Izikiɛ 28:17 - Yálá laawoo hɛɓɛ (dc)

¹⁷ Ə́i kpɔwɔ ɲąą kɛnɛ̨, ə́ lɛlɛ mɛ̨nį hu, ə́ mąąwiɛ pələ ə́ ə́ wɔ kilikɛɲəi hukala. Gáá ə́ tooi lɔi ɓa, yɛnɛ̨ɛ̨ tɔɔɓɛlaa diɛ pa, diɛ ə́ kaa.

Yálá laawoo hɛɓɛ

¹⁷ Ə́i kpɔwɔ ɲąą kɛnɛ̨, ə́ lɛlɛ mɛ̨nį hu, ə́ mąąwiɛ pələ ə́ ə́ wɔ kilikɛɲəi hukala. Gáá ə́ tooi lɔi ɓa, yɛnɛ̨ɛ̨ tɔɔɓɛlaa diɛ pa, diɛ ə́ kaa.

Bible

¹⁷ Í ŋɛ́i è kɛ̀ a dɛ́ɛ, kpɛ́ni fêi íkɛ̀ a ílɛlɛɛ. Í tuŋ è tàa-taa íkɛ tùa a ƃoo-pere. M̀ɛnii ŋí ƃé gɛ̀ ŋ́gɛ í tòo ǹɔii ma a gɛɛ íkɛ a ŋɛi kɛ́-maa gâloŋ-ŋai mɛ̂ni ma.

Izikiɛ 28:17 ပူးပေါင်းရင်းမြစ်များ

Mąątɛ̨nɛ̨ 147:6

Yai-Laa a ɲee pu nuąi da di nwun mąą yɛɛ, di mu, yɛ nwąnąlɔ nuą yee pɛlɛ lɔi ɓa.

Mąątɛ̨nɛ̨ 73:18

A tɛ̨ą, yáá di tɔɔ nįmįnįn bələ mɛ̨i, yɛ́ pa di pilii nwun na pili kɛɛnąą.

Hanwon 11:2

Ə́ wəli tɔɔ kilimąą woo ɓa Ə́ ŋąą wala, ə́ gbaɠala kaa.

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

Azaya 25:12

Ə́ wɔ taa mąąkpɛ hįi huwiaaɠaai, Yai-Laa kaa pai gəlee pui, yɛ di hu taɠa taɠa, yɛ di pu lɔi ɓa, munuun ɉu.

Azaya 26:5

Nuąi kɛ di ɓɛlaa nwun mɛ̨i, aa yiliɠaai nwun mąą yɛɛ, ɛlɛɛ, daai tii nu yee hvo kɛi pɛli mą, aa bu; aa bɛlɛ nɔi ɓa, munuun ɉu.

Ɉeremi 8:9

Gilimąą nuą tii daa nwumɛ̨, di ɲɛ̨i aa paa, daa kɔ́ a hɛlɛn di kɛi tɛɠɛ ɓo Yai-Laa woo hu. Da pɛli di kpɔɔ kaai ləi a mɛ̨nį kɔ́lɔn nuą?

Izikiɛ 16:41

Di kaa pai ə́ wɔ pɛlɛ́ɠaai kələn ɉii; di kaa pai giti hu wooɠaai tii pɔ mɛ̨nį kɛi yɛ́ nɛ̨ąą kpulu kɛnɛ̨ɛ ɲɛ̨i ɓa. Gáá pai ə́ wɔ wɛli hon ŋąą kpɛɛi, hva kɛa pɛli wali tɛɛi a nuą́ hvɛla.

Izikiɛ 19:12

Kɛlaa, di gulɔ a nwun a lii ɲąnwąną; di doo nɔi ɓa, hvaŋą ə həɠə hvóló kulɔi pələ, ə maɠaa kpala ma; nwonwo kpɛa kpɛaɠaai tii di kpala, nwɔ̨n ə di kələn.

