Izikiɛ 31:18 - Yálá laawoo hɛɓɛ (dc)

¹⁸ «Ká gbɛɛ ɓə ká kulaa ká gee ɓa, ə́ mąąwiɛ pələ hu, ə́ kɛnɛ̨ pələ hu, Edɛn wuluɠaa lɔwai; di ə́ yɛɛ, ka Edɛn wuluɠaa lɔi mu pələ, ə́ kaa pai kɛi laa ni kɛ́nɛ̨ kpolɔwaɠaa lɔwai, ka nuąi tii kɔ́ kɔ́ ɓɔwa ə bɔɔ lɛɛ diɛi. Bələ ɓə Faraɔn kaa pai kɛi la, da nwɔ nu kpului. Mɛ̨nį kəlee ŋą Hééɓomun Yálá woo li.»

Yálá laawoo hɛɓɛ

¹⁸ «Ká gbɛɛ ɓə ká kulaa ká gee ɓa, ə́ mąąwiɛ pələ hu, ə́ kɛnɛ̨ pələ hu, Edɛn wuluɠaa lɔwai; di ə́ yɛɛ, ka Edɛn wuluɠaa lɔi mu pələ, ə́ kaa pai kɛi laa ni kɛ́nɛ̨ kpolɔwaɠaa lɔwai, ka nuąi tii kɔ́ kɔ́ ɓɔwa ə bɔɔ lɛɛ diɛi. Bələ ɓə Faraɔn kaa pai kɛi la, da nwɔ nu kpului. Mɛ̨nį kəlee ŋą Hééɓomun Yálá woo li.»

Bible

¹⁸ “Ŋ̀úruii ŋí káa a Ize kaloŋ da ŋɔnûai kélee kɔɔŋ maa. Gbɛ̂ɛ ƃé ŋɔfólo laai kɛ̂tɛi yɛ̂ɛ ǹyaa ŋ̀úru-ŋai sáma Idɛŋ suai su? Ŋa pâi m̀aa yenîi saa táa da ŋ̀úru-ŋai díkaa Idɛŋ suai sûi. Ka pâi kɛ̂i diai sáma dífe Ɣâla kɔ́lɔŋ nyii-ŋai dí dípàa gɔ́i sûi. Ńyãai a Ŋ̀wála-wâla kélee Yâwɛɛi ƃé mò tí.”

Izikiɛ 31:18 ပူးပေါင်းရင်းမြစ်များ

Samia Veerɛi 1:20

Ka hvo bələ taɠa Gatə daai, Ka hvo ɉukulɔ Askelɔn bələɠaa pɔ. Ə gɛ, Filisti nɛ̨ąą di hvo pa ləi maa kwəinɛ̨ɛ̨ kulɔ, gɛ́nɛ kpolɔwaɠaa lonnii nɛ̨ąą di pa nee kɛ pili yələi a kwəinɛ̨ɛ̨.

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Mąątɛ̨nɛ̨ 52:7

Yálá yaa kpinįi gaa pai ə́ hu kalai, a yələ kəlee mɛ̨nį. Gaa pai ə́ yalai, yɛ́ ə́ wɛan ə́ yəi bɛlɛ́n, yɛ ə́ kulɔ a ə́ nwun, yɛnɛ̨ɛ̨ nuą lɔwai.

Izikiɛ 28:10

Ə́ kaa pai haai yɛ bələi kɛ́nɛ̨ kpolɔwa a haa la, nwɛ̨ąą yee ɲa, ɲą́ą́ ɓə mo. Mɛ̨nį kəlee ŋą Hééɓomun Yálá woo li.»

Izikiɛ 31:14

Yili ə kɛ tii, ə gɛ, wului lɔpee, ə mą kɛ gaa ya kwɛlɛ, hvo gbɔwɔ ɲąą kɛnɛ̨, nwun və hee tulɔ kpinįn ma; ə gɛ wulu ta lɔpee, ə mą kɛ daa ya pu mą a nɛlɛɛ, hvo nwun dɛ mɛlaa mɛ̨i. Mąąhɔlɔɓo, haa pɛ̨ɛ̨i gəlee nwuɔ̨, lɔi mu pələ lɔiɠaa hu, yɛnɛ̨ɛ̨ nuą lɔwai, a nuąi daa yɛɛ kámą hu.

