Izikiɛ 24:6 - Yálá laawoo hɛɓɛ (dc)

⁶ Mąąhɔlɔɓo, Mɛ̨nį kəlee ŋą Hééɓomun Yálá yɛ: Ɲąmą pu taa nɛ̨ŋɛ̨n naai, gɛ pələ kaa yɛ kwɛli ləɠi yii ɓɛ̨nɛ̨ aa hee mą, ɛlɛɛ, di hva pɛli gulɔi ma. Ɉuɓo, yɛ́ ɉuwɔ kpuwulu kulɔ ɉu tɛi tɛi, hvo da lɛɛ ɉu, mąąhɔlɔɓo, hu yɛɠɛ hvo ɉu.

Yálá laawoo hɛɓɛ

⁶ Mąąhɔlɔɓo, Mɛ̨nį kəlee ŋą Hééɓomun Yálá yɛ: Ɲąmą pu taa nɛ̨ŋɛ̨n naai, gɛ pələ kaa yɛ kwɛli ləɠi yii ɓɛ̨nɛ̨ aa hee mą, ɛlɛɛ, di hva pɛli gulɔi ma. Ɉuɓo, yɛ́ ɉuwɔ kpuwulu kulɔ ɉu tɛi tɛi, hvo da lɛɛ ɉu, mąąhɔlɔɓo, hu yɛɠɛ hvo ɉu.

Bible

⁶ M̀ɛni ma, Ŋ̀wála-wâla kélee Yâwɛɛi è mò ǹyɛɛi, “Kpalo ƃêlai ǹúu paa taa-leei ŋí ma. Gáa yɛ̂ɛ kpɛ̃ɛ lêɣi nyii maa fé waa nii. Da pâi zua kpua-kpua-ŋai kulâi zu tɛi-tɛi é lɛ́ɛ la zu é kpɛ́ɛ ǹeɣii su nyii va pɔ̂ri gberâi.

Izikiɛ 24:6 ပူးပေါင်းရင်းမြစ်များ

Samia Veerɛi 8:2

Davidə ə Moabə nuą hon a kɔ́; ə di pɛlɛ nɔi ɓa, ə di heei kɛ haaɓa, ə ɉeei hveelɛ paa, ə ɉeei tɔ̨nɔ̨ lɛɛ a vulú. Moabə nuą di lɛɛ Davidə yee mu, diɛ nįįhɔ̨nwɔ̨ kulɔ mą.

Tɔɔɓɛlaa veelɛ 21:16

Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Tɔɔɓɛlaa veelɛ 24:3

Yili kəlee ə kɛ a Yai-Laa nwɔ mɛ̨nį pɛliɛ, ə gɛ, ə Ɉuda lɔi kulɔ ɲɛ̨i mu, a Manase nwɔ nɛ̨ŋɛ̨n ə ɉəɠə nąą pɔɔ.

Tɔɔɓɛlaa veelɛ 24:4

Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.

Ɉeremi 2:22

Ə mą kɛ yáá ə́ waa a kpolon kɔ́w, yɛ haahvinɛ lɔ yɛ́ ɓɔlɔɔ-ɓɔlɔɔ, ə́ wɔ túwɔ́ pələ ɲɔ̨n a lɛɛ lɔ yɛ́ ɲɛ̨i mu. Ɲą́ą́ Hɛn Gəlee Nąmu Yai-Laa nwóó li.

Ɉeremi 6:29

Di kaa vulɔ hvɛɛ kwɛli ɓa, Kɛlaa, kpɛli-kpɛli ka tii di gɛi, gwɛli hu hvo waai,

Izikiɛ 11:11

Daa ŋɛ̨i hvo pai kɛi ka yəi a kwɛli ləɠi, kaan ka ɓo a ɉu huwɔ, kɛlaa gáá pai ka kiti teei ɓɛ Israɛlə lɔi hu.

