Izikiɛ 24:23 - Yálá laawoo hɛɓɛ (dc)

²³ Ka wɔ ɓɔlɔɠaai da kɛ ka nwuɔ̨, ka wɔ kɔ́lɔɠaai di ɓo ka kɔ́wɔ ŋą, ka hvo pai túwɔi yɛ haa a too kaa; ka hvo pai wɔlɔi, kɛlaa ka káá pai kpalai ka wɔ nɛ̨ŋɛ̨nŋaai mąą mɛ̨nį ɓa, kaa ɲiŋɛ ka kee ni mąą mɛ̨nį ɓa.

Yálá laawoo hɛɓɛ

²³ Ka wɔ ɓɔlɔɠaai da kɛ ka nwuɔ̨, ka wɔ kɔ́lɔɠaai di ɓo ka kɔ́wɔ ŋą, ka hvo pai túwɔi yɛ haa a too kaa; ka hvo pai wɔlɔi, kɛlaa ka káá pai kpalai ka wɔ nɛ̨ŋɛ̨nŋaai mąą mɛ̨nį ɓa, kaa ɲiŋɛ ka kee ni mąą mɛ̨nį ɓa.

Bible

²³ Káƃɔrɔi a pâi kɛ̂i káŋûa. Kákpaŋ-kpalii kɛ́ ƃò kákɔɔ ŋá. Káfe pâi malôŋ-see ƃôi kpaa máŋ káwɔlɔ. Kɛ́lɛ ka pâi kɛ̂i sia sîai kákɛ wɔ̀lɔ, kányiŋɛ kásɔnyɔ̂ŋ mu tɛi-tɛi.

Izikiɛ 24:23 ပူးပေါင်းရင်းမြစ်များ

Samia Veerɛi 15:30

Davidə ə kɛi olivie yee tɛ, ə kɛi ɲee tɛ a wɔlɔ; həɠə pɛlɛɛ nwun mɛ̨i, ə kɛi hiɛ kɔ́lɔ hvo kɛ gɔwɔŋa. Nu kpului tii kɛ bɔ, həɠə ə kɛ gəlee nwun mɛ̨i. Di kɛi li, diɛ ɲee tɛ diɛ wɔlɔ.

Zôo 27:15

Yiiɠaai da lɛɛ a di hvulú, kwəi kulɔ nwɔ̨n ə di paa, di wɔ kalanənŋąą di hva pɛli di wɔlɔ ɓoi.

Mąątɛ̨nɛ̨ 107:17

Nu taɠaa di wɔ nɛ̨ŋɛ̨nŋaa mąą mɛ̨nį ɓa, di lɛɛ kpɔ a nu kpɛli kpɛliɠaa,

Mąątɛ̨nɛ̨ 78:64

Ɉaláá laahəli nuą di haa a ɓɔwa kwɛa laa pɔɔ, galaninŋaa di hvo pɛli nuą haa wɔlɔ ɓoi.

Azaya 20:2

Nąąlɔwai, Yai-Laa ə pələ ɓo Amɔsə lon Esai ɓa, yɛ mą: «'Li, ɉəɠə ɓɛlai tii ə́ ləŋəi, ə́ volóon, gɔlɔi tii ə́ kɔ́wɔ ŋą, ə́ gulɔ.» Ə li ə gɛ tii, yɛ li a gbuwulu, kɔ́lɔ hvo kɛ gɔwɔ ŋą.

Azaya 59:11

Ku kəlee, kuɔ hvaa ku nwun ɉu, yɛ yilɛɠaa, kuɔ ku woo laa, yɛ tonwələnŋaa. Ku kili ə kɛ kiti tɔwɔ, kɛlaa hɛn da hvo pa li! Ku kili ə kɛ ku ɓalo mɛ̨nį tɔwɔ, Kɛlaa, mąą kwɛaai kuɔ.

Ɉeremi 13:18

'Mó dɔɔmun da dɔɔmun nee diɛ, yɛ diɛ: Ká hee pɔlɔ hu nɔi ɓa! Mąąhɔlɔɓo, ka wɔɔ tɔɔɓɔlɔ ɲɛ̨i tɔɔi, aa kulɔ ka nwuɔ̨ aa too!

Woolaa 4:9

Nuąi ɓɔwa ə di paa, di wɛi hviɛla aa ɓo, aa tɛɛ nuąi pulu aa di paa diɛ; di nwun na yɛ pili kɔ̨nɔ̨n bulu kolo ɓa.

Izikiɛ 24:22

Nąąlɔwai, ka káá pai gɛi yɛ bələi ŋą́ gɛ la. Ka hvo pai həɠə pɛlɛi ka laaləi, ka hvo pai kɔ̨nɔ̨n ɉon ɉii gwəlii mun da yəi.

Izikiɛ 33:10

«'Ə́ wəli tɔɔ, hulɔnu lon, 'mo Israɛlə nwɔ pɛlɛ́i ɓa, yɛ́ mą: Ka kɛ kɛi diɛ; ku wɔ nɛ̨ŋɛ̨nŋaa da ku wɔ kulɔ nwoo mu laa kaa ku nwuɔ̨ yili mąą mɛ̨nį ka ŋɛ̨i ku kaa luwun ɉii la, ku kaa pai ɓalo pələ kɛi ləi?

Izikiɛ 4:17

Mąąhɔlɔɓo, lɛɠɛ da ya di kaa pai hvɛɠɛi, di kaa pai howai a gee, ɛlɛɛ di kəlee diɛ luɠuun a di wɔ nɛ̨ŋɛ̨nŋąąi laa pɔɔ.»

Izikiɛ 44:18

Həɠə ɓɛla kwəlɛɛɠaa ɓə da ɲili di nwun ma, bɛlɛ́n gwəlɛɛɠaa ə ɓo diɛ, hɛ̨ą yili kɔ́lɔ hva kɛ diɛ, hvɛnɛya mɛ̨nį ɓa.

Levetekɔ 26:16

mɛ̨nįi gáá pai gɛi ya ka: Gáá pai kpolo ɲɔ̨n da kwɛlɛ ɲɔ̨n ɉee ka hu, diɛ ka kwəi pili kaa, diɛ ka ɲɛ̨i lon ɉu haa, diɛ ka wɔ yɛnɛ̨ɛ̨ hu kpuɔ. Ka káá lɔ pai kɛi tíi kɛi kpɛli kpɛli, ka yowoɠaa ɓə pai kɛi ma mįi.

Levetekɔ 26:39

Nuąi pai kulɔi ɉu ka lɔwai, di kaa pai kulɔi di wului, di yowoɠaa di wɔ lɔi hu, di wɔ nɛ̨ŋɛ̨nŋąąi mąą mɛ̨nį ɓa, kɛlaa di nąnni di wɔ nɛ̨ŋɛ̨nŋąąi da di kpɔwɔ nɛ̨ŋɛ̨nŋąą ɓə pai di kulɔi di wului.