Izikiɛ 24:24 - Yálá laawoo hɛɓɛ (dc)

²⁴ Ezekiɛlə aa mɛ̨nįi tii lɛɛ kwɛa la, yɛ nɛ kaa. Mɛ̨nįiɠaai kpɔ ə gɛ, ka káá pai gəlee kɛi. Mɛ̨nįi tii a pa həlii kaa, ka gili kɔ́lɔn nąąlɔwai, kaa kɛ ɲą́ą́ ɓə gáá a Mɛ̨nį kəlee ŋą Hééɓomun Yálá.›

Yálá laawoo hɛɓɛ

²⁴ Ezekiɛlə aa mɛ̨nįi tii lɛɛ kwɛa la, yɛ nɛ kaa. Mɛ̨nįiɠaai kpɔ ə gɛ, ka káá pai gəlee kɛi. Mɛ̨nįi tii a pa həlii kaa, ka gili kɔ́lɔn nąąlɔwai, kaa kɛ ɲą́ą́ ɓə gáá a Mɛ̨nį kəlee ŋą Hééɓomun Yálá.›

Bible

²⁴ M̀ɛni-ŋai nyii kélee Izikiɛ è gɛ̀i káa a ŋɛi-kɛ-maa ká mɛ̂ni ma. Ka pâi m̀ɛni-ŋai è gɛ̀i kélee kpɔ́ da kɛ̂i. Tãi m̀ɛni-ŋai ŋí da pâi kɛ̂i lai, ka pâi gɔlɔnîi a gɛɛ ńyãa ƃa Ŋ̀wála-wâla kélee Yâwɛɛi.’ ”

Izikiɛ 24:24 ပူးပေါင်းရင်းမြစ်များ

Azaya 20:3

Yai-Laa yɛ diɛ: «Nwɔ́ tí mun Esai aa kwɛlan ɉaaɓa kɛ, ə ɓo a gbuwulu, kɔ́lɔ hvo gɔwɔ ŋą; mɛ̨nįi pai laai Eziptə da Nubi diɛ, gɔlɔn ɉɛn ga tii.

Azaya 8:18

Ɲą́ą́ kwa nónnii Yai-Laa ə di tɛɛ bɔ́, kuɔ ka; ku kaa a mɛ̨nįi pai kɛi Israɛlə lɔi hu, kɔ́lɔn ɉɛnŋąą, da dɔwɔ wɛlɛɛ, yai həɠə Yai-Laa Mɛ̨nį Kəlee ŋą Hééɓomun pɔ, a yai heeni Siɔn yee nwuɔ̨.

Ɉeremi 17:15

Hvó di kaai diɛ kɛ mą́ą́: mįnɛ̨ ɓə Yai-Laa woo kaa laa? Nwoo pɔ mɛ̨nį ə kɛ kani wɛ!

Izikiɛ 12:11

'Mo diɛ, yɛ́ diɛ: ‹Gáá mɛ̨nį lɛɛi kwɛala, gɛ́ nɛ kaa. Bələi ŋɛ̨i ŋą́ gɛ la, bələ ɓə gaa pai laai la diɛ. Di kaa pai lii kɔluwɔlaa hu, da mąąkilɛ pələi.

Izikiɛ 12:6

Ə́ kaa pai di laai ə́ nwuɔ̨ di ɲɛ̨i ɓa, yɛ́ di kulɔ kpinįi, ə́ kaa pai həɠə yɛɛi a ə́ nwun, ə gɛ hvo pa nɔi kaa. Mąąhɔlɔɓo, gáá ə́ kɛi a hanwon Israɛlə nwɔ pɛlɛ́i mąą mɛ̨nį ɓa.»

Izikiɛ 17:24

A kɛ ti lɔwɔi wuluɠaa kəlee da gbaɠala kaa, diɛ kɛ ɲą́ą́ ɓə gaa a Yai-Laa. Yai a wulu kwɛaa kɛ a kpɔlɔ wulu, yɛ kpɔlɔ wulu kɛ a wulu kwɛaa; yɛ wulu nwunu kpala, yɛ gɛ wulu kpala yɛ tɛlin. Ɲą́ą́ Yai-Laa yii ŋą́ mo, ŋą́ gɛ́.»

Izikiɛ 20:44

Ka gili kɔ́lɔn kaa kɛ, ɲą́ą́ ɓə gáá a Yai-Laa; a ka hon gáá pai moi, a nɛlɛɛ, náá mąą mɛ̨nį ɓai. Vá gíli lɛɛ ka túwɔ pələ ɲɔ̨nwɔ̨ɔ̨, da ka yíi pələ mąąliɓiɛ hu. Mɛ̨nį kəlee ŋą Hééɓomun Yálá woo li.»