Izikiɛ 11:3

Da kɛ kɛi diɛ: ‹Pɛlɛ́ tɔɔi lɔwai hvo ni həli li, daa kaa a kwɛli ləɠi, ɛlɛɛ ku ɓo a ɉuwɔ.›

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Izikiɛ 22:2

Hulɔnu lon, ə́ wəli tɔɔ, akɛti, mąą hvo nɛ̨ɛ̨li mɔ̨ɔ̨ kɛ ə́ ɲąmą taai ŋɛ̨i kiti tee, mąąnɛ̨ɛ̨ kpɔ ə́ giti tee; ə́ nwɔ ɓowo mɛ̨nįɠaai kəlee lɛ mą.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Izikiɛ 22:3

'Kɛ diɛ, Mɛ̨nį kəlee ŋą Hééɓomun Yálá woo ka, yɛ: Daai ŋɛ̨i a gwəi lonnii ɲąmą pu, nwɔ yələ aa həli, a haliɠaa pɛli bɔɔli; yili yɛ mąąliɓi.

Izikiɛ 24:3

«Hanwon da hɔɔ gulɔ nwoo mu nu huwui ŋɛ̨i ɓa, 'kɛ diɛ: Mɛ̨nį kəlee ŋą Hééɓomun Yálá woo ka: «Kwɛli ləɠi pɛli, 'bɛli ə́ ya pu ɉu,

Izikiɛ 24:9

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Kpalo ɓɛlaai ɲąmą pu taa ɓa, gáá pai kpaɠa nwɔ̨n ɉeei,

Zooɛ 3:3

Gáá pai kwɛlɛɛn mɛ̨nįɠaa kɛi yələ kwəi, da lɔi mɛ̨i, ə mą kɛ ɲąmą, nwɔ̨n da nwɔ̨n nulu.

Abdiasə 1:11

Ɓɛlɔwai di yowoɠaa di kɛi lɔ la di pɔ daaɠaa hu a kɔ́, ɛlɛɛ, diɛ Ɉerusalɛmə dai hɛngɔw ŋąąkwɛlɛ yɛ pələi da tɔ̨nɔ̨ huwɔ ŋąąkwɛlɛ la, kaa kpɛli mąn, ka gɛ yɛ pələi tii di yowoɠaa di gɛ la.

Zôna 1:7

Gələn ɉiɛ nuą di mo di kee ɓa, diɛ mą: «Ka gu ɲee pulu kaa kɛ, ə gɛ, nui gɛi mɛ̨nįi ŋɛ̨i yɛ həli guɔ, gu kɛ a mąą nu kɔ́lɔn ŋąą.» Di ɲee pulu kaa kɛi, ə too Ɉonasə mɛ̨i.

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Nahumə 3:1

ɲąmą pu taai nɛ̨ŋɛ̨n naai, yai naahvɛɛ a hvulu mɛ̨nį da nwuɔ̨ mɛ̨nį; hva kpəla toomɛ̨i kɛɛ ɓa.

Nahumə 3:10

Yaa kpɛli mɛ̨n, də li la lɔi takpɛli hu, di ɉon, diɛ li la luwɔlaa hu, di nwɔ lon dalaɠaai diɛ kpɛli di nwun nwolo kwəli hɛ̨ąi kəlee ɓa. Di nwɔ kalanɉonŋąą kɔ́ a kpɛɛn; di ɉu nuą kpɛa kpɛa kəlee yili a yɔwɔn.

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Dutɛrɔnome 23:13

Ka kɛɛnąą ta kulɔ gbomoi a ka lɔwɛi kɛi.

Zasua 10:22

Yili pulu, Ɉosue yɛ diɛ ka gwɛni wolo laa ɓo, ka dɔɔɓɛlaa lɔɔlii tii kulɔ gwɛni wolo hu.

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.

M̀ɛni-lɛɛi 18:24

Ɛlɛɛ, ə́ pɔɔli ɓə di Yálá kwəi mɛ̨nį hukulɔ nuą ɲąmą kaa laa, da nu mąąhəɠɛɛɠaa, ɛlɛɛ, da nuąi di di kulɔ a haláá lɔi mɛ̨i, di ɲąmą.