Izikiɛ 28:26 - Yálá laawoo hɛɓɛ (dc)

²⁶ Di kaa pai kɛi laa, liilaa hu, diɛ pɛlɛ́ɠaa tɔɔ, diɛ tííɠaa kɛ. Di ɓo liilaa hu, ɓɛlɔwai gáá pai di kwɛlɛ nuąi kpɔ tii da tɛɠɛɓo di hu, di kiti teei la, da gili kɔ́lɔn, diɛ kɛ, ɲą́ą́ ɓə gáá a Yai-Laa di wɔ Yálá.»

Yálá laawoo hɛɓɛ

²⁶ Di kaa pai kɛi laa, liilaa hu, diɛ pɛlɛ́ɠaa tɔɔ, diɛ tííɠaa kɛ. Di ɓo liilaa hu, ɓɛlɔwai gáá pai di kwɛlɛ nuąi kpɔ tii da tɛɠɛɓo di hu, di kiti teei la, da gili kɔ́lɔn, diɛ kɛ, ɲą́ą́ ɓə gáá a Yai-Laa di wɔ Yálá.»

Bible

²⁶ Ǹyaŋ da pâi kɛ̂i naa ŋuŋ ma ƃô su. À kɛ̀ tí, da pâi pɛ́rɛ-ŋa tɔɔ̂i díkpɔmɔ-ƃa kpalaŋ-ŋa sí. Da pâi kɛ̂i a díŋuŋ mâ ƃóɔɔ a tãi ŋa pâi kɛ̂i díkɔlɛ mâ-ƃelai kula maa kɛ̂i la nyii-ŋai ɣɛ́lɛ maa kûla díkponôi. À kɛ̀ tí, da pâi gɔ̂lɔnii a gɛɛ ńyãa ƃa Díɣâlai Yâwɛɛ.”

Izikiɛ 28:26 ပူးပေါင်းရင်းမြစ်များ

Mąątɛ̨nɛ̨ 149:9

Mɛ̨nįi di bɛ̨ɛ̨ di nwuɔ̨ diɛ naa diɛ, Yálá yee pɔnuą kəlee ɲɛ̨i pɔ̨nɔ̨ mɛ̨nį li! 'Kánikookwəi!

Lɛɛ gbɔwɔ ɓa 29:46

diɛ pɛli gbaɠala kaai, diɛ ɲą́ą́ ɓə gáá a Yai-Laa; ɲą́ą́ ɓə a di wɔ Yálá, ɲą́ą́i di kulɔ Eziptə lɔi hu, gɛ́ pɛli lɛɛi di lɔwai. Ɲą́ą́ Yai-Laa, ɲą́ą́ ɓə a di wɔ Yálá.

Hanwon 14:26

Nui a ɲɔw Yai-Laa ɓa, dɔɔi a walawala, Yai-Laa kaa a mąą nu mąąkilɛi, nonnii wəli pulu laɠiɛ.

Azaya 17:14

Yələ a kɛi wulu, ɲɔw kɛnɛ̨ yɛ nu hu pu mą, gɛɛ yələ hvo ɓɔ, hɛn da hva kɛa kɛ laa, nuąi da too ku mɛ̨i, di kɛ pələ kaa pai kɛi tii, nuąi da too ku yəi hɛnŋąą hu bələ ɓə di kɛ pələ kaa pai kɛi la.

Azaya 33:1

Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Ɉeremi 12:14

Yai-Laa woo ka, yɛ diɛ: Nuąi daa pɛlɛ gwɛ́lin nɔi ɓa, yaai ŋą dɛɛ nwɔ́ nu huwuɠaai pɔ, diɛi a Israɛlə nuą; yɛ diɛ: Gáá pai nuąi tii kulɔi a nwun, di wɔ lɔi hu; ə mą kpɛli kɛ Ɉuda nuą; ŋį́ di kulɔ di lɔwai.

Ɉeremi 29:28

Ká hɛɓɛ́ tɛɛ hɔlɔɔ ɓɛ kuɔ Babilonə, yɛ kɛ diɛ: Ku kaa pai lamui ɓɛ, ku pɛlɛ́ɠaa tɔɔ, ku tííɠaa kɛ ku má mįi.»