Izikiɛ 23:48

Gáá pai wɛli mɛ̨nį kpɛɛi nɔi hu; di kaa pai moi nɛ̨ąą kəlee diɛ; di hvo pai hvilɛn ɉi ka wɔ wɛli hon mɛ̨nįi pulu.

Izikiɛ 26:16

Gboloyá hu tɔɔɓɛlaa kaa pai həɠəi di wɔ tɔɔ kpəlinŋaai mɛ̨i, di di wɔ gbaawiiɠaai kulɔ di kwąną, di di wɔ həɠə ɲɛ̨i tɔɔɠaai kulɔ diɛ; di mąą həɠə ə lɛɛ lɔ a kpɛlin mo; di hee lɔi ɓa, diɛ kpɛlin nɔ, diɛ di woo laa ə́ mąą mɛ̨nį ɓa.

Izikiɛ 27:3

Kɛ́ Tirə ɓa, yɛi heenin gboloyá kwɛlɛ pələɠaa hu, ka lɔiɠaa káá lɔ́wɔ́tɔɔ, ka gboloyá hɛ̨ąąi lɔi tamąą. Mɛ̨nį kəlee ŋą Hééɓomun Yálá woo ka: Tirə, yɛ́ ɓə kɛ diɛ nɛ́lɛɛi, mą́ą́ kulɔi hvo mą́ą́?

Izikiɛ 27:4

Yɛ́i ŋɛ̨i ə́ wɔ lɔi kaa heeni gboloyá hąąi, nuąi ə́ tɔɔ, di ə́ tɔɔ di bɛli ɉu.

Izikiɛ 28:15

Ə həɠə ə́ pɛli yələ ɓa, ə́ túwɔ pələ lɛlɛɛi kɛ, mąą kulɔi hvo kɛ mą; əlɛɛ ɉu, ɲələi di ə́ ɲɔ̨n ɉii kaa la, ɲələ ə həli.

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Izikiɛ 28:5

Ə́ kili ɲą laai yɔw kɛi, yáá ə́ yəi hɛn gɔw hu kɛnɛ̨, ɛlɛɛ, hɛn gɛnɛ̨ pələ ə́ yəi, yáá ə́ nwun dɛ.

Izikiɛ 28:7

gáá pai nwɛ̨ąą ɲąątɔɔi yɛ́, a nu huwui nwɔ hee mɛ̨i laa ɲɔ̨nwɔ̨ɔ̨; di kaa pai di wɔ kɔ́ kɔ́ ɓɔwaɠaai pɛlɛi ə́ wɔ mɛ̨nį kɔ́lɔn gili laa tɛɛ ɓa, diɛ ə́ wɔ mąąwiɛ ɓɛlɛ kpɛɛ mą.

Izikiɛ 31:10

«Yili mąą mɛ̨nį ɓa, mɛ̨nįi Mɛ̨nį kəlee ŋą Hééɓomun Yálá kaa moi ya ka: Yɛ bələi ə nwun dɛ la, ə nwun dɛ, ə ɉee tulɔ kpinįn ma, ə nwun dɛ, a kpɔɔ ɲąą kɛnɛ̨,

Izikiɛ 32:10

Ə́ mąą mɛ̨nį ɓa, gáá pai lɔi tamąą mąąwɛlii, di wɔ tɔɔɓɛlaa nwun milimili kaa pai yɛɛi a diɛ, ɓɛlɔwai gáá pai kɔ̨nwɔ̨i la a nwɔ́ kɔ́ kɔ́ ɓɔwai di ɲɛ̨i ɓa. Di ta hvo pai kpɛlai kpɛlin ɉii, gbɔwɔ mąą mɛ̨nį ɓa, a ɲələi yá too la.

Danîa 11:12

Ɲeetɛɛmaai tii ɉɛɠɛɛ pələ tɔɔmun a gɛ, a gbɔwɔ ŋąą kɛnɛ̨ yili hu. Kɛlaa, pələ ma a kɔ́kuláá kpulu tamąą paa la, ya hvəi pai yeetɛɛmąą kɛi.

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»