Izikiɛ 30:11 - Yálá laawoo hɛɓɛ (dc)

¹¹ Yaa mąn, da nwɔ lɔi hu nuą; lɔiɠaa kəlee di yowo; ŋą́ pa a diɛ nɔi hu kala mɛ̨nį ɓa. Di kaa pai woloi Eziptə ɓa a kɔ́ kɔ́ ɓɔwa, diɛ nɔi laa hvɛɛ a nu pɔwa.

Yálá laawoo hɛɓɛ

¹¹ Yaa mąn, da nwɔ lɔi hu nuą; lɔiɠaa kəlee di yowo; ŋą́ pa a diɛ nɔi hu kala mɛ̨nį ɓa. Di kaa pai woloi Eziptə ɓa a kɔ́ kɔ́ ɓɔwa, diɛ nɔi laa hvɛɛ a nu pɔwa.

Bible

¹¹ Da ŋɔkɔ-kuluƃa sɔŋ nyɔ́mɔɔ-ŋai da pâi dí Ize lɔii su kara. Da pâi kɔ́ pɛlɛ̂i Ize ma dí ǹaa-ƃela kélee kpɔ́ páa a ƃóa-sɔkpɔ-ŋa, dípoma é ǹɔii láa fɛ́ɛ.

Izikiɛ 30:11 ပူးပေါင်းရင်းမြစ်များ

Izikiɛ 28:7

gáá pai nwɛ̨ąą ɲąątɔɔi yɛ́, a nu huwui nwɔ hee mɛ̨i laa ɲɔ̨nwɔ̨ɔ̨; di kaa pai di wɔ kɔ́ kɔ́ ɓɔwaɠaai pɛlɛi ə́ wɔ mɛ̨nį kɔ́lɔn gili laa tɛɛ ɓa, diɛ ə́ wɔ mąąwiɛ ɓɛlɛ kpɛɛ mą.

Izikiɛ 30:24

Kɛlaa, gáá pai Babilonə tɔɔmun ɲee huwala walai, gɛ́ nwɔ́ kɔ́ kɔ́ ɓɔwai lɔ ɲee ŋą. Gáá pai Faraɔn yeeɠaa yalii, yɛ ɲiŋɛ yɛ nui daa ɉaɠa baa pələ pɔ.

Izikiɛ 31:11

gáá dɛɛi lɔiɠaa nwun nąmu pɔ, yɛ ɉon yɛ bələi nwɔ lii ɲɔ̨n gwəi laa kaa la. Ŋą́ą́ ə́ kpɛ.

Izikiɛ 31:12

Nwɛ̨ąąi di ɲɔ̨nwɔ̨ɔ̨ lɔiɠaa kəlee lɔwai, daa bɔn, daa nɛɛ laa diɛ li. Nwonwoɠaa daa pu yeeɠaa nwuɔ̨, da yee lɔwai lɔiɠaa kəlee hu. Nwonwoɠaa hu aa yali yali lɔi mɛ̨i, ya pɛlɛɛɠaa kəlee hu; lɔi mɛ̨i nuą kəlee daa kulɔ nįnįn mu daa taɠa ma.

Izikiɛ 32:12

ŋą́ ə́ wɔ nu kpulu kɛnɛ̨ɛi too, a kɔ́kulááɠaa di wɔ kɔ́ kɔ́ ɓɔwa, lɔi ta hvo laa hvo ɲɔ̨n, hvo tɛɛ mą. Ɉɛn Eziptə a nwun dɛ ɉu, da ɉu kala, diɛ ɉu nuą kəlee paa.

Izikiɛ 35:8

Nwɔ nu powaɠaai kaa pai kɛi puu ni di kee mɛ̨i nwɔ yeeɠaai nwuɔ̨, yiiɠaai kɔ́ kɔ́ ɓɔwa a di paa, di kaa pai kɛi puu ni ɲee kpu kpuɠaa lɔwai, ɲee lɔwai lɔiɠaa hu, nwɔ ya pɛlɛɛɠaai hu.

Izikiɛ 39:4

Ə́ kaa pai tooi Israɛlə yeeɠaa nwuɔ̨; yɛ́, ka yɛ́ kɔ́kulááɠaai, da nɔiɠaai ə́ yee mui; gáá pai ə́ tɛɛi kuwɔ́ɠaa pɔ a di kɔ̨nɔ̨n, da hɛn lɔpee a koon, da lɔwɔ huwɔɠaa pɔ.

Dutɛrɔnome 28:50

Di kaa pai kɛi a nu huwu ɲɛ̨i walawalaa, di hva hulɔgolo mąąwiɛ, di hva nu nwunu ɲɛ̨imąąwɛli kaa.