee tulɔ kpinįn ma.

Bible

³ Kákaa yɛ̂ɛ sîda wurii nyii gáa Lɛƃanɔŋ. Ŋ̀oŋo lɛ̂lɛɛi, ǹinîŋ kɛ́tɛ. Gáa a wúru kôyaa é tɛɛ m̀arâŋ wuru-ŋai kélee dîa.

Izikiɛ 31:3 ပူးပေါင်းရင်းမြစ်များ

Mąątɛ̨nɛ̨ 92:12

Nuąi kɛi mą́ą́hɛn, ŋą́ą́ di looii kaa; nwąnąlɔ nuąi diɛ di kɔ́ pɛlɛ mą́ą́, nwə́li aa di woo mɛ̨n.

Azaya 37:24

Yaa Ną́mu lalan a nuąi ə́ di tɔɔ, ɛlɛɛ yɛ́ kɛ diɛ: ‹Nwɔ́ kɔ́ kɔ́ wotoloɠaai kpulu kɛnɛ̨ pələ, ŋą́ą́ tɛ yeeɠaa tonna, ɓɛi nuą di kɛi di loo laa Liban lɔi hu, ɓɛi nu takpɛli hvo kɛi pɛli həlii laa, ŋą́ą́ tɛ laa, əgɛ, ŋą́ nwɔ hɛan gbɛa-kpɛaɠaa tee, da nwɔ kpitili lɛlɛɛɠaai, ŋą́ həli kpɔ nɔi kpɛlai, ŋą́ həli kpɔ ɲee tonna lə́ɠə́-lə́ɠə́ ɓa. Ŋą́ həli kpɔ nwɔ lɔwɔi nɛlɛi ɓa.

Ɉeremi 17:8

Gaa yɛ wului dɔɔ ya kwɛlɛ, ɉamu yɛ li ɲá lii ɓa, hvóló hva ɓɔ ɉu, naa tɛlin ŋąą lɔ a yələ kəlee. Hvóló ə mą hɔɔ kwɛlan dɔ̨nɔ̨ yee mu, hva mɛ̨nį ta kɛ mą, dɛlin gaa lɔ ɉu a yələ kəlee. Má hva kpɛɛ ɉu.

Ɉeremi 50:18

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálái yɛ diɛ: Gáá heei Babilonə tɔɔmun ɉu, da nwɔ lɔi, yɛ bələi ŋį́ hee la Asiri tɔɔmun ɉu.

Izikiɛ 17:22

Nwooi Yai-Laa gu wɔ Yálái ə mo, ya ka, yɛ: «Ɲą́ą́ Yai-Laa, ɲą́ą́ gbįnii gáá pai kpitili tɛlin deei don na, ŋą́ ɉin, ɲą́ą́ gį́nilee ŋą́ pənə ŋą́ ɉin, ŋą́ nwonwo kəlee tɛlin nįnɛ̨ yali ɲą yee kɛnɛ̨ɛ̨ tɔɔ tɔn na.

Izikiɛ 19:11

Nwonwoɠaa di tɔɔ mą a gbɛa kpɛa, di kɛ a tɔɔ tunwɔ̨nŋaa; ɲee mu ə həɠə nwonwoɠaa nwun mɛ̨i, ə kɛi nuą mąą ɲɔw gwɛa pələ ɓa, da nwonwo tamą pələ mą.

Izikiɛ 31:10

«Yili mąą mɛ̨nį ɓa, mɛ̨nįi Mɛ̨nį kəlee ŋą Hééɓomun Yálá kaa moi ya ka: Yɛ bələi ə nwun dɛ la, ə nwun dɛ, ə ɉee tulɔ kpinįn ma, ə nwun dɛ, a kpɔɔ ɲąą kɛnɛ̨,

Izikiɛ 31:16

Ŋą́ lɔiɠaa mąą kpɛlin, doo tin ma; ɓɛlɔwai ŋą́ ɲɛɛ laa haa nuą taa, da nuąi daa yɛɛ nowa hu, lɔi mu pələ lɔiɠaa hu, Edɛn wuluɠaa kəlee lii ə laa. Wuluɠaa, Liban wulu nɛlɛɛɠaa, a diɛi tii da kɛ ya pui diɛ,

Izikiɛ 31:17

diɛ kpɛli mąn, da diɛ ni ɓə yɛɛ ɲąmuątaa, nuąi tii mowa kwɛa ə di paa, di pɔ. Diɛ ɓə kɛ a ɲeeɠaa, di ɓo a nįnįn lɔiɠaa lɔwai.

