Izikiɛ 3:23 - Yálá laawoo hɛɓɛ (dc)

²³ Ŋą́ múhəɠə, ŋą́ li ɲɛɛkɔwɔ hu; Yai-Laa mąąɲįnɛ̨n ə kɛ laa, lɔ yɛ bələi, ŋą́ mąąɲįnɛ̨n gaa la Kebarə yá kwɛlɛ; ŋą́ pɛlɛ nííɓa, nɔi ɓa.

Yálá laawoo hɛɓɛ

²³ Ŋą́ múhəɠə, ŋą́ li ɲɛɛkɔwɔ hu; Yai-Laa mąąɲįnɛ̨n ə kɛ laa, lɔ yɛ bələi, ŋą́ mąąɲįnɛ̨n gaa la Kebarə yá kwɛlɛ; ŋą́ pɛlɛ nííɓa, nɔi ɓa.

Bible

²³ Nya ƃe ŋá ḿu sìɣe ŋá lí dìŋ-tiŋ su. Naa kɛ́ɛ tíi, ŋá Yâwɛɛ ŋɔfólo-laai kàa tɔɔ̂-ni naa gɛɛ nɔ́ yɛ̂ɛ nyii ŋá gàa tɔ̂ɔ-ni Siƃa Ya-leei kɔlɛi. Ŋá tôo ǹɔii mâ ŋá ŋuŋ mâ pîlaŋ.

Izikiɛ 3:23 ပူးပေါင်းရင်းမြစ်များ

Izikiɛ 1:28

Ə kɛ yɛ gbəimiliin, yai a laa tulɔ kpinįn dɔwɔ, a tulɔ pu yələ. Gɛɛ pɔ̨nɔ̨i tii kɛ naa kwɛlɛ kəlee, gɛ pələ ka tii kɛ. Yai-Laa nwɔ mąąwiɛ gulɔ mąą, da gɛ pələ ka tii kɛ; ŋą́ nąą kaa, ŋą́ pɛlɛ níí ɓa, nɔi ɓa, ŋą́ woo ta mɛ̨n yɛ pələ ɓo mą́ą́.

Izikiɛ 10:18

Yai-La nwɔ mąąwiɛ ə muhəɠə Yálá hee pɛlɛ́ laaləi, ə tɛ ɲələi pələ ə tɔɔ mąąkpɛ malakaɠaa nwun mɛ̨i.

Izikiɛ 43:2

Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Izikiɛ 43:3

Ə kɛ yɛ nu a kɛli hį́i kaa, yɛ ɉį́i tii ta ŋą́ gaa; a yii tii ŋą́ gaa ɓɛlɔwai ə paa la daa woloi. Ɉį́iɠaai tii kulaa kɛ, yii ta ŋą́ gaa Kebarə yá kwɛlɛ mą. Nąąlɔwai, ŋą́ pɛlɛ níí ɓa.

Izikiɛ 44:4

Nui tii ə nɔ́ voló ɓɛlai pələ pɛlɛ́ laaləi; bɛlɛ́ ɲɛ̨i lɛlɛɛ kɛɛnąą pələ. Ŋą́ ɲɛ̨i hee, ŋą́ Yai-Laa Mąąɲinɛ̨n gaa, aa kɛ Yai-Laa nwɔ pɛlɛ́i laa hvɛɛ, ŋą́ pɛlɛ nɔi ɓa, nííɓa.

Izikiɛ 8:4

Israɛlə nwɔ Yálá mąąɲinɛ̨n ə kɛ laa, gulaa mɛ̨nįi ŋą́ gaa ɲee lɔwai lɔi hu, mą.

Izikiɛ 9:3

Israɛlə nwɔ Yálái mąąɲinɛ̨n ə tɛ ɲələi pələ, mąąkpɛ malakaɠaa ti ə kɛ mɛ̨i a bɔlɔ pɔlɔ, yili nwun mɛ̨i pələ, yɛ li Yálá hee pɛlɛ́ laaləi pələ; ɉəɠə kwəlɛɛ nąmui ti ɉɛɓɛ́ kpɔw ə kɛ nwɔ hąmą yili kɔ́lɔi ɓa, ə yili təli.

Danîa 8:17

Gabriɛlə ə lɛɠɛ mą́ą́, ɓɛlɔwai ə kɛi mąą lɛɠɛ la mą́ą́, ŋą́ ɲɔw kpɔ kɛnɛ̨, ŋą́ pɛlɛ nɔi ɓa gɔwɔ mu. Yɛ mą́ą́: «Daniɛlə, pələi mąn kaa la a nu, mąąnɛ̨ɛ̨ ə́ gbaɠala kaa yɛ́ diɛ, yɛnɛ̨ɛ̨ ɲąąkpɛɛi lɔwai mɛ̨nį ka ŋɛ̨i ə́ gaa.»

Lonon mo 16:19

Kore ə nuą kəlee ɲąąkpɔn gwɛlɛ, gee kaa kələ laaləi. Nąąlɔwai, Yai-Laa nwɔ mąąwiɛ ə gbɔwɔ lɛ nu kəlee ɓa.

Gɛlaɠaa 7:55

Kɛlaa, Yálá ə kɛ Etiɛnə pɔ, ɲɛ̨i heɛ ɲələi pələ; ə Yálá nwɔ mąąwiɛ laa kaa, Jesus ə ɓo tɔɔni Yálá yee lɛlɛɛ hu pələ,

Zasua 5:14

Ɉulɔnui tii yɛ Ɉosue ɓa: «Və́ a ka yówó, gwa kaani gu hvo tɔɔ li. Gáá a Yai-Laa nwɔ kɔlaɠa nwun nąmu, ŋį́ pa lɔ yiihu.» Ɉosue ə pɛlɛ gɔwɔ mu, ə kwɛli hvilɛn mą, yɛ mą: «Nwɔ́ɔ́ mɛ̨nį nąmu, lə mɛ̨nį ɓə yɛ́ ə́ mo ə́ wɔ luwɔi ɓa?»

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

M̀ɛni-lɛɛi 4:10

galanɉon pɔw-hveelɛ-kɔw nąąn tii, di kɛli pu di kpəlin na, nui heeni dɔɔkpəlin ɉu niila, diɛ gwɛli hvilɛn Vúlumąą ɓa, ɲɛ̨n deei hvo mą, ɛlɛɛ, diɛ di nwuɔ̨ ɓɔlɔɠaa pili dɔɔkpəlin niila, diɛ kɛ mą:

M̀ɛni-lɛɛi 5:14

Ɛlɛɛ, ɉuwɔ nąąn tii di mu hon, diɛ mą: «Ə kɛ tii-o!» Ɛlɛɛ, galanɉonŋaa tii di pu di kpəlin na, di gwɛli hvilɛn.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.