Izikiɛ 23:49 - Yálá laawoo hɛɓɛ (dc)

⁴⁹ Ka káá pai ka wɔ wɛli mɛ̨nįi ɉu mɔ̨nɔ̨ míí; ka wɔ haliɠaai mąąwiyə mɛ̨nįŋɔ nɛ̨ŋɛ̨nŋąąi nwulu ə lɛɛ ka nwuɔ̨; bələ ɓə ka gili kɔ́lɔn na kaa, ɲą́ą́ ɓə gáá a Mɛ̨nį kəlee ŋą Hééɓomun Yálá.

Yálá laawoo hɛɓɛ

⁴⁹ Ka káá pai ka wɔ wɛli mɛ̨nįi ɉu mɔ̨nɔ̨ míí; ka wɔ haliɠaai mąąwiyə mɛ̨nįŋɔ nɛ̨ŋɛ̨nŋąąi nwulu ə lɛɛ ka nwuɔ̨; bələ ɓə ka gili kɔ́lɔn na kaa, ɲą́ą́ ɓə gáá a Mɛ̨nį kəlee ŋą Hééɓomun Yálá.

Bible

⁴⁹ Ŋa pâi dífeerɛŋɔɔ díkula maa kɛ̂i dí wulu-wulu kɛ́ mɛnii da dí ɣâla-pɔɔkɔŋ-ŋai fɛli mɛnii ma. À kɛ̀ tí, ka pâi gɔ́lɔnîi a gɛɛ ńyãa ƃa Ŋ̀wála-wâla kélee Yâwɛɛi.”

Izikiɛ 23:49 ပူးပေါင်းရင်းမြစ်များ

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Azaya 59:18

Bələi lɔ da túwɔ́ la, bələ lɔ ɓə da di hvɛla kulɔ la, ə líiholi hee nuąi da tɔɔ na diɛ, yɛ nwąną kulɔ ɲowoɠaa diɛ. Gaa pai nwąną kulɔi gboloyá hɛ̨ąi lɔiɠaa diɛ.

Izikiɛ 11:21

Ną́mu Yálá woo li, yɛ: Kɛlaa, nuąi di kili kaa lɔ túwɔ́ bələ ɲɔ̨n bɔ pələ, da mɛ̨nį ɲɔ̨n gɛɛ, gáá pai di wɔ túwɔ́ pələ ɲɔ̨n yɛɛi a di nwun.›»

Izikiɛ 16:43

Hvó gɛ hvó ə́ kili lɛɛ ə́ muhəɠə yələ hu, yɛ́ nwą́nąlɔ lɔ mɛ̨nįɠaai tii hu. Yili ɓə pai gɛi ɲą́ą́ gbɛli mąn, gɛ́ ə́ túwɔ pələi tii gbolo yɛɛ a ə́ nwun. Mɛ̨nį kəlee ŋą Hééɓomun Yálá woo li. Hvo mɔ̨ɔ̨ ɓowo mɛ̨nį kɛi a gili kpɛɛ ɲəi túwɔ pələɠaai tii kəlee?

Izikiɛ 16:58

Ə́ wɔ túwɔ pələ ɲɔŋŋaai da ə́ wɔ ɓowo mɛ̨nįɠaai kəlee di pulu mɔ̨nɔ̨ ka tii ə́ kaa ɉəɠəi, Yai-Laa woo li.

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Izikiɛ 20:42

Ka gili kɔ́lɔn kaa kɛ ɲą́ą́ ɓə gáá a Yai-Laa, a pai gáá pai moi a kaa Israɛlə lɔi hu, a nɔi ŋɛ̨i ŋą́ gwɛ́la ɲéé tɛɛ yələi, gɛ́ kɛ ŋą́ dɛɛ ka nąnni pɔ.

Izikiɛ 20:44

Ka gili kɔ́lɔn kaa kɛ, ɲą́ą́ ɓə gáá a Yai-Laa; a ka hon gáá pai moi, a nɛlɛɛ, náá mąą mɛ̨nį ɓai. Vá gíli lɛɛ ka túwɔ pələ ɲɔ̨nwɔ̨ɔ̨, da ka yíi pələ mąąliɓiɛ hu. Mɛ̨nį kəlee ŋą Hééɓomun Yálá woo li.»

Izikiɛ 22:31

Yili ɓə gɛ, gɛ́ níí holi di pɔ, gɛ́ di paa nwɔ́ liiholi nwɔ̨n hu. Ŋą́ di túwɔ pələ kəlee wiɛ hee di nwuɔ̨. Mɛ̨nį kəlee ŋą Hééɓomun Yálá woo li.»

Izikiɛ 23:35

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Lɛ̨ąi ə́ mo mą́ą́, yɛ́ bílí ə́ pulu pələ; ə́ wɔ tuwɔ pələ ɲɔ̨n, da ə́ wɔ wɛli mɛ̨nįi, pulu mɔ̨nɔ̨ mįi yɛ́ kpinįi.

Izikiɛ 23:48

Gáá pai wɛli mɛ̨nį kpɛɛi nɔi hu; di kaa pai moi nɛ̨ąą kəlee diɛ; di hvo pai hvilɛn ɉi ka wɔ wɛli hon mɛ̨nįi pulu.

Izikiɛ 24:1

Gwɛlan mɛ̨inąąn nąą, ɲąnin bow nąą nwɔ hvóló pow yələ, Yai-Laa ə mɛ̨nį ɓo mą́ą́, yɛ mą́ą́:

Izikiɛ 25:5

Gáá pai Raba kɛi a ɲɔɔmɛ̨ɛ̨ laa mįi, gɛ́ Amɔn lonnii di wɔ lɔi kɛ a taatɛlɛɛ kpulu pɛlɛi. Bələ ɓə ka gili kɔ́lɔn na, kaa kɛ ɲą́ą́ ɓə gáá a Yai-Laa.

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Izikiɛ 7:4

Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Izikiɛ 7:9

Və́ pai nu ɲɛ̨imąąwɛli kaai, vá nu mąąhvaalɛɛ. Ŋą́ naa yɛ́, yɛ bələi ə́ gwɛli la; ɛlɛɛ, mowo túwɔɠaa da kɛ lɔ nɔi hu, nąąlɔwai, ka gili kɔ́lɔn kaa ɲą́ą́ Yai-Laa, ɲą́ą́ ɓə gɛlɛɓo kɛi.

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»