Izikiɛ 28:16 - Yálá laawoo hɛɓɛ (dc)

¹⁶ Ə́ wɔ yɔw hu kɛnɛ̨ pələ, ə́ laa ə hvɛɛ a hulu mɛ̨nį, ə́ nɛ̨ŋɛ̨n ɉəɠə. Yili mąą mɛ̨nį ɓa, gáá ka kpolowaɠaa ka tɔɔi, gɛ́ ə́ kpɛ Yálá nwɔ yeei nwuɔ̨, nuą mąąkpɛ malaka kaa ə́ kpɛi, ə́ kulɔ nwɔ̨n nənŋaa lɔwai.

Yálá laawoo hɛɓɛ

¹⁶ Ə́ wɔ yɔw hu kɛnɛ̨ pələ, ə́ laa ə hvɛɛ a hulu mɛ̨nį, ə́ nɛ̨ŋɛ̨n ɉəɠə. Yili mąą mɛ̨nį ɓa, gáá ka kpolowaɠaa ka tɔɔi, gɛ́ ə́ kpɛ Yálá nwɔ yeei nwuɔ̨, nuą mąąkpɛ malaka kaa ə́ kpɛi, ə́ kulɔ nwɔ̨n nənŋaa lɔwai.

Bible

¹⁶ Tãi íkɛ̀ pɔni tɔɔ̂i lai, ípɛ̀lɛ ŋwana-lɔɔ tùa da sɔnyɔ̂ŋ kɛ́ɛ ma. M̀ɛni ma, ŋá gɛ̀ í kúla ŋá yée maa-waai ma. Nya ƃe ŋ̀âla-taa kooŋ-sɛŋ nyii kɛ̀ ímɛi kâai è í kpɛ̀ é í kúla gɔni fóloɔɔi mɛi í kɛ̀ tɔɔ̂ni m̀ɛi.

Izikiɛ 28:16 ပူးပေါင်းရင်းမြစ်များ

Zɛnɛse 3:24

Ɓɛlɔwai kɛa Yálá ə nu kpɛ la Edɛn ɲɛa, Ə nɛɛ mą ə, mąąkpɛ malakaɠaa tɔɔ bələ nwun na, ɓɔwa kwɛa yɛ ɓo di yəi, yɛ nwɔ̨n, diɛ ɲɛnɛ̨ɛ̨ kɛ wului tii mąąkpɛ la.

Zɛnɛse 6:11

Kɛlaa, Yálá ɲɛ̨i ɓa, yɛnɛ̨ɛ̨ nąą kəlee kalai kɛ a mɛ̨nį ɲɔ̨n, da nwąnąlɔɔ mɛ̨nį lɔ ɓə kɛ lɔi mɛ̨i nąą kəlee.

Azaya 22:19

Gáá pai ə́ kpɛi ə́ wɔ kolói hu, ŋį́ ə́ tɔɔi kulɔi ə́ yəi.

Azaya 23:9

Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Izikiɛ 28:14

Ə́ kɛ a mąąkpɛ malaka, yɛ́ lən; ŋą́ ə́ kɛ a nuą mąąkpɛ mun, ə́ kɛ Yálá nwɔ yéé mąąhəɠɛɛ nwuɔ̨, yɛ́ li, yɛ́ pa nwɔ̨n nən ɉąą.

Izikiɛ 8:17

Yɛ mą́ą́: «Hulɔnu lon, yáá nąą kaa? Mowo túwɔ́i Ɉuda nwɔ pɛlɛ́i mu nuą kaa moi ɓɛ, yili hva mɔ̨ɔ̨ di lii hon? Daa nɔi laahvɛɛ a wɛa mɛ̨nį; diɛ nwɔ̨nɔ̨ nwą́ną́lɔ; ə́ kaa di kaai diɛ nwulu ɓəɠən nɛɠɛ di hunwɔ̨ ɓa?

Osia 12:7

Ə́ wɛi, pənə ə́ pa ə́ wɔ Yálái pɔ, ə́ yee kanąn tɛ̨ą mɛ̨nį ɓa, da kwəi kwələ laa, ə́ kilitɔɔ lɔ Yálá ɓa yələ kəlee.

Amɔsə 3:9

Ka noloi ŋɛ̨i ɓo Asdɔdə lɔi dɔɔ kwəliɠaa hu, ka mo Eziptə lɔi dɔɔ kwəliɠaa hu, kaa mą: «Ka ka ɲąą kpɔn Samari taa nwɔ yeeɠaai ɓa, ka daa tii nwɔ kɛɛ kalaaɠaa mɛ̨i kaa, da nwɔ toomɛ̨i kɛɛ.»

Abdiasə 1:3

Ə́ wɔ huɲąŋą kɛnɛ̨ lalan bilɛɛ aa ə́ ɓowo, yɛ́i ə́ mąą tinɛ̨n ŋąą a kwɛni hįį, nu ta yee hvaa tɛɛ laa yɛ́. Ə́ heɛ mɔ̨ɔ̨ tii laa, ya kɛ kɛi ə́ kpɔwɔ ɓa: «Gbɛɛ ɓə pai gúlɔi ɓɛ?»

Mise 2:10

'Ka ka muhəɠə ka həɠə ɓɛ, hvįįtɔɔ yələ hvəi kɛa. Ə́ túwɔ́ pələ ɲɔ̨nwɔ̨i moɔ̨i, ə́ hukala pələ ɓə yá gwɛli. Ə́ hu kaa pai kalai, ə lɔ kpɔ yɛ́ hɔ̨ɔ̨.

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.

Mise 6:12

Daai ŋɛ̨i hu hɛn gɔw nąmįną kaa lɔ wea mɛ̨nįɠaa hu, ɉu nuą diɛ mɛ̨nį ɓo a nu ɓowo pələ.

Habakukə 2:17

Mɛ̨nį ɲąą nwąnąąi tii laa Liban ɓa, ɲɔ̨nwɔ̨mąn gaa pai ka nwun mɛ̨i pui. Gɛɛ kala huwɔɠaa kəlee hu kala pələ kaa pai ka mąąkpɛlin ɉi. Ɲąmąi ka bu da nwąnąlɔ tuwɔi ka mo nɔi hu, daaɠaa hu da ɉu nukanŋąą diɛ, mąą mɛ̨nį ɓa.

Habakukə 2:8

Kaa nuą tamąą mąą kpoloon, yaan nu huwu takpɛliɠaa kaa pai ka mąą kpoloon ɉi. Nu ɲąmąi tii ka bu, ɛlɛɛ, nwąnąlɔ túwɔ́ tii ka mo a lɔiɠaa laa, taaɠaa laa, da di hu nuą mąą mɛ̨nį ɓa.

Sofoni 1:9

Ɲələi tii, nuąi da tɛɛ bɛlɛ́ laaləi, nuąi da di nąmu nwɔ pɛlɛ́i laa hvɛɛ a nwąnąlɔɔ mɛ̨nį, da nwuɔ̨ mɛ̨nį, ŋą ɲéé pɛlɛ gəlee diɛ.

Ɉaan 2:16

Ə mo tonwələn nɔwɔtɔɔ nuą diɛ yɛ diɛ: «Ka ɉɛnŋąą ŋɛ̨i kəlee kulɔ ɓɛ, ka hvo na nwɔ pɛlɛ́i kɛ a yɔw kɛ pɛlɛ.»

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.