Izikiɛ 27:12 - Yálá laawoo hɛɓɛ (dc)

¹² Ka Tarsisə ka kɛi lɔwɔ tiɛ̨ huwu tamąą kpɛa kpɛa mąąhvalin, nɔwɔ tiɛ̨ yii di kɛi paa la ə́ pɔ, ya ɓaa; wali, kwɛli, howa kwɛli gbąnąą kɔ́w pɛli kwɛli.

Yálá laawoo hɛɓɛ

¹² Ka Tarsisə ka kɛi lɔwɔ tiɛ̨ huwu tamąą kpɛa kpɛa mąąhvalin, nɔwɔ tiɛ̨ yii di kɛi paa la ə́ pɔ, ya ɓaa; wali, kwɛli, howa kwɛli gbąnąą kɔ́w pɛli kwɛli.

Bible

¹² “ ‘Ka Sipîŋ ká pɔni tɔ̂ɔ é tɔɔ-sãa kɛ́ɛ yɛ̂ɛ káne, kɔli, pâne-kalaŋ da fomâ maa fâleŋ a dípɔni-sãai.

Izikiɛ 27:12 ပူးပေါင်းရင်းမြစ်များ

Zɛnɛse 10:4

Yavan lonnii laa ka: Elisa, Tarsisə, Kitimə da Rodanimə.

Tɔɔɓɛlaa dɔlɔɔ 10:22

Tarsisə kələnŋąą di kɛ tɔɔmun ɲəi gboloyá ŋą, diɛ hiɛ kulɔ da Hiramə nwɛiɠaai, ɛlɛɛ, kwɛlan ɉaaɓa tɛɛ pələ tɛitɛi kəlee, gələnŋąą tii di kɛi pa di laahvɛɛ a hɛniɠaa, da wali, da hə́lə́ ɲin, kwalaɠaa, da nwɛ̨nį huwu lɛlɛɛɠaa diɛ kɛ di laa ɓaa: Paon.

Tɔɔɓɛlaa dɔlɔɔ 22:48

Tɔɔmun hvo kɛ heeni Edɔmə lɔi hu, kɛlaa, ə ɲɛ̨ikɔw ta hee laa.

Kɔlɔnikɔ Veerɛi 9:21

Gbalai tɔɔ, kələnŋąą di kɛ tɔɔmun ɲəi, di kɛi li Tarsisə da Hiramə nwɔ nuą, ɛlɛɛ, kwɛlan ɉaaɓa haaɓa, Tarsisə kələnŋąą di kɛi pa a hɛni, wali, hə́lə ɲin, kwala da nwɛ̨niɠaa.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Azaya 2:16

A həli, Tarsisə nwɔ ya ŋą kələn gbɛa-kpɛa diɛ, da ya ŋą kələn nɛlɛɛɠaa.

Azaya 23:10

Tarsisə nɛ̨ɛ̨gbɛla, yɛ́ lɔi dɔlɔ kulɔ, a ɲəi kwɛaa, yɛ bələi Nilə kaa la, mąąhɔlɔɓo, yá ɲą kələnŋaa tɔɔi hvo kɛa laa.

Azaya 23:14

'Ka gboo təli! Tarsisə yá ŋą kələnŋąą, mąąhɔlɔɓo, daa ka wɔ kɔtaa wolo.

Azaya 23:6

'Ka gboloyá teen, ka həli Tarsisə; 'ka gboo təli, gboloyá hɛ̨ąi lɔi hu nuą.

Azaya 60:9

Mąąhɔlɔɓo, gboloyá hɛ̨ąi lɔiɠaa kaa di ɲɛ̨i hąŋąn bɔ́ pələ, Tarsisə kələnŋąą ɓə di ɲɛ̨itɔwɔ, di kaa həɠəi a nonnii kwɛala, diɛ pa a diɛ, da di wɔ waliɠaa, ɛlɛɛ di wɔ hɛniɠaa. Yai-Laa, ə́ wɔ Yálái mąąwiɛ mɛ̨nį ɓa. Israɛlə nwɔ Mąąhəɠəmun mąą mɛ̨nį ɓa, yai mąąwiɛ kɛ yɛ́.

Ɉeremi 10:9

Ɉaliɠaa tii da di mąą tí a wali kwɛli ya yii da həɠə la Tarsisə da hɛni ya, yii da ɉəɠə Ufazə yɛlɛ nuą ɓə da bɛli, da kwɛli yɔw nuą. Diɛ di mąą yili a həɠə kpɔlu, a wala kɛ tii pala həɠə. Ɉaliɠaa tii kaa lɔ a yɛlɛ nuą kɛ kóló.