Ɉeremi 30:16

Kɛlaa nuąi kpɔ kɛi ə́ mįi, da gəlee mįi. Ə́ yówóɠaa kəlee, da nwɔ kwɛni hvo kulɔ li ɉu. Da li kɔluwɔlaa hu. Nuąi kɛi too ə́ mɛ̨i, diɛ kpɛli, da too di mɛ̨i. Nuąi kpɔ kɛi too ə́ yəi hɛnŋaa hu, diɛ kpɛli da too di wɛi hu.

Ɉeremi 32:15

Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: ‹Di kaa nwɔ̨nɔ̨ pai pɛlɛ́ɠaa da tííɠaa yai nɔi ŋɛ̨i hu.›»

Ɉeremi 32:37

Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Ɉeremi 32:43

Di kaa nwɔ̨nɔ̨ pai tííɠaa yai nɔi ŋɛ̨i hu, yai ka kɛ kɛi diɛ lɔi pun ni, nu hvo ɉu, taatɛlɛɛ hvo ɉu, ə ɓo Kalde kɔlaɠa yee kɔ́n mą.

Ɉeremi 33:16

A mąą yələi tii, Ɉuda nwun mąą kaa pai ɓoi, Ɉerusalɛmə yɛ nwɔ yɛnɛ̨ɛ̨ kɛ liilaa hu. Naai di kaa pai kɛi dəlii la, ya ka, di kaa pai kɛi mą: ‹Yai-Laa kaa a gu wɔ tələnmolaa.›»

Woolaa 1:8

Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Izikiɛ 28:22

'Kɛ mą, Mɛ̨nį kəlee ŋą Hééɓomun Yálá woo ka; yɛ: Sidɔn, gáá pai pɛlɛi yɛ́, ɲɛ̨i kaa pai pɔ̨nɔ̨i yɛ́ taa kwəi, diɛ gilin nąąlɔwai, diɛ kɛ; ɲą́ą́ ɓə gáá a Yai-Laa. Bələ ɓə gáá pai, nwɔ́ mąąhəɠə laa lɛi la nuą diɛ.

Izikiɛ 28:24

«Nąąlɔwai, ɲąąlən va kɛa hee Israɛlə nwɔ pɛlɛ́i ɓa, ɓomodiliin hva kɛa gwənįn, nu ta hva kɛa kɛ gwɛlɛ, yɛ viiɓo, di kaa pai gili kɔ́lɔn ɉii tii, diɛ kɛ; ɲą́ą́ ɓə gáá a Yai-Laa.»

Izikiɛ 34:14

Gáá pai ɲąąkɔn ɉii, kala tiliin ɉuwiaa mɛ̨i, naa mįi kala tilinn gaa pai hɔlɔɓoi, Israɛlə yeeɠaa nwuɔ̨; naa ɓə gaa pai kɛi pɛlɛi laa; kala tiliin ɉuwiaa mɛ̨i, yɛ kala tiliin nɛlɛɛ mįi, Israɛlə yeeɠaa nwuɔ̨.

Izikiɛ 34:31

«Ka kaa a nwɔ́ taatɛlɛɛɠaai a nwɔ́ kalai taatɛlɛɛɠaa, kaai a nu kanŋaa; ɲą́ą́n, ŋą́ ɓo a ka wɔ Yálá. Mɛ̨nį kəlee ŋą Hééɓomun Yálá woo li.»

Izikiɛ 36:9

A tɛ̨ą ŋą́ą́ pa ka pɔ, ŋą́ą́ ɲɛ̨́i lɛlɛɛ hee káá. Ka káá pai kɛi a tíi, diɛ mɔ̨nun ɉin ka mɛ̨i.

Izikiɛ 38:11

Yɛ́ kɛ diɛ: Gáá lii ŋį́ wolo lɔi ta ɓa, mąą kɔnwɔ̨i hvo mą; gáá pai həəi nuą diɛ, di wəli pulu laɠia, di ɓo lii laa yɛnɛ̨ɛ̨ hu; hįi hvo di wɔ taa tai lɔpee ɓa, kpon və laa, naakpulu kwɛli hvo mą.

