Izikiɛ 26:2 - Yálá laawoo hɛɓɛ (dc)

² Hulɔnu lon! Tirə ə mɛ̨nį ta ɓo a Ɉerusalɛmə laa, yɛ kɛ diɛ: «Hiiyoo, daa lɔiɠaa di wɔ kpon wolo!» Bílɛ yələ aa həli; daa nɛɛ a lɔi pun.

Yálá laawoo hɛɓɛ

² Hulɔnu lon! Tirə ə mɛ̨nį ta ɓo a Ɉerusalɛmə laa, yɛ kɛ diɛ: «Hiiyoo, daa lɔiɠaa di wɔ kpon wolo!» Bílɛ yələ aa həli; daa nɛɛ a lɔi pun.

Bible

² “Núu-kpune ǹóŋ, Taya-ƃelai da lii-nɛɛ kulâi dîyɛɛi, ‘Zerusâlɛŋ a wólo. Ŋɔsɛŋ-kao tii kɛ́ mɛni-ŋai kélee su a kara. M̀ɛni ma, kú kɛ́-mɛni-ŋai mu a pá siɣêi.’

Izikiɛ 26:2 ပူးပေါင်းရင်းမြစ်များ

Samia Veerɛi 5:11

Hiramə Tirə tɔɔmun, ə nuą tɔɔ Davidə pɔɔli, da kpitili wulu, da pɛlɛ mɛ̨i kɛ nuą, da kwɛni haɠa nuą, pɛlɛ́ tɔɔ mɛ̨nį ɓa. Di pɛlɛ́ tɔɔ Davidə ɓa.

Mąątɛ̨nɛ̨ 35:21

Daa di laaləi kpɛa kpɛaɠaai tii hee mą́ą́, diɛ kɛ diɛ: «Hiyoo! Gaa mą! Gaa mą! Yii lɔ kwaa gaa.»

Mąątɛ̨nɛ̨ 40:15

Nuąi kpɔ di hvilɛn ŋąą búlu, diɛi diɛ di vɛ́ɠɛ nwɔ́ yɛnɛ̨ɛ̨ hu, di ɲɛ̨i ə paa a nwumɛ̨. A nuąi kpɔ dóó mɛ̨nį kaa a di liiɓa!

Mąątɛ̨nɛ̨ 40:16

Nuąi da kɛ kɛi diɛ: «Ə kɛ yɛ!» Mąą nuąi tii kwəi ə pili diɛ a nwumɛ̨.

Mąątɛ̨nɛ̨ 70:3

Nuąi báá pələ kwɛlii, nwumɛ̨ ə di ɲɛ̨i paa; nuąi di kaa bɔ mą́ą́ ə wɛli, də li a di pulu pələ, a ɓɛlɛkpɛɛmąą kɛnɛ̨.

Mąątɛ̨nɛ̨ 83:7

Edɔmə nuą, Ismaɛlə lonnii, Moabə nuą da Hagarə lonnii,

Azaya 62:10

'Ka tɛɛ, 'ka tɛɛ, ka həɠə bɛlɛ́ɠaa laaləi, 'ka həɠə nuą tɛɛ pələ hu. 'Ka pɔlɔ pu bələ mɛ̨i, 'ka pɔlɔ pu laa, 'ka kwɛni pu mɛ̨i, 'ka húú pili nɔi hu nuą diɛ.

Ɉeremi 25:22

Tirə tɔɔɓɛlaa kəlee, da Sidɔn tɔɔɓɛlaa da gboloyá pulu pələ lɔi hutɔɔɓɛlaa kəlee.

Ɉeremi 27:3

ə́ da tɛɛ Edɔmə tɔɔmun da Moabə tɔɔmun ma, Amɔn lonnii di wɔ tɔɔmun, Tirə tɔɔmun, da Sidɔn tɔɔmun; di wɔ kɛlaɠaai tii pa Ɉerusalɛmə, Ɉuda tɔɔmun Sedesiasə pɔ ə́ dɛɛ di pɔ dəli la.

Ɉeremi 47:4

Volói ŋɛ̨i pai, Filisti nuą kəlee ɲąą yii mɛ̨nį ɓa, nu tɛitɛi kəlee da kpɔnmąą tɛɛ Tirə da Sidɔn di pɔ, di paa mɛ̨nį ɓa. Gaa tii, Yai-Laa kaa Filisti nuą kpɛɛi yɛnɛ̨ɛ̨, diɛi di kaa Kaftɔrə dínɉu gboloyá hąmąi di wɔ nu gbəliɠaa.

Ɉeremi 49:1

Mɛ̨nįi Yai-Laa kaa moi yɛ hvilɛn na Amɔn lonnii diɛ, ya ka, yɛ diɛ: «Lon və mɔ̨ɔ̨ Israɛlə ɓa? Gwɛlin ɉəɠə nuą di hvo mɔ̨ɔ̨ laa? Lə mɛ̨nį ɓa kan yaai, Milkomə ə Gadə hɔlɔɓo a nwɔɔ, nwɔ nuą diɛ hee nwɔ taaɠaai hu?»

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Izikiɛ 25:10

Di kaa pai lɛɛi hvóló kulɔi pələ nuą yəi, Amɔn lonnii pɛlɛɛ diɛ; gáá pai nɔi kwɛlɛi, nuą kili hva kpɛli kɛa kɛ ɉu, diɛ kɛ Amɔn lonnii kaa a lɔi.

Izikiɛ 25:6

«Mɛ̨ni kəlee ŋą Hééɓomun Yálá woo ka, yɛ: Ə́ kɛi ə́ yee lɔwa, yɛ́ ə́ kɔ́wɔ kɛlɛ lɔi ɓa, yɛ́ kwəinɛ̨ɛ̨ kulɔ a ə́ lii ɓa, ə́ kɛi tɛɠɛɓo Israɛlə lɔi hu a ə́ lii ɓa, mɛ̨nįɠaai kɛli laa mą, di mąą mɛ̨nį hu.

Izikiɛ 25:8

«Mɛ̨ni kəlee ŋą Hééɓomun Yálá woo ka, yɛ: Moabə da Seirə di kɛ diɛ, Ɉuda nwɔ pɛlɛ́i aa kɛ yɛ lɔi takpɛliɠaa.

Izikiɛ 26:1

Gwɛlan bow gɔw taanɔ̨n nąn, ɲąnin ŋą hvóló toloo, Yai-Laa woo ə həli mą́ą́, yɛ mą́ą́:

Izikiɛ 35:10

«Mąąhɔlɔɓo, ə́ kɛ diɛ; ɉįi hveelɛi ŋɛ̨i, nɔi hveelɛi kaa a nwɔ́ɔ́; ɛlɛɛ, ku kaa pai di həɠəi a ku wɔɔ. Kɛlaa, Yai-Laa ə kɛ laa.

Izikiɛ 36:2

Mɛ̨nį kəlee ŋą Hééɓomun Yálá woo ka; yɛ: Ka yowoɠaa di kɛi kɛ diɛ: ‹Dɔwɔ tɔwɔ yeeɠaai ŋɛ̨i daa lɛɛ a ku wɔɔ.›

Zooɛ 3:4

Hvoló hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Zasua 19:29

Di ɲɛ̨n ə kɛi tɛɛ Rama tənən ma, yɛ həli la Tirə gɔ́ taa kɛnɛ̨ ɓa. Yɛ nwɔ̨nɔ̨ tínɛ̨n yɛ li Hosa pələ, ə hee gboloyá ɓa Mahalɛvə, Akzivə lɔi hu.