Izikiɛ 31:12 - Yálá laawoo hɛɓɛ (dc)

¹² Nwɛ̨ąąi di ɲɔ̨nwɔ̨ɔ̨ lɔiɠaa kəlee lɔwai, daa bɔn, daa nɛɛ laa diɛ li. Nwonwoɠaa daa pu yeeɠaa nwuɔ̨, da yee lɔwai lɔiɠaa kəlee hu. Nwonwoɠaa hu aa yali yali lɔi mɛ̨i, ya pɛlɛɛɠaa kəlee hu; lɔi mɛ̨i nuą kəlee daa kulɔ nįnįn mu daa taɠa ma.

Yálá laawoo hɛɓɛ

¹² Nwɛ̨ąąi di ɲɔ̨nwɔ̨ɔ̨ lɔiɠaa kəlee lɔwai, daa bɔn, daa nɛɛ laa diɛ li. Nwonwoɠaa daa pu yeeɠaa nwuɔ̨, da yee lɔwai lɔiɠaa kəlee hu. Nwonwoɠaa hu aa yali yali lɔi mɛ̨i, ya pɛlɛɛɠaa kəlee hu; lɔi mɛ̨i nuą kəlee daa kulɔ nįnįn mu daa taɠa ma.

Bible

¹² Ŋɔyaai nyii ŋwana-lɔɔi kpɔ́ a ŋánaa a pâi dêei é ǹɛɛ tôoi naa é lí. Ŋ̀wo-wo-ŋai da pâi ɣále-ɣalei dítaa-taa ǹyée-ŋai mâ dítaa tâa ǹyá bôto-ŋai su. Ǹɔii-ŋuŋ-ŋai nyii-ŋai kɛ̀ dífii tɔɔ̂i ǹinîŋ mui díkelee da pâi pûi.

Izikiɛ 31:12 ပူးပေါင်းရင်းမြစ်များ

Izikiɛ 28:7

gáá pai nwɛ̨ąą ɲąątɔɔi yɛ́, a nu huwui nwɔ hee mɛ̨i laa ɲɔ̨nwɔ̨ɔ̨; di kaa pai di wɔ kɔ́ kɔ́ ɓɔwaɠaai pɛlɛi ə́ wɔ mɛ̨nį kɔ́lɔn gili laa tɛɛ ɓa, diɛ ə́ wɔ mąąwiɛ ɓɛlɛ kpɛɛ mą.

Izikiɛ 30:11

Yaa mąn, da nwɔ lɔi hu nuą; lɔiɠaa kəlee di yowo; ŋą́ pa a diɛ nɔi hu kala mɛ̨nį ɓa. Di kaa pai woloi Eziptə ɓa a kɔ́ kɔ́ ɓɔwa, diɛ nɔi laa hvɛɛ a nu pɔwa.

Izikiɛ 30:12

Gáá pai Nilə kɛi a lɔi hu kpalaa; gɛ́ nɔi lɔwɔ́tɔɔ nu ɲɔ̨nwɔ̨ɔ̨ɠaa diɛ; ŋį́ nɔi hu kala, da ɉu hɛnŋąą, a nwɛąą kɛ mɛ̨nį. Ɲą́ą́, Yai-Laa, nwoo li.

Izikiɛ 31:17

diɛ kpɛli mąn, da diɛ ni ɓə yɛɛ ɲąmuątaa, nuąi tii mowa kwɛa ə di paa, di pɔ. Diɛ ɓə kɛ a ɲeeɠaa, di ɓo a nįnįn lɔiɠaa lɔwai.

Izikiɛ 32:12

ŋą́ ə́ wɔ nu kpulu kɛnɛ̨ɛi too, a kɔ́kulááɠaa di wɔ kɔ́ kɔ́ ɓɔwa, lɔi ta hvo laa hvo ɲɔ̨n, hvo tɛɛ mą. Ɉɛn Eziptə a nwun dɛ ɉu, da ɉu kala, diɛ ɉu nuą kəlee paa.

Izikiɛ 35:5

Yɛ bələi ə́ kɛi yowolaa kulɔ la a Israɛlə a yələ kəlee, yɛ́ nonnii ɲąmą pu a kɔ́ kɔ́ ɓɔwa, ɲələi kɔ́ ə kala la diɛ; a ɲələi di kɛ nɛ̨ŋɛ̨n naa ə hvɛɛ la,

Izikiɛ 35:8

Nwɔ nu powaɠaai kaa pai kɛi puu ni di kee mɛ̨i nwɔ yeeɠaai nwuɔ̨, yiiɠaai kɔ́ kɔ́ ɓɔwa a di paa, di kaa pai kɛi puu ni ɲee kpu kpuɠaa lɔwai, ɲee lɔwai lɔiɠaa hu, nwɔ ya pɛlɛɛɠaai hu.

Izikiɛ 39:4

Ə́ kaa pai tooi Israɛlə yeeɠaa nwuɔ̨; yɛ́, ka yɛ́ kɔ́kulááɠaai, da nɔiɠaai ə́ yee mui; gáá pai ə́ tɛɛi kuwɔ́ɠaa pɔ a di kɔ̨nɔ̨n, da hɛn lɔpee a koon, da lɔwɔ huwɔɠaa pɔ.

Izikiɛ 7:21

Gáá pai dɛɛi nwɛ̨ąą pɔ, diɛ too ɉu. Nɔi hu nu kpoloonŋaa pɔ a kɔ́ hon, diɛ ɉu kala.

Danîa 4:11

Ə kɛi tomą kpɔ a nwoo kɛnɛ̨ yɛ kɛ mą: Ka nwului ŋɛ̨i pɔn, ka ɉonwoɠaa hu tee, ka naa kulɔ ma, ka maɠaa hu taɠa-taɠa. Ɉuwɔɠaai da kɛ pɛlɛi mu, di taɠa-taɠa. Nwɛ̨niɠaa diɛ kpɛli, di kulɔ naa hu, di taɠa-taɠa.

Habakukə 1:11

Di wɔ kiliŋąhiɛ mąą a hvalən. Diɛ li pələ takpɛli a kɛɛ kalaa. Di hvaŋą ɓə ɓaa a di wɔ Yálá.

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.