Izikiɛ 3:3 - Yálá laawoo hɛɓɛ (dc)

³ yɛ mą́ą́: «Hulɔnu lon, ɉɛɓɛ́i ti ŋą́ dɛɛ ə́ pɔ, mįi ə́ pilɛ ɉu, ə́ ə́ koo laahvɛɛ la.» Ŋą́ mįi; nɛ̨ɛ̨ ná, yɛ kwɛin nwulɔ.

Yálá laawoo hɛɓɛ

³ yɛ mą́ą́: «Hulɔnu lon, ɉɛɓɛ́i ti ŋą́ dɛɛ ə́ pɔ, mįi ə́ pilɛ ɉu, ə́ ə́ koo laahvɛɛ la.» Ŋą́ mįi; nɛ̨ɛ̨ ná, yɛ kwɛin nwulɔ.

Bible

³ È ŋɔ́nɔ mò ḿâ ǹyɛɛi, “Núu-kpune ǹóŋ, gɔlɔi ŋí ŋá dɛ̀ɛ ípɔi mii ípela.” Nya ƃe ŋá mìii. È kɛ̀ kpɔ́ a nɛ̃ɛ yɛ̂ɛ kɔ̃́iŋ wûlɔ.

Izikiɛ 3:3 ပူးပေါင်းရင်းမြစ်များ

Zôo 23:12

Gɔ́wɔ́ hvo ta həɠə li nwɔ tɔ́nŋąąi mɛ̨i. Wooɠaai da kulɔ na ŋą́ gəlee lɛɛ gíli pɔ.

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 119:97

Ə́ wɔ tɔn nwooi wɛli kaa mą́ą́! Ŋą́ ɉu kpɛ a yələ kəlee.

Mąątɛ̨nɛ̨ 19:10

Mɛ̨nį haŋąą ɓaa nu ə ɲɔw Yai-Laa ɓa, yili dɔlɔ hva kpɛɛ; Yai-Laa nwɔ mɛ̨nį hutɔɔ woo kəlee kaa a tɛ̨ą, gəlee haŋąąi.

Mąątɛ̨nɛ̨ 19:11

Viɛlaɓɔɔi ə tɛɛ hɛni ɓa, dɛɛ kpɔ hɛni waa kpulu tamąą ɓa. Nɛ̨ɛ̨i dɛɛ kwɛ̨inwulɔ ɓa, dɛɛ kpɔ kwɛ̨i gulaa nįnɛ̨ ɓa.

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Ɉeremi 20:9

Ŋą́ tɔɔ gɛ́ kɛ diɛ: «Vá kɛa náá tunwɔ̨n mą, vá kɛa mɛ̨nį ta ɓo naa hu.» Ŋą́ gɛ tii, yaamun, a hee ɉú pələ yɛ nwɔ̨n gbəɠiɛ, gánan ŋąą gɔ́w hu. Ŋą́ tɔɔ kpɔ a nwą́nąąi, gɛ́ kɛ ŋį́ ɉu hon, Kɛlaa vá pɛli mą.

Ɉeremi 6:11

Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Izikiɛ 2:10

Ə volóon ɲɛ̨́i ɓa, hɛɓɛ́ pɛ̨ɛ̨i kɛ bələ kəlee hveelɛi, woolaa wooɠaa ɓə kɛ bɛ̨ɛ̨ ɉu, nu ɲiŋɛ̨ woo da tomą wooɠaa.

Izikiɛ 2:8

«Hulɔnu lon, ə́ wəli tɔɔ, mɛ̨nį gáá moi yɛ́ mą, 'hvó kɛ a nui a nwun gulɔ mɛ̨nį mu, yɛ gulɔ nwoo mu nukan ŋɛ̨i, ə́ laa taɠa, ɉɛn gáá dɛɠɛi ə́ pɔ, 'ə́ mįi.»

Izikiɛ 3:4

Yɛ mą́ą́: «Hulɔnu lon, 'li ə́ həli Israɛlə nwɔ pɛlɛ́i mu nuą diɛ, ə́ nwóóɠaa laa həli diɛ.

Ɉaan 7:38

Nui a laa ná yɛ bələi Yálá laawoo ə mo la a kɛ a yɛnɛ̨ɛ̨ hva kpɛɛ yalee nwun gulɔi.»

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.