Izikiɛ 27:16 - Yálá laawoo hɛɓɛ (dc)

¹⁶ Ɉɛn damąąi ə́ kɛi bɛli, ya ɓə Aramə ə kɛi ɲa ə́ yəi, nɔwɔ tiɛ̨i di kɛi paa la ə́ pɔ, ya ɓaa; kúwɔ́-kwɛni kpɔliɔ, həɠə ɓɛla kpɔluɔ, həɠə ɓɛla mąąpuɔ, həɠə ɓɛla kwəlɛɛ pə-pə da kúwɔ́-kwɛni huwu tamąą.

Yálá laawoo hɛɓɛ

¹⁶ Ɉɛn damąąi ə́ kɛi bɛli, ya ɓə Aramə ə kɛi ɲa ə́ yəi, nɔwɔ tiɛ̨i di kɛi paa la ə́ pɔ, ya ɓaa; kúwɔ́-kwɛni kpɔliɔ, həɠə ɓɛla kpɔluɔ, həɠə ɓɛla mąąpuɔ, həɠə ɓɛla kwəlɛɛ pə-pə da kúwɔ́-kwɛni huwu tamąą.

Bible

¹⁶ Ǹûai kùla Siriai, dí kápɔni-sãai da ká sãâi dámaa yà. Díka pɔni-sãai maa fâleŋ a kɔni-sɔ̃ɔ kpanaŋɔɔ-ŋa, seɣe kpɔ̂lu mu tɛiɣiɛɛ, seɣe palaa, seɣe nɛnɛ-fɛfɛ, é pɛ́lɛ kɔni sɔ̃ɔ kpanaŋɔɔ nyii da kɛ̂ ma ɛmɔlɔɔ.

Izikiɛ 27:16 ပူးပေါင်းရင်းမြစ်များ

Zɛnɛse 10:22

Sɛmə lon ɉinąą laa ka: Elamə, Asurə, Arfasadə, Ludə da Aramə.

Zɛnɛse 28:5

Yili pulu, Isaakə ə Ɉakɔbə tɔɔ bələi, yɛ li Aramə galá Laban pɔɔli, Aramə mun Betuɛlə lon, yai a Ɉakɔbə da Esau di lee Rebeka mąąhulɔnu.

Samia Veerɛi 10:6

Amɔn nuą di gaa diɛ daa túwɔ́ pələ ɲɔ̨n gulɔ a Davidə. Di nɛɛ mą di nuą tɔɔ Bɛtə-Rehɔvə, di Aramə nuą da Sova Aramə nuą yá, di kɛ a di wɔɔ kɔ́kulááɠaa, nu waa pow hveelɛ ɲɔ̨nwɔ̨mąn. Maaka tɔɔmun ə nu waa tɔ̨nɔ̨ tɛɛ, Tɔvə nuą nu waa pow kɔ́w hveelɛ.

Samia Veerɛi 15:8

Mąąhɔlɔɓo, ɓɛlɔwai ə́ wɔɔ tímun ə kɛ la Gesurə daai Aramə lɔi hu, ŋą́ nwóó kwɛlɛ Yai-Laa ɓa, gɛ́ diɛ: ‹Akɛ Yai-Laa a pənə a li a ɲą́ą́ Ɉerusalɛmə daai, ŋą́ haláá kulɔ Yai-Laa ɓa.›»

Samia Veerɛi 8:5

Aramə nuą, diɛi kɛ heeni Damasə daai, di pa diɛ kɛ di kpɔmąą tɛɛ Sova tɔɔmun Hadadɛzɛrə pɔ. Kɛlaa Davidə ə nu waa pow hveelɛ kɔ́w hveelɛ paa Aramə nuą lɔwai.

Izikiɛ 16:10

Ŋą́ həɠə mąąpuɔɠaa tɛɛ ə́ pɔ, da nu kɔ́wɔɲą kɔ́lɔ huwu lɛlɛɠaa, da hɛ̨ą yili kɔ́lɔ kwəlɛɛ pə-pə; ŋį́ həɠə ɲɛ̨i tɔɔɠaa kɛ yɛ́.

Izikiɛ 16:13

Ə́ mąą yili hɛnŋąąi tii di kɛ a hɛni da wali; ə́ mąąyili həɠəɠaa di ɓo a həɠə ɓɛla huwu lɛlɛɛɠaa, gwəlɛɛ pə-pə, a həɠə ɓɛla hɔ̨nwɔ̨ kpɛa kpɛa, di mąą puɔ. Kɔ̨nɔ̨n ɉu yɛɠɛɛ ɓə ə́ kɛi mįi, da kwɛ́in nwulɔ, da wulɔ; ə́ lɛlɛ kpɔ kɛa a gɔn bulu pələ. Ə́ həli tɔɔlaa ɓa.

Izikiɛ 16:18

Ə́ ə́ mąąhəɠəɠaa mąąpuɔ həɠə yɛ́ gɛ diɛ; yɛ́ nwɔ́ wulɔi da nwɔ́ lansan hee di lííla.

Izikiɛ 16:57

ə́ wɔ kili ɲɔ̨nwɔ̨ɔ̨ hvo ni kɛ kulɔ li pɔ̨nɔ̨ ŋą? Ə́ wɛi nąąlɔwai aa həli. Aramə nɛ̨ɛ̨lɛa diɛ di laa pu ə́ hu, da ə́ kwɛlɛ nɛ̨ąą kəlee, da Filisti nɛ̨ɛ̨lɛai tii ə́ kwɛlɛ diɛ tɛɛ ɓo ə́ hu.

Izikiɛ 28:13

Ə́ kɛ Edɛn Yálá nwɔ kɛɛnąą lɛlɛɛi, ə́ mąątínɛ̨n ŋąąi kɛ a kúwɔ́-kwɛni huwui lɔpee, da hɛni.

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.