Izikiɛ 28:12 - Yálá laawoo hɛɓɛ (dc)

¹² «Nu lon ɉulɔn, gɔwɔ tɔɔ, yɛ́ wɔlɔ Tirə tɔɔmun mɛ̨i, 'kɛ mą, Mɛ̨nį kəlee ŋą Hééɓomun Yálá woo ka; yɛ: Yɛ́ ɓə di kɛi lɛlɛ kəlee kɔɔn ɲɛ́, ə́ kili kɛnɛ̨, ə́ lɛlɛɛ pələ, mąą kulɔi hvo mą.

Yálá laawoo hɛɓɛ

¹² «Nu lon ɉulɔn, gɔwɔ tɔɔ, yɛ́ wɔlɔ Tirə tɔɔmun mɛ̨i, 'kɛ mą, Mɛ̨nį kəlee ŋą Hééɓomun Yálá woo ka; yɛ: Yɛ́ ɓə di kɛi lɛlɛ kəlee kɔɔn ɲɛ́, ə́ kili kɛnɛ̨, ə́ lɛlɛɛ pələ, mąą kulɔi hvo mą.

Bible

¹² “Núu-kpune ǹóŋ, ye zamaŋ wule too m̀ɛni kpɔ̂lui pâi kɛ̂i a Taya Kaloŋ m̀aa mɛ̂ni ma. Mó mà ńyãai a Ŋ̀wála-wâla kélee Yâwɛɛi ŋa môi, Yá ƃé wɔ́lɔ kɛ̀ a teniŋ ƃô laa ŋɔkɔɔŋ maa. Íkɛ̀ a ítareɛɛ, ílɛlɛɛ.

Izikiɛ 28:12 ပူးပေါင်းရင်းမြစ်များ

Zɛnɛse 3:5

Kɛlaa, Yálá kili kaa ɉu, yɛ diɛ: Yələi ka da mį́i la, ka mɛ̨nį kəlee mąąkpɛɛ a nɛlɛɛ, ɛlɛɛ, ka kɛ yɛ yaa, kaa pɛli mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔ nɔwai kɔ́lɔn ɉi.»

Kɔlɔnikɔ Veerɛi 35:25

Ɉeremi ə wələ ta pɛli, ə doo Ɉosiasə mɛ̨i. Nwələ too hinąą da nwələ too nɛ̨ąą di Ɉosiasə laa too a wələ di wɔɔ wələ woo hu, háá ɓaa háá, yili ə lɔ Israɛlə nuą yii pələ hu. Di nwələɠaa tii too mąąwɛli wələɠaa lɔwai.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Azaya 10:13

«Mąąhɔlɔɓo, gaa moi gwəi pələ, yɛ kɛ: ‹Ɲéé nwɔ huwalawala ɓə gɛ, gɛ́ mɛ̨nįi ŋɛ̨i kɛ, da nwɔ́ kili kɛ ɲəi laa, mąąhɔlɔɓo, nwún gaa ɉu; ŋą́ą́ nuą di wɔ lɔiɠaai ɲɛn mɛ̨nį pili ɉu, ŋą́ą́ di kwɛlin gulɔ di yəi, ŋą́ą́ tɔɔɓɛlaa kulɔ di wɔ tɔɔ kpəlinŋaa hu.

Azaya 14:4

ya nwələi ŋɛ̨i too a Babilonə tɔɔmun naa, yɛ kɛ mą: Nuą mɔ̨nɔ̨ ɓomun tii nwɔ yɛnɛ̨ɛ̨ laa ə kulɔ pələ kɛ ləi yoo? Nwɔ ɲɛ̨itɛlaai ə kulɔ pələ kɛ ləi ɲəi yoo?

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Izikiɛ 19:1

Yɛ́ ɓə, gɔwɔ tɔɔ yɛ́ wɔlɔ Israɛlə lɔi ɲɛ̨i tɔwɔ nuą mɛ̨i, yɛ diɛ:

Izikiɛ 19:14

Kɛlaa, nwɔ̨n ə kulɔ nwonwo lon ɉu, ə nwonwoɠaa da maɠaa kəlee kələn. Viɲə kpɔmɔi tii nwonwo ta hvo kɛa laa a ɉuwala walaa, yɛ pɛli kɛi a tɔɔ tunwɔ̨n. Wɔlɔ woo li, da doo a wɔlɔ wələ.