Izikiɛ 27:11

Arvadə lonnii di kɛ ə́ kwɛlɛ nąą kəlee, ə́ mąąkpɛ hį́iɠaa mɛ̨i da ə́ wɔ kɔ́kulááɠaa. Gamadə nuą di ɓo ə́ mąąkpɛ pɛlɛ́ɠaa mu, di kɛi di mąąkɔ̨nwɔ̨ kwɛli hɛnŋaa hɛlɛn ə́ wɔ hį́i ɓa. Diɛ ə́ lɛlɛ yee ta pɛlɛ mą.

Izikiɛ 27:13

Ə mą kɛ Yavan, Tubalə da Mɛsɛkə, ka diɛni ka kɛi yɔw kɛ; di wɔ lɔwɔ tiɛ̨ ɓaa kɛ a luwɔ, da ɓala kwɛli.

Izikiɛ 27:16

Ɉɛn damąąi ə́ kɛi bɛli, ya ɓə Aramə ə kɛi ɲa ə́ yəi, nɔwɔ tiɛ̨i di kɛi paa la ə́ pɔ, ya ɓaa; kúwɔ́-kwɛni kpɔliɔ, həɠə ɓɛla kpɔluɔ, həɠə ɓɛla mąąpuɔ, həɠə ɓɛla kwəlɛɛ pə-pə da kúwɔ́-kwɛni huwu tamąą.

Izikiɛ 27:18

Ɉɛn ɉuwu tamąąi ə́ kɛli di pɛli, Damasə ə kɛi mɔlɔmun ɲa ə́ yəi; ə kɛi ɲa ə́ yəi a Hɛlbɔn lɔɔ da Saharə yeehvunwɔ̨.

Izikiɛ 27:33

Lii ə́ kɛi mo a ə́ wɔ lɔwɔ tiɛ̨ɠaai gboloyá ɲa, ə́ lɔi tamąą pilɛ, ə́ yɛnɛ̨ɛ̨ tɔɔɓɛlaa kɛ a hɛn gɔw nąmįną, ə́ yəi hɛnŋaa da ə́ wɔ lɔwɔ tiɛ̨ɠaai tamą pələ ɓa.

Izikiɛ 28:16

Ə́ wɔ yɔw hu kɛnɛ̨ pələ, ə́ laa ə hvɛɛ a hulu mɛ̨nį, ə́ nɛ̨ŋɛ̨n ɉəɠə. Yili mąą mɛ̨nį ɓa, gáá ka kpolowaɠaa ka tɔɔi, gɛ́ ə́ kpɛ Yálá nwɔ yeei nwuɔ̨, nuą mąąkpɛ malaka kaa ə́ kpɛi, ə́ kulɔ nwɔ̨n nənŋaa lɔwai.

Izikiɛ 28:5

Ə́ kili ɲą laai yɔw kɛi, yáá ə́ yəi hɛn gɔw hu kɛnɛ̨, ɛlɛɛ, hɛn gɛnɛ̨ pələ ə́ yəi, yáá ə́ nwun dɛ.

Izikiɛ 38:13

Saba, da Dedan, Tarsisə yɔw kɛ nuą, da ŋą yala lonnii kəlee, di kaa pai kɛi yɛ́: Ə́ pa lɔ kɔ-hon ɉon mɛ̨nį ɓa? Ɛ̨i, too mɛ̨i kɛ mɛ̨nį ɓə ə́ yɛ́ nu kpului ɲąą kpɔn na, wali da hɛni kulɔ mɛ̨nį ɓa nuą yəi? Taatɛlɛɛ da hɛngɔwɠaa həɠə mɛ̨nį ɓə? Kɔ́-hon gɛnɛ̨ həɠə mɛ̨nį ɓə?

Zôna 1:3

Ɉonasə ə pu, ə tɛɛ yɛ li Tarsisə daai pələ, ə gɛ, ə now Yai-Laa ɓa. Ɉonasə ə li Ɉafa daai, ə kələn da kaa laa gɛ pələ pɛliɛ kɛa yɛ li Tarsisə daai pələ. Ɉonasə ə gələn ɉala tɛɛ, ə tɛ diɛ li, ə gɛ ə now Yai-Laa ɓa.

M̀ɛni-lɛɛi 18:12

hɛni kalayɔwɔ, wali-kwɛli, ɛlɛɛ, da kúwɔ-kwɛnį lɛlɛɛɠaa, həɠəɠaa, ɛlɛɛ, nįnį-kɔlɔ həɠəɠaa, həɠə lalaaɠaa a kpɔluɔ gbələtətə, wulu mąą mɛ̨nį nwąnąąɠaa, ɉɛnŋaai a hə́lə́ ɲįn, wulu mąą haɠaa lɛlɛɛɠaa, ɓála-kwɛli hɛnŋaa, kwɛli kpəleeɠaa, da kawulu hɛnŋaa,