Izikiɛ 25:11

Ŋą́ Moabə kiti tee, diɛ pɛli gili kɔ́lɔn ɉii tii, diɛ kɛ ɲą́ą́ ɓə gáá a Yai-Laa.

Izikiɛ 25:14

Ɲą́ą́ gbínii ɓə nwą́ną kulɔi Edɔmə ɓa, a nwɔ́ lɔi Israɛlə yee. Di ka pai Edɔmə hon ɉii, yɛ bələi nwɔ liiholi da nwɔ lii ɲanwana kaa la bɔ; bələ ɓə da nwą́ną kɔ́lɔn na. Mɛ̨nį kəlee ŋą Hééɓomun Yálá woo li.

Izikiɛ 25:17

Gáá nwą́ną kulɔi diɛ a nííɓa, gɛ́ di hutɔɔ a liiholi; bələ ɓə da gili kɔ́lɔn na, diɛ kɛ, ɲą́ą́ Yai-Laa, ɲą́ą́ ka tii nwą́ną kulɔi diɛ.»

Izikiɛ 25:5

Gáá pai Raba kɛi a ɲɔɔmɛ̨ɛ̨ laa mįi, gɛ́ Amɔn lonnii di wɔ lɔi kɛ a taatɛlɛɛ kpulu pɛlɛi. Bələ ɓə ka gili kɔ́lɔn na, kaa kɛ ɲą́ą́ ɓə gáá a Yai-Laa.

Izikiɛ 25:7

Yili mąą mɛ̨nį ɓa, gáá pai hee ə́ mɛ̨i, gáá pai ə́ tɛɛi lɔiɠaa pɔ, diɛ too ə́ hu, gɛ́ ə́ kulɔ lɔiɠaa lɔwai; gáá pai ə́ hukalai, yɛ bələi da lɔi hukala la, gɛ́ ə́ lɛɛ a kpɛli. Bələ ɓə yá gili kɔ́lɔn na, yɛ́ kɛ, ɲą́ą́ ɓə gáá a Yai-Laa.

Izikiɛ 4:3

'Kwɛli ɓɛla həɠə; 'dɔɔ yɛ kwɛli pɛlɛ́ nwąną ka daa ka lɔwai, 'tinɛ̨n ə́ ə́ ɲɛ̨i hee daa ɓa hįį; a kɛ a taa yii daa kɔ́ hee mą; mąąhɔlɔɓo, yáá kɔ́ hee mą. Israɛlə nwɔ pɛlɛ́i mąą hanwɔ̨n ga ti.

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Izikiɛ 7:27

Tɔɔmun gaa pai kɛi yɛ haa a too mą, nɔi ɲąąwooɓomun gaa pai kɛi lii kələn gwəi hu. Nɔi lonnii yee kaa pai kɛi kpɛlin ɉii, gáá pai di hon ɉii yɛ bələi di túwɔ la; gɛ́ di kiti tee, yɛ bələi di kɛi kiti tee la, da gili kɔ́lɔn nąąlɔwai, diɛ kɛ gáá a Yai-Laa.

Izikiɛ 7:9

Və́ pai nu ɲɛ̨imąąwɛli kaai, vá nu mąąhvaalɛɛ. Ŋą́ naa yɛ́, yɛ bələi ə́ gwɛli la; ɛlɛɛ, mowo túwɔɠaa da kɛ lɔ nɔi hu, nąąlɔwai, ka gili kɔ́lɔn kaa ɲą́ą́ Yai-Laa, ɲą́ą́ ɓə gɛlɛɓo kɛi.

Lukə 21:13

Yili ɓə a lɔwai tɛɛ ka pɔ, əgɛ, ka mą́ą́ kɛla hvaa ɓo.

Ɉaan 13:19

Yiihu, gáá mɛ̨nįɠaa tii ɓoi kaa, ə gɛ, ɲələ a ɉəli, əgɛ, ka gɔlɔn kaa: ‹Ɲą́ą́ ɓə gáá a Yaai Gaa Lɔ Laa.›

Ɉaan 14:29

Ŋą́ą́ mɛ̨nįɠaa tii kəlee lɛɛ tɔwɔ ŋą́ą́ mo kaa, ə gɛ, ɲələ a ɉəli, ka laa ná.

Ɉaan 16:4

Gáá yiliɠaa ɓoi tii kaa, ə gɛ, nąąlɔwai a həlii, kaa ka kiliŋąhiɛ nwóóɠaa diɛ. «Və́ ni kɛ yili ɓo li kaa a gɔwɔ tɔɔ yələ, mąąhɔlɔɓo, ŋį́ kɛ ni ka pɔ.»