Izikiɛ 31:5

Bələ ɓə ə kɛnɛ̨ la ə tɛɛ mɛlaa wuluɠaa kəlee diɛ, ɲee kɔ̨nwɔ̨n ɉu ə kɛnɛ̨, ɉu ə kɛnɛ̨ ə tɛɛ lɔwɔi wuluɠaa kəlee diɛ, ɲa kpɛa kpɛaɠaai tii kɛi tɛɛ mu, di haalai.

Izikiɛ 31:6

Yələi nwɛ̨nįɠaa di kɛi di taa tɔɔ nwoŋoɠaa hu, lɔwɔ huwɔɠaa diɛ di kaa mu, lɔi kpulu tamąą diɛ taa pu nįnįn mu,

Izikiɛ 31:8

Yálá yəi nɔw yɛa kpitiliɠaa di hvo kɛi həli bɔ, ə mą kɛ, siprəɠaa di hvo kɛi həli naa ɓa, ə mą kɛ ɓɛ́lɛ́ɠaa di hvo kɛi həli nwoŋoɠaa pɔ, Yálá yəi nɔw yɛa wulu ta hvo kɛi həli bɔ lɛlɛ mɛ̨nį hu.

Izikiɛ 32:22

«Asiri nwɔ kpɔn kəlee kaa laa, di mąątínɛ̨n ŋąą a di wɔ kámąɠaai, diɛi di di paa a kɔ́ kɔ́ ɓɔwa laa pɔɔi.

Danîa 4:10

«Ɉįi tɔ̨nɔ̨i tii hu, ŋą́ lɛɛ laani: «Ŋą́ malaka ta kaa, ə həɠə yələkɔlɔn ɉu ə yɛɛ.

Danîa 4:12

Kɛlaa, ka nwun gbə lɛɛ laa da ɉamuɠaa, Ka di kpulɔn a kwɛli yɔwɔn, da ɓala kwɛli yɔwɔn, ka di kpulɔn lɔwɔi, kala hu, ə gɛ, luwuluwu tulɔ ə pu mą, da lɔwɔi huwɔɠaa di kɔ̨nɔ̨n ə kɛ a kala nwunu.

Danîa 4:7

Ɓɛlɔwai ŋą́ kɛ la laani ɲə́i gbin ŋą, ɉįi ŋą́ gaa ya ka: «Ŋą́ wulu ta kaa lɔi hąą, gwɛa kpɔ kɛnɛ̨.

Sofoni 2:13

gaa pai ɲéé haŋąi ɲanwuɔ̨ pələ, ə Asiri nwun napili, ə Ninivə kɛ a taa kpoloon.

Zakari 11:1

Liban, ə́ wɔ pɛlɛ́ɠaai laaɓo, ɛlɛɛ, nwɔ̨n ə́ ə́ wɔ kpitiliɠaai kələn.

Zakari 11:2

Siprə wulu, 'ɲiŋɛ̨, mąąhɔlɔɓo, ə́ wɔ kpitiliɠaai daa too, mąąhɔlɔɓo, daa walawalanuą too. Basan hɛanŋąą, 'ka ɲiŋɛ̨, mąąhɔlɔɓo, daa nwɛla hu wiyɛɠaa mɛ̨i yali.

Nwun mąąɓo 9:15

«Ɲąąlən gbɔlɔ yɛ wuluɠaa diɛ: ‹Akɛ ka káá bɔ ka ɉéé a ka wɔ tɔɔmun, ka pa ka lɔ nínín mu; a wala kɛ tii, nwɔ̨n da kaa pai kulɔi ɲąąlən gbɔlɔ hu, yii gaa pai Liban kpitiliɠaa kələn ɉii.›