Izikiɛ 3:8 - Yálá laawoo hɛɓɛ (dc)

⁸ Kɛlaa gáá ə́ ɲɛ̨i wala walai lɔ yɛ diɛ, ŋą́ ə́ nwun ɉu wala wala, yɛ diɛ.

Yálá laawoo hɛɓɛ

⁸ Kɛlaa gáá ə́ ɲɛ̨i wala walai lɔ yɛ diɛ, ŋą́ ə́ nwun ɉu wala wala, yɛ diɛ.

Bible

⁸ M̀ɛni ma ńyaŋ ŋâa íŋuŋ-su kpanaŋ, ŋa íwôlii kpɔ́lɔ a tɛɛ díwɔ-ŋai dîa.

Izikiɛ 3:8 ပူးပေါင်းရင်းမြစ်များ

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Azaya 50:7

Nąmu Yai-Laa ɓə mą́ą́ kpɔnmąąɓoi, yili ɓə a gɛ, vá nwún gulɔ laanɔ̨nwɔ̨ mu, yili ɓə a gɛ, gɛ́ ɲɛ̨́ilai nwala wala, yɛ kwɛni kwəleen, gíli kaa ɉu gɛ́, və́ pai nwumɛ̨i.

Ɉeremi 1:18

Nwɛ́i, gáá ə́ kɛi háákələi a taa walawala, a kwɛli hɔlɔɔn, ŋį́ ə́ kɛ a hįį yii dɔɔ a ɓala kwɛli, yɛ́ tɔɔ la nɔi nuą kəlee la, Ɉuda tɔɔɓɛlaa, da nwɔ ɲɛ̨itɔwɔ nuą, da nwɔ haláá laa həli nuą kəlee, da ɉu lonnii kəlee.

Ɉeremi 15:20

Gáá ə́ kɛi nuą tii lííla, yɛ pɛlɛ́ nwąnąąi dɔɔ a kwɛli, yii hva dumo dɔɔi, di kaa pai kɔ́ pɛlɛi yɛ́, Kɛlaa, di yee hvo pai lɔi yɛ́. Gáá ə́ pɔ, gɛ́ ə́ nwun mąąɓo, gɛ́ ə́ hvólóon na ɓo. Ɲą́ą́ Yai-Laa nwóó li!

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Izikiɛ 3:7

Kəlɛɛ Israɛlə nwɔ pɛlɛ́i hvo pai nwəli tɔɔi ə́ woo ɓa, gbala ə tɔɔ, di hvo bɔ di hvo di wəli tɔɔ nwóó ɓa; mąąhɔlɔɓo Israɛlə nwɔ pɛlɛ́i kəlee nwun ɉu wala walai, gili wala walaa.

Izikiɛ 3:9

Gáá ə́ nwun ɉu wala walai yɛ kúwɔ-kwɛni, ŋą́ nwala wala ə tɛɛ kwɛni ɓa; 'hvó ɲɔw diɛ, ə́ mąą hvo kpɛlin di ɲɛ̨i ɓa; kulɔ nwoo mu nuą li.»

Mise 3:8

Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Hebreu 11:27

Laa na laa háálai, Moisə ə həɠə Eziptə lɔi hu, hvo ɲɔw tɔɔmun ŋą lííholi ɓa, ɛlɛɛ, ə tɔɔ kpąą, yɛ ɲɛ̨i a kɛ nui hva kaa, mą.