Izikiɛ 24:3 - Yálá laawoo hɛɓɛ (dc)

³ «Hanwon da hɔɔ gulɔ nwoo mu nu huwui ŋɛ̨i ɓa, 'kɛ diɛ: Mɛ̨nį kəlee ŋą Hééɓomun Yálá woo ka: «Kwɛli ləɠi pɛli, 'bɛli ə́ ya pu ɉu,

Yálá laawoo hɛɓɛ

³ «Hanwon da hɔɔ gulɔ nwoo mu nu huwui ŋɛ̨i ɓa, 'kɛ diɛ: Mɛ̨nį kəlee ŋą Hééɓomun Yálá woo ka: «Kwɛli ləɠi pɛli, 'bɛli ə́ ya pu ɉu,

Bible

³ Mó ŋátɔɔ mâ-ƃelai dîa yɛ̂ Ŋ̀wála-wâla kélee Yâwɛɛi ǹyɛɛ ŋá záŋ ŋí sɔ́ɔ kâa: ‘Ka ǹeɣii tɔ́ɔ ŋɔŋ-ŋa, ká yá pú zu.

Izikiɛ 24:3 ပူးပေါင်းရင်းမြစ်များ

Tɔɔɓɛlaa veelɛ 4:38

Elise ə li Gilgalə ɓɛlɔwai pulu toɔ kɛ la nɔi. Yɛ bələi Yálá kwəi mɛ̨nį hukulɔ nuą di wɔ kalan nɛa di kɛ la laa, di kɛ heeni Elise lííla, Elise ə mo nwɔ tímun mą, yɛ mą: «Nəɠi kɛnɛ̨i tii hee nwɔ̨n ɲą, ə́ kɔ̨nɔ̨n ɲili Yálá kwəi mɛ̨nį hukulɔ nuą di wɔ kalan nɛai mąą mɛ̨nį ɓa.

Mąątɛ̨nɛ̨ 78:2

Gáá mɛ̨mi ɓoi yɛ hanwon ɉu, gɛ́ tɔwɔ tɔwɔ mɛ̨nįɠaa ɓɛla hanwon ɉu.

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Azaya 29:2

Gáá pai heei Ariɛlə ɓa, di kaa pai kɛi di woolaai, diɛ ɲiŋɛ̨; gaa pai kɛi ɲə́i a kuláá ta.

Azaya 30:1

Kpalo ɓɛlaai gulɔ nwoo mu nuąi ŋɛ̨i diɛ! Yai-Laa woo li. Da kɛ kóloɠaa kɛi, kɛlaa di hva di kɛ mą́ą́ mɛ̨nį ɓa, diɛ ɓɛlan naa kɛ, ɛlɛɛ nąą wɛli hva kɛ mą́ą́, diɛ nɛ̨ŋɛ̨n diɛ̨ tii gee mɛ̨i.

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Ɉeremi 1:13

Yai-Laa ə pənə nwɔ̨nɔ̨ yɛ mą́ą́: «Lə ɓə nwɔ̨nɔ̨ ə́ kaa gaai tii?» Gɛ́ mą: «Ɉɛn gáá gaai, ya ɓaa kwɛliləɠi, yɛ nɛn, naa tumon ŋąą ɲələi pələ.»

Ɉeremi 1:14

Yai-Laa ə mɛ̨nįi tii hukulɔ mą́ą́, yɛ mą́ą́: «Ɲanwuɔ̨ pələ ɓə mɛ̨nį ɲąąnwąnąą kaa pai həɠəi la yɛ pa laai nɔi lonnii kəlee diɛ.

Izikiɛ 11:11

Daa ŋɛ̨i hvo pai kɛi ka yəi a kwɛli ləɠi, kaan ka ɓo a ɉu huwɔ, kɛlaa gáá pai ka kiti teei ɓɛ Israɛlə lɔi hu.

Izikiɛ 11:3

Da kɛ kɛi diɛ: ‹Pɛlɛ́ tɔɔi lɔwai hvo ni həli li, daa kaa a kwɛli ləɠi, ɛlɛɛ ku ɓo a ɉuwɔ.›

Izikiɛ 11:7

Yili mąą mɛ̨nį ɓa, Ną́mu Yálá woo ka: Nu powaɠaai tii kaa bu daa kwəi, diɛ ɓə di kaa a ɉuwɔ; daa ə ɓo a gwɛli ləɠi. Kɛlaa ka wɛi, gáá pai ka kulɔi laa.

Izikiɛ 12:2

«Hulɔnu lon, ə́ kaa kulɔ nwoo mu nuą lɔwai; ɲɛ̨i kɔ́w kaa diɛ, kɛɛ kaa mɛ̨nį ɓa, kɛlaa di hva kɛɛ kaa; wəli kaa diɛ mɛ̨nį mɛ̨n mɛ̨nį ɓa, kɛlaa di hva mɛ̨nį mɛ̨n; mąąhɔlɔɓo kulɔ nwoo mu nu huwu li.

