Izikiɛ 28:4 - Yálá laawoo hɛɓɛ (dc)

⁴ ə́ kili ɲa laa pələ, da ə́ kili kɛnɛ̨ pələ, yáá hɛn ɉɔlɔɓo; yáá wali da hɛni di tiɛ̨ gee mɛ̨i.

Yálá laawoo hɛɓɛ

⁴ ə́ kili ɲa laa pələ, da ə́ kili kɛnɛ̨ pələ, yáá hɛn ɉɔlɔɓo; yáá wali da hɛni di tiɛ̨ gee mɛ̨i.

Bible

⁴ Í mɛni-ŋa káai a gɛ́ ya tɔɔ-sãa kɛ́ɛ yɛ̂ɛ gôo da káne sɔlɔ ƃó.

Izikiɛ 28:4 ပူးပေါင်းရင်းမြစ်များ

Hanwon 18:11

Hɛn gɔw nąmu nwɔ hɛn gɔwi kaa a mąąkɔ̨nwɔ̨ taa. Gaa nwɔ ɲɛ̨i mu yɛ hįį mɛ̨i kwɛai kɔ́ hva gulɔ.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Azaya 10:13

«Mąąhɔlɔɓo, gaa moi gwəi pələ, yɛ kɛ: ‹Ɲéé nwɔ huwalawala ɓə gɛ, gɛ́ mɛ̨nįi ŋɛ̨i kɛ, da nwɔ́ kili kɛ ɲəi laa, mąąhɔlɔɓo, nwún gaa ɉu; ŋą́ą́ nuą di wɔ lɔiɠaai ɲɛn mɛ̨nį pili ɉu, ŋą́ą́ di kwɛlin gulɔ di yəi, ŋą́ą́ tɔɔɓɛlaa kulɔ di wɔ tɔɔ kpəlinŋaa hu.

Ɉeremi 49:4

Ə́ kɛ mɛ̨nį heeni yee lɔwai, ə́ kaa ə́ kpɔɔ ɲąą kɛnɛ̨i yili hu, lə mɛ̨nį ɓa? Ə́ wɔ lɔi kaa a lɔi lɛlɛɛ, yɛ́i ɓaa halakpɛla, liihɛlɛn və yɛ́. Yɛ́i ə́ kilitɔɔi ə́ wɔ hɛn gɔwɠaa diɛ, yɛ́ kɛ diɛ: «Gbɛɛ ɓə a kɔ́ pɛlɛ mą́ą́?»

Izikiɛ 27:33

Lii ə́ kɛi mo a ə́ wɔ lɔwɔ tiɛ̨ɠaai gboloyá ɲa, ə́ lɔi tamąą pilɛ, ə́ yɛnɛ̨ɛ̨ tɔɔɓɛlaa kɛ a hɛn gɔw nąmįną, ə́ yəi hɛnŋaa da ə́ wɔ lɔwɔ tiɛ̨ɠaai tamą pələ ɓa.

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Danîa 5:11

Hulɔnu ta kaa ɓɛ ə́ wɔ tɔɔlaai hu, yii Yálá hvulú Nii kaa mɛ̨i. Ə́ nąn nwɔ lɔwai hu, ə gaa, ɉulɔnui tii nwɔ kili da nwɔ nwun gɛ ɉu laa hu pɔ̨nɔ̨ɔi kɛ, yɛ ɓo yɛ alaɠaa di wɔ kili. Ya ɓə ə́ nąn Nabukodonosorə ə ɉee a tɔlikpɛ nuą da nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ, ə mą kɛ Kilimąą nuą, da hali nąmįnąa di nwun nąmu. Ə nąn ŋɛ̨i kɛ a tɔɔmun ya ɓə gɛ tii.

Habakukə 1:16

Da kɛ haláá kulɔi di wɔ ya tuluun dumɔ̨ɠaai diɛ, diɛ lansan kələn diɛ. Mąąhɔlɔɓo, ɲa tuluun dumɔ̨ɠaa tii haalai ɓə da kɔ̨nɔ̨n ɉɔlɔɓo la, a kɔ̨nɔ̨n gɛnɛ̨, nɛ̨ɛ̨.