Izikiɛ 38:8

Ɉu aa kwɛa, mąąnɛ̨ɛ̨ kɛ ku ə́ mąą mɛ̨nį ɲɛ̨i kulɔ; yili kaa pai kɛi tii, gwɛlanŋaa laa a hvɛɛ; lɔi ta hu, da ɉu nuą taɠa, mąąhɔlɔɓo, kɔ́ kɔ́ ɓɔwa a tɛɛ laa. Di həɠə lɔi ta hu, yii kɛ naa hvɛɛ a nu kan, di di ɲąąkpɔn Israɛlə yeeɠaa mɛ̨i; ɲeeɠaai tii daa kɛ lɛɛ a lɔi pun a ɉu kwɛa. Di nuąi tii kulɔ lɔiɠaa lɔwai, di kəlee di kaa pai kɛi liilaa hu.

Izikiɛ 39:10

Di hvo pai kwɛi kwɛlii yɛɛ kɔ́wɔ ta hu, di hvo pai wulu pɔn ɉii lɔwɔi; mąąhɔlɔɓo, gɔ́ kɔ́ hɛnŋąąi tii ɓə di kaa pai kɛi nwɔ̨n ɉeei la. Nuąi di yəi hɛnŋąą kulɔ di yəii, da diɛ kpɛlimąn di wɛiɠaai kulɔ di yəi, nuąi too di mɛ̨́i, da too diɛ kpɛlimąn di mɛ̨i. Yai-Laa woo li.

Osia 11:11

Di kaa pai həɠəi Eziptə, diɛ pa a gilɛ, di mąą yɛ kpɛlin yɛ nwɛ̨ni lonnii, diɛ həɠə Asiri lɔi hu yɛ tonwənənŋaa, gáá pai di heei di wɔ pɛlɛ́ɠaai mu; Yai-Laa woo li.

Osia 2:15

Gáá pai múhəɠəi naa ɓa, Baaləɠaa mąą mɛ̨nį ɓa, diɛi tii ə kɛi di kɔ́ a hɛn gun nɛ̨ɛ̨ɠaa, yɛ mąą yili nąąlɔwai a wəlii-kwɛli da kwɛan, ə kɛi gilɛ həɠə nwɔ wɛliɠaa pulu, ɛlɛɛ ɲą́ą́n, yɛ lɛ̨ą mą́ą́, Yai-Laa woo li.

Osia 2:18

Yai-Laa woo ka: Mąą yələ, yá kɛ mą́ą́ «ɉílɛ»; hvá kɛa kɛ mą́ą́: «nwɔ́ baalə.»

Habakukə 2:8

Kaa nuą tamąą mąą kpoloon, yaan nu huwu takpɛliɠaa kaa pai ka mąą kpoloon ɉi. Nu ɲąmąi tii ka bu, ɛlɛɛ, nwąnąlɔ túwɔ́ tii ka mo a lɔiɠaa laa, taaɠaa laa, da di hu nuą mąą mɛ̨nį ɓa.

Zakari 1:15

Nwɛ́i, níí hvo kɛ holi li kpɔ tii kɛnɛ̨ nwɔ́ nuąi pɔ, kɛlaa, nɔiɠaai tii di kpɔwɔ ɲąą kɛnɛ̨i, diɛ ɓə nííholiɛ di pɔ kpɔ kɛnɛ̨. Mąąhɔlɔɓo diɛi tii ɓə pa, diɛ Israɛlə nwɔ mɔ̨nɔ̨i ta pɛlɛ mą.

Dutɛrɔnome 12:10

Kɛlaa, ka káá pai Ɉurdɛn teen ɉii; ka li ka lɔ nɔi Yai-Laa ka wɔ Yálá aa dɛɛ ka pɔ a ka wɔɔ kaa hee ɉu. Gaa pai hvįįtɔɔ tɛɛ ka pɔ, ka yowoɠaa kpɔ tii ka hvanąi, yɛ di mąą kwɛa kaa. Ka káá pai kɛi laa a ka wəli pulu laɠiɛ.