Izikiɛ 31:16

Ŋą́ lɔiɠaa mąą kpɛlin, doo tin ma; ɓɛlɔwai ŋą́ ɲɛɛ laa haa nuą taa, da nuąi daa yɛɛ nowa hu, lɔi mu pələ lɔiɠaa hu, Edɛn wuluɠaa kəlee lii ə laa. Wuluɠaa, Liban wulu nɛlɛɛɠaa, a diɛi tii da kɛ ya pui diɛ,

Izikiɛ 31:2

Hulɔnu lon! 'Mo Eziptə tɔɔmun da nwɔ nu kpulu kɛnɛ̨i diɛ, yɛ́ diɛ: «Lə ɓə ŋą́ pɛli ə́ kɔ́ɔn ɉii mą, yɛi ə wɔ huwalawalalaa kɛnɛ̨i?

Izikiɛ 31:8

Yálá yəi nɔw yɛa kpitiliɠaa di hvo kɛi həli bɔ, ə mą kɛ, siprəɠaa di hvo kɛi həli naa ɓa, ə mą kɛ ɓɛ́lɛ́ɠaa di hvo kɛi həli nwoŋoɠaa pɔ, Yálá yəi nɔw yɛa wulu ta hvo kɛi həli bɔ lɛlɛ mɛ̨nį hu.

Izikiɛ 31:9

Ŋą́ nɛlɛ a ɲee kɔ̨nwɔ̨n ɉu kɛnɛ̨ pələ, Yálá-taa wuluɠaa kəlee diɛ tolo kulɔ la.

Izikiɛ 32:10

Ə́ mąą mɛ̨nį ɓa, gáá pai lɔi tamąą mąąwɛlii, di wɔ tɔɔɓɛlaa nwun milimili kaa pai yɛɛi a diɛ, ɓɛlɔwai gáá pai kɔ̨nwɔ̨i la a nwɔ́ kɔ́ kɔ́ ɓɔwai di ɲɛ̨i ɓa. Di ta hvo pai kpɛlai kpɛlin ɉii, gbɔwɔ mąą mɛ̨nį ɓa, a ɲələi yá too la.

Izikiɛ 32:19

Ə́ lɛlɛ ɓə mɔ̨ɔ̨ nu takpɛliɠaa diɛ? 'Yɛɛ gáma hu ka kɛ̨nɛ kpolɔwaɠaa.

Izikiɛ 32:21

Kɔ́kulááɠaa di nwun nąmįną kaa pai kɛi pələ pilii mą, ɲąmuątaa; da di yee pɔ nuą. Kɛ̨nɛ kpolɔwaɠaa, diɛi tii haa a gɔ́ kɔ́ ɓɔwa laa pɔɔ. Daa yɛɛ, di kaa laani kámą hu.

Maafîu 13:19

Mɔ̨nun gɔw yiiɠaai too bələ kwɛlɛ nwɛ̨nįɠaa diɛ ɲɛɠɛ; mukulaa ɓa, nuąi da Yálá-taa tɔɔlaa mąą wəlɛɛ lɛlɛɛ mɛ̨n di hva ŋąą kaa, ɓilihi a pa ə gulɔ di lii hu.

Korɛntə dɔlɔɔ 10:14

Yili ɓə gaa mą, nwɛ́likɛmąą nuą, 'ká kpɛla kwɛli hvilɛn ɉii hali ɓa.

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Samuɛlə dɔlɔɔ 17:36

Ə́ wɔ luwɔi aa yala paa ə mą kɛ kwɛli. Filisti kɛ́nɛ̨ kpolɔwai ŋɛ̨i ɓaa lə! Gaa kpɔlɔ yɛ ɉuwoɠaai tii ta. Mąąhɔlɔɓo, aa Yálá hvulú kwɛlin baa pɔlɔn dɔɔ.