Izikiɛ 26:17

Di kaa pai kɛi wɔlɔi ə́ mɛ̨i, diɛ kɛ diɛ: Ə́ kulɔ pələ kɛ ləi yɛnɛ̨ɛ̨ lɔiɠaa lɔwai, gboloyá ɲą taa? Daa laa tɛɛi ti, yai da ɉu nuą di hvąŋą kɛnɛ̨ɛ kɛ gboloyá ɲą; a daa ti di kɛi ɲɔw mą kɛɛnąą kəlee.

Izikiɛ 27:32

Di kaa pai mąąwɛli wələ tooi ə́ mɛ̨i, di wɔ mɔ̨nɔ̨i hu, di wɔlɔ woo kaa a wələ, diɛ kɛ diɛ; gbɛɛ ɓə kɛ yɛ: Tirə! A gboloyá hu taa huwala walaai?

Izikiɛ 28:11

Yai-laa woo ə həli mą́ą́, yɛ mą́ą́:

Izikiɛ 28:15

Ə həɠə ə́ pɛli yələ ɓa, ə́ túwɔ pələ lɛlɛɛi kɛ, mąą kulɔi hvo kɛ mą; əlɛɛ ɉu, ɲələi di ə́ ɲɔ̨n ɉii kaa la, ɲələ ə həli.

Izikiɛ 32:16

Haa mɛ̨i wələ li, yai lɔiɠaa hu nɛ̨ɛ̨lɛa kaa pai kɛi dooi, diɛ doo Eziptə da nwɔ nu kpulu kɛnɛ̨ɛi di mɛ̨i. Mɛ̨nį kəlee ŋą Hééɓomun Yálá woo li.

Izikiɛ 32:2

Hulɔnu lon, gɔwɔ tɔɔ yɛ́ haa mɛ̨i wələ too, Eziptə tɔɔmun Faraɔn mɛ̨i; yɛ́ kɛ diɛ: «Ə́ kɛ yɛ lɔiɠaa di wɔ yala lon, ə́ kɛ yɛ hvalə kɛnɛ̨ gboloyá hu, ə́ kɛi yáɠaa pili yələi; yɛ́ yá kɛ tukpu tukpu a ə́ kɔ́wɔɠaa, yɛ́ tɛɛ ya kpɛa kpɛa kala.

Izikiɛ 43:10

Ɛlɛɛ, yɛ́ hulɔnu lon, Yálá hee pɛlɛ́i ŋɛ̨i kiliin Israɛlə nwɔ pɛlɛ́i ɓa, ə gɛ, di nwumɛ̨ mɛ̨nįɠaai di gɛ, hvo pɛli li ɉu mąą mɛ̨nį ɓa; di gɛ pələ kɔ́ɔn.

Zakari 9:2

Ə mą kɛ, Hamatə, yai gaa Damasə kwɛlɛ, da Tirə, da Sidɔn, a gilimąą taaɠaai tii.

Lukə 2:40

Nokoloi tii ə kɛi kɛnɛ̨, kili yɛ ɓo mą kpɔ kɛnɛ̨, ɛlɛɛ, ɉu yɛ walawala, Yálá nwɔ mɛ̨inɛ̨ɛ̨ yɛ ɓo mɛ̨i.

Gɛlaɠaa 6:3

Yili ɓa, Nán nonnii, ka nu mɛ̨ihveelɛ həɠə ka lɔwai a nuąi Kili-Mąąhəɠɛɛ kaa di yəi, mɛ̨nį hukpɛ kili ə ɓo diɛ, ə gɛ, ku gɔ̨nɔ̨n ŋąąkwɛlɛ kolói ŋɛ̨i tɛɛ di pɔ.

Lomaŋ 15:28

Ɓɛlɔwai kwá hɛnŋąą ti kulɔ la, ŋą́ li ŋą́ naa həli diɛ. Ŋą́ kɛli kɛa li Ɛspaɲə, ŋą́ tɛɛ ká pɔɔli pələ.

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Korɛntə veelɛ 1:22

ya ɓə gɔlɔn ɉii kɛ guɔ, diɛ pɛli gu kɔlɔn ɉii la a nwɔ nuą; yɛ gu lii laahvɛɛ a nwɔ Kilii, a mɛ̨inɛ̨ɛ̨ tɔlɔɔ.

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Kolosə 2:3

A yai, kili mɛ̨nį da mɛ̨nį kɔlɔŋąą ŋą hɛngɔw kəlee kaa ɉu.