Izikiɛ 3:7 - Yálá laawoo hɛɓɛ (dc)

⁷ Kəlɛɛ Israɛlə nwɔ pɛlɛ́i hvo pai nwəli tɔɔi ə́ woo ɓa, gbala ə tɔɔ, di hvo bɔ di hvo di wəli tɔɔ nwóó ɓa; mąąhɔlɔɓo Israɛlə nwɔ pɛlɛ́i kəlee nwun ɉu wala walai, gili wala walaa.

Yálá laawoo hɛɓɛ

⁷ Kəlɛɛ Israɛlə nwɔ pɛlɛ́i hvo pai nwəli tɔɔi ə́ woo ɓa, gbala ə tɔɔ, di hvo bɔ di hvo di wəli tɔɔ nwóó ɓa; mąąhɔlɔɓo Israɛlə nwɔ pɛlɛ́i kəlee nwun ɉu wala walai, gili wala walaa.

Bible

⁷ Kɛ́lɛ, Eezuɛ-ŋai dífe pâi díwoli tɔɔ̂i yâ. Kpɛ́ni fêi dífe ŋ̀wɛ̂li dí díwoli tɔ́ɔ ḿâ. Eezuɛ-ŋai wôlii kpɔ̂lɔɔi dílii-su kpanaŋɔɔ.

Izikiɛ 3:7 ပူးပေါင်းရင်းမြစ်များ

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Azaya 48:4

Ŋą́ gɔlɔn gɛ, gɛ́ diɛ ə́ kili wala walaai, ɛlɛɛ ə́ kpowola wala walaai yɛ kwɛli, ə́ tɔwɔla wala walaai yɛ ɓala kwɛli,

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Ɉeremi 44:16

«Bələi mąn ə́ kaa yili ɓoi la tii ku wɔ Yai-Laa laa hu, ku hvo ku wəli tɔɔi mą.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Ɉeremi 6:10

Gbɛɛ ɓə pai nwəli tɔɔ nwóóɠaa diɛ? Yɛ nwɔ́ liɛwooɠaa mɛ̨n! Diɛ ka di wəli non və ɉu! Mɛ̨nį hva pɛli lɔi ɉu. Yai-Laa! Di kaa ə́ woo kaai yɛ yɛlɛ kulɔ ɉu hɛn; di hvo bɔ.

Ɉeremi 6:17

Ŋą́ di mąąkpɛ mun dɛɛ di pɔ, yɛ ɲɛ̨i laa di mɛ̨i, yɛ di kilaa pɔ̨nɔ̨, yɛ kɛ diɛ: «Ka ka wəli tɔɔ dulu woo ɓa!» Kɛlaa, diɛ kɛ diɛ: «Ku hvo bɔ ku hvo ku wəli tɔɔ.»

Ɉeremi 7:27

Ɉeremi! 'Lí ə́ mɛ̨nįɠaa tii ɲąą lɛ diɛ, ə́ ɉukulɔ diɛ; di hvo kpɛli pai di wəli tɔɔ yɛ́. 'Ə́ di təli, di hva kpɛli hvaa.

Izikiɛ 2:4

Nu huwu nwun nwala walai tii, da gili wala wala nuąi tii ɓə gáá ə́ tɔɔi di pɔɔli, yɛ́ diɛ: ‹Ną́mu Yálá woo ka!›

Izikiɛ 24:7

Mąąhɔlɔɓo, ɲąmąi ə bu, gaa nii daai, ə bu kwɛni kpuwulu mɛ̨i lɔ tii, hvo bu li lɔi ɓa, hvo muluun bu li mɛ̨i.

Izikiɛ 3:6

Nu huwu tamąą hvə gáá ə́ tɔɔi bɔ, di laa woo hu kpinɛ̨ɛ̨, mɛ̨n naa walaa; diɛ kɛ hvo pai di laa woo mɛ̨n ɉi; ɛlɛɛ mun hɔlɔɔ, ŋą́ ə́ tɔɔ kɛ yiliɠaa pɔ, kɛlɛ di li kɛ di wə́li tɔɔ ə́ woo ɓa?

Izikiɛ 3:8

Kɛlaa gáá ə́ ɲɛ̨i wala walai lɔ yɛ diɛ, ŋą́ ə́ nwun ɉu wala wala, yɛ diɛ.

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Zakari 7:12

Di di kili walawala yɛ Kúwɔ́-kwɛni, di hvo pa nəi di mąąkwɛli woo mɛ̨n, di Yai-Laa Mɛ̨nį Kəlee ŋą Hééɓomun wooɠaa pili, yai gwəi mɛ̨nį hukulɔ nuą di naa həli diɛ. Yai-Laa Mɛ̨nį Kəlee ŋą Hééɓomun lii ə holi kpɔ di pɔ kɛnɛ̨.

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Lukə 19:14

Kɛlaa, nwɛli hvo kɛ nwɔ lɔi hu nuą diɛ; di kɛla tɔɔ bulu, diɛ mą: ‹Ku hvo bɔ ɉulɔnui ŋɛ̨i ŋą tɔɔlaa pɔ.›

Samuɛlə dɔlɔɔ 8:7

Yai-Laa yɛ Samuɛlə ɓa: «Ə́ wəli tɔɔ nɔi lonnii kəlee woo ɓa, yii lɔpee da mo yɛ́, gɛ. Yɛ́ hvəi di kaa ə́ pilii, di hvo kɛa bɔ və́ di ɲąąwooɓo.