Izikiɛ 26:6 - Yálá laawoo hɛɓɛ (dc)

⁶ Nonnii ti ɲɛɛ kɔ́wɔɠaa hu, kɔ́ kɔ́ ɓɔwa ɓə pai di paai. Bələ ɓə nuą da gili kɔ́lɔn na, diɛ kɛ Yai-Laa ɓaa a ɲą́ą́.

Yálá laawoo hɛɓɛ

⁶ Nonnii ti ɲɛɛ kɔ́wɔɠaa hu, kɔ́ kɔ́ ɓɔwa ɓə pai di paai. Bələ ɓə nuą da gili kɔ́lɔn na, diɛ kɛ Yai-Laa ɓaa a ɲą́ą́.

Bible

⁶ Da pâi díkelee dí paâi a ƃóa-sɔkpɔ-ŋa dítaa-lee-ŋai su ziŋ-ŋa. Gɛ̀ ní, Taya a pâi gɔlɔnîi a gɛɛ ńyãa ƃa Yâwɛɛ.”

Izikiɛ 26:6 ပူးပေါင်းရင်းမြစ်များ

Ɉeremi 49:2

Yili mąą mɛ̨nį ɓa, Yai-Laa yɛ diɛ: «Hvolóɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Izikiɛ 16:46

Ə́ liɛ nɛ̨ɛ̨nu ɓaa a Samari, gaa hee ni ə́ kɔ́ɓɛyee hu pələ; ə ləɠə nɛ̨ɛ̨nu ɓaa Sodomə, gaa ə́ ɓa-mįi-yee hu pələ, da non nɛ̨ąą.

Izikiɛ 16:48

A tɛ̨ą, Mɛ̨nį kəlee ŋą Hééɓomun Yálá ɓə moi yɛ: Ə́ ləɠə nɛ̨ɛ̨nu Sodomə da nonnii nɛ̨ąą di yee hvo kpɛli həli ka ə́ lonnii ka wɛi pɔ.

Izikiɛ 16:53

Gáá pai di wɔ yɛnɛ̨ɛ̨ dɔwɔ pələ mąąhvalin ɉii, Sodomə da non nɛ̨ąą di wɔ yɛnɛ̨ɛ̨ dɔwɔ pələ. Samari da non nɛ̨ąą di wɔ yɛnɛ̨ɛ̨ dɔwɔ pələ; ə mą kɛ yɛ́ kpɛli, mɛ̨nįi ɉeɛ ə́ tɔwɔ di lɔwai, gáá pai mąąhvɛn ɉii.

Izikiɛ 25:11

Ŋą́ Moabə kiti tee, diɛ pɛli gili kɔ́lɔn ɉii tii, diɛ kɛ ɲą́ą́ ɓə gáá a Yai-Laa.

Izikiɛ 25:14

Ɲą́ą́ gbínii ɓə nwą́ną kulɔi Edɔmə ɓa, a nwɔ́ lɔi Israɛlə yee. Di ka pai Edɔmə hon ɉii, yɛ bələi nwɔ liiholi da nwɔ lii ɲanwana kaa la bɔ; bələ ɓə da nwą́ną kɔ́lɔn na. Mɛ̨nį kəlee ŋą Hééɓomun Yálá woo li.

Izikiɛ 25:17

Gáá nwą́ną kulɔi diɛ a nííɓa, gɛ́ di hutɔɔ a liiholi; bələ ɓə da gili kɔ́lɔn na, diɛ kɛ, ɲą́ą́ Yai-Laa, ɲą́ą́ ka tii nwą́ną kulɔi diɛ.»

Izikiɛ 25:5

Gáá pai Raba kɛi a ɲɔɔmɛ̨ɛ̨ laa mįi, gɛ́ Amɔn lonnii di wɔ lɔi kɛ a taatɛlɛɛ kpulu pɛlɛi. Bələ ɓə ka gili kɔ́lɔn na, kaa kɛ ɲą́ą́ ɓə gáá a Yai-Laa.

Izikiɛ 25:7

Yili mąą mɛ̨nį ɓa, gáá pai hee ə́ mɛ̨i, gáá pai ə́ tɛɛi lɔiɠaa pɔ, diɛ too ə́ hu, gɛ́ ə́ kulɔ lɔiɠaa lɔwai; gáá pai ə́ hukalai, yɛ bələi da lɔi hukala la, gɛ́ ə́ lɛɛ a kpɛli. Bələ ɓə yá gili kɔ́lɔn na, yɛ́ kɛ, ɲą́ą́ ɓə gáá a Yai-Laa.

Izikiɛ 26:8

Gaa pai ə́ lon nɛ̨ąą paai a kɔ́ kɔ́ ɓɔwa ɲɛɛkɔwɔɠaa hu; gaa pai gala tɔɔi yɛ́, yɛ pɔlɔ tiɛ̨ gee mɛ̨i yɛ ə́ mąą tinɛ̨n na; gaa pai mąą kpɛ hɛŋąą tɔɔi tɔ́nwą tɔwɔ.