Izikiɛ 26:14 - Yálá laawoo hɛɓɛ (dc)

¹⁴ Gáá pai ə́ kɛi yɛ kwɛnii hɛn da hvo mɛ̨i, yɛ́ kɛ a hɔ̨nwɔ̨lee kpɛ-tumɔ̨ kpalai, di hva kɛa pɛ̨nɛ̨, di hvo ə́ tɔɔ; ɲą́ą́, Yai-Laa, Nwóó li. Mɛ̨nį kəlee ŋą Hééɓomun Yálá woo li.

Yálá laawoo hɛɓɛ

¹⁴ Gáá pai ə́ kɛi yɛ kwɛnii hɛn da hvo mɛ̨i, yɛ́ kɛ a hɔ̨nwɔ̨lee kpɛ-tumɔ̨ kpalai, di hva kɛa pɛ̨nɛ̨, di hvo ə́ tɔɔ; ɲą́ą́, Yai-Laa, Nwóó li. Mɛ̨nį kəlee ŋą Hééɓomun Yálá woo li.

Bible

¹⁴ Ŋa pâi ká kɛ̂i a fɛ̃ɛ. Ka pâi kɛ̂i a yá-kpɛ-ƃela dí deyaŋ kpâlai. Káfe ŋɔ́nɔ pâi pɔrîi ǹaa tɔɔ̂i pôlu. Ńyãai a Ŋ̀wála-wâla kélee Yâwɛɛi ńyãa ƃé mò ti.”

Izikiɛ 26:14 ပူးပေါင်းရင်းမြစ်များ

Zôo 12:14

Hɛn Yálá a gala, hva kɛa pənə hvo tɔɔ. Nui a gbulɔn, hva kɛa lɛɛ gbɔwɔ ɓa laa hɔlɔɓo.

Zôo 40:8

Hvo gɔlɔn yɛ́ kiti tee mun mąą ɲą́ą́? Ə́ kaa bɔ ə́ tɛ̨ą tɛɛ ə́ kpɔwɔ pɔ, ə́ gɛ́ a hɔn mąąmun?

Azaya 14:27

Yai-Laa Mɛ̨nį Kəlee ŋą Hééɓomun, a mɛ̨nį mąą kili tee gwəi, gbɛɛ ɓə a pɛli ɉəɠəi mą? A ɲee tɛ yələi, gbɛɛ ɓə a pɛli ɲɛɛi?

Azaya 23:12

Yɛ diɛ: Sidɔn nɛ̨ɛ̨gbɛla, daa hee ə́ mɛ̨i, hvá kɛa kwəinɛ̨ɛ̨ kulɔ. Ə́ muhəɠə, 'li Siprə pələ, ə mą kɛ nąą ɓə, hvó pai hvįįtɔɔ hɔlɔɓoi laa.

Izikiɛ 21:32

Əkə kɛɛ kalaa! Əkə kɛɛ kalaa! Gáá pai nąą kalai ɲɔ̨nwɔ̨man da hvo ta kɛli, ə lɛɛ ɉu nui ŋą́ giti mɛ̨nį tɛɛ bɔ, mąą nu ə pa.»

Izikiɛ 22:14

Ə́ kaa pai mɔ̨ɔ̨ ə́ lii kpələi, ə́ yee kɔ̨nwɔ̨n ɉu kaa pai wala walai; a ɲələi mɛ̨nį kaa pai kulɔi la gwa yɛ́ gu lɔwai? Ɲą́ą́ Yai-Laa, ɲá mo, gɛ́ bɔ mɛ̨nį kɛ.

Izikiɛ 26:12

Di kaa pai ə́ wɔ hɛngɔwɠaai həɠəi a kɔ-hon, diɛ too ə́ wɔ lɔwɔtiɛ́ɠaai hu; diɛ ə́ wɔ pɛlɛ nwąnąɠaai pu, diɛ ə́ wɔ ɲąŋą kulɔ pɛlɛ́ɠaai wolo. Ə́ hu kwɛniɠaa, nwuluɠaa, da nąą munuunŋaa, gaa pai gəlee pui yai.

Izikiɛ 30:12

Gáá pai Nilə kɛi a lɔi hu kpalaa; gɛ́ nɔi lɔwɔ́tɔɔ nu ɲɔ̨nwɔ̨ɔ̨ɠaa diɛ; ŋį́ nɔi hu kala, da ɉu hɛnŋąą, a nwɛąą kɛ mɛ̨nį. Ɲą́ą́, Yai-Laa, nwoo li.

Izikiɛ 47:10

Hɔ̨nwɔ̨leekpɛ-nuą kaa pai kɛi tɔɔni gbonwo ɲa, ə həɠə Ein-Gɛdi, ə həli la Ein-Ɛglaimə ɓa, nąą kaa pai kɛi a hɔ̨nwɔ̨lee kpɛ tumɔɠaa kpalai. Ɉɔwɔlee huwuɠaai pai kɛi laa, di kaa pai lɔ kɛi a di kpulu kɛnɛ̨ɛ, yɛ bələi gboloyá kɛnɛ̨ɛ hu nwɛiɠaai tamąą la.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Izikiɛ 5:15

Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Izikiɛ 5:17

Gáá pai pulu tooi káá, ŋą́ lɔwɔ-huwɔ kpəiɛɠaa ɲąątɔɔ káá, diɛ ka lonnii kulɔ ka yəi; nu paa ɲɔ̨n da ɲąmą di kaa pai həli yɛ́; ɛlɛɛ, gɛ́ kɔ́ kɔ́ ɓɔwa ɲąątɔɔ yɛ́. Ɲą́ą́ Yai-Laa, ɲą́ą́ ɓə mo.

Malasi 1:4

Nuą tii da pɛli di mo, diɛ mą: ‹Daa ku hee taaɠaa wolo kpɛli tii, ku kaa pənəi ku dɔ.› Ɲą́ą́ Yai-Laa Mɛ̨nį Kəlee ŋą Hééɓomun, nwóó li, gɛ́ diɛ: Da pənə da nąą tɔɔi, ŋą́ di kɛ kólo hu kala; ɛlɛɛ, laai da ɉee diɛ, ya ka, da kɛ diɛ: ‹Lɔi mɛ̨nį ɲɔ̨n gaa ɉu›, diɛ nwɔ̨nɔ̨ mą: ‹Lɔi Yálá nwɔ liiholi kaa mɛ̨i a yələ kəlee.›

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Dutɛrɔnome 13:16

mąąnɛ̨ɛ̨ ka daa tii hu nuą kəlee paa a ɓɔwa kwɛa, ka daa tii hu kala da ɉu hɛnŋąą kəlee, ə mą kɛ daatɛlɛɛɠaa, ka gəlee paa a ɓɔwa kwɛaa.