Izikiɛ 12:25

Ɲą́ą́ Yai-Laa, mɛ̨nį lɔpee ŋą́ nɛɛ kwɛala gɛ́ mo, ɉu hva kɛa kwɛa mąą mɛ̨nįi yɛ kɛ. Ka lɛɛ ni yɛnɛ̨ɛ̨, kulɔ nwoo mu nuą, nwooi ŋɛ̨i ŋą́ mo, gɛ́ gɛ. Mɛ̨nį kəlee ŋą Hééɓomun Yálá woo li.»

Izikiɛ 17:12

Mɛ̨nį ɓo gulɔ nwoo mu nuąi ɲɛ̨i diɛ, kɛ diɛ: Ká hvo mɔ̨ɔ̨ mu kulaa kɔ́lɔn? 'Mo, Babilonə tɔɔmun ə pa Ɉerusalɛmə; ə dɔɔmun ɉon, da nu kpɛa kpɛaɠaa, ə li a diɛ Babilonə, nwɔ lɔi hu.

Izikiɛ 17:2

«Hulɔnu lon, hanwon da hɔɔ a mɛ̨nį kulɔ mąą ta, Israɛlə nuą diɛ:

Izikiɛ 2:2

Gɛɛ bələ ɓoi mą́ą́, hvaŋą ta ə too ɉú, ə ɉáŋá ə dɔ́ɔ́. Nui kɛi bələɓo mą́ą́ ŋą́ nwoo mɛ̨n,

Izikiɛ 2:3

yɛ mą́ą́: «Hulɔnu lon, gáá ə tɔɔi Israɛlə lonnii pɔ, a gulɔ nwoomu nu huwui tii, a nuąi daa tɔɔ ná a kɔ́, diɛ mąn di nąnni mąn, aa lɛɛ ɉu háákələi aa həli.

Izikiɛ 2:5

Nąąlɔwai di di wəli tɔɔ di hvo di wəli tɔɔ, hvo gaai kulɔ nwoomu nu huwu li, da gili kɔ́lɔn diɛ kɛ Yálá kwəi mɛ̨nį hu kulɔmun gaa di lɔwai.

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Izikiɛ 2:8

«Hulɔnu lon, ə́ wəli tɔɔ, mɛ̨nį gáá moi yɛ́ mą, 'hvó kɛ a nui a nwun gulɔ mɛ̨nį mu, yɛ gulɔ nwoo mu nukan ŋɛ̨i, ə́ laa taɠa, ɉɛn gáá dɛɠɛi ə́ pɔ, 'ə́ mįi.»

Izikiɛ 24:6

Mąąhɔlɔɓo, Mɛ̨nį kəlee ŋą Hééɓomun Yálá yɛ: Ɲąmą pu taa nɛ̨ŋɛ̨n naai, gɛ pələ kaa yɛ kwɛli ləɠi yii ɓɛ̨nɛ̨ aa hee mą, ɛlɛɛ, di hva pɛli gulɔi ma. Ɉuɓo, yɛ́ ɉuwɔ kpuwulu kulɔ ɉu tɛi tɛi, hvo da lɛɛ ɉu, mąąhɔlɔɓo, hu yɛɠɛ hvo ɉu.

Izikiɛ 3:9

Gáá ə́ nwun ɉu wala walai yɛ kúwɔ-kwɛni, ŋą́ nwala wala ə tɛɛ kwɛni ɓa; 'hvó ɲɔw diɛ, ə́ mąą hvo kpɛlin di ɲɛ̨i ɓa; kulɔ nwoo mu nuą li.»

Mise 2:4

Mąą yələi, da kaa ka laa too, a yɛlɛ mąą wələ, mɛ̨nįi tii aa gbɛa mun hɔlɔ kɛ, di kaa pai kɛi diɛ: «Daa ku hukala kpɔ tɛ̨ɛ̨ tɛ̨ɛ̨, daa nwɔ́ nuąi kwɛlin gulɔ di yəi, gulɔ mɛ̨nį ɲə́i nwun maa lə? Di kaa ku wɔ tíiɠaai ɲąąkwɛlɛi kulɔ nwoo mu nuą lɔwai.»

Markə 12:12

Ɉaláá laa həli nwun nąmįną, da Farisiɛ̨ɠaa di kɛi Jesus hon gbaɠala kwɛli mą, mąąhɔlɔɓo, di gɔlɔn diɛ diɛ: Jesus ə ɉanwon tii hɔɔ di mąą mɛ̨nį ɓa. Kɛlaa, di kɛi ɲɔ̨w nu kpulu ɓa. Ya ɓə gɛ di nɛɛ laa, diɛ li.

Lukə 8:10

Jesus ə di woo pulu pənə, yɛ diɛ: «Ká wɛi, Yálá-taa tɔɔlaa hu mɛ̨nį loɔɠaa kəlee, ka gɔlɔn. Nuą yiiɠaa tii di wɛi, ŋą mɛ̨nį ɓo diɛ hanwon ɉu, əgɛ, diɛ kɛɛ kaa, kɛlaa, di hva hɛn nɔpee ta mąąkpɛɛ, diɛ mɛ̨nį mɛ̨n, di hva ŋąą kaa.»

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.