Izikiɛ 23:45 - Yálá laawoo hɛɓɛ (dc)

⁴⁵ Kɛlaa, tələnmo nuą kaa pai di kiti teei yɛ bələi da wɛlikɛ nɛ̨ąą kiti tee la, da nɛ̨ąąi da ɲąmą pu; mąąhɔlɔɓo ɲąmą pɔɔ kaa di yee ɓa.

Yálá laawoo hɛɓɛ

⁴⁵ Kɛlaa, tələnmo nuą kaa pai di kiti teei yɛ bələi da wɛlikɛ nɛ̨ąą kiti tee la, da nɛ̨ąąi da ɲąmą pu; mąąhɔlɔɓo ɲąmą pɔɔ kaa di yee ɓa.

Bible

⁴⁵ Teniŋ ƃô nua da pâi dímɛnii ŋá têei a wulu-wulu kɛ́-ƃela da núu paa-ƃela. Kpɛ́ni fêi, díkaa a wulu-wulu kɛ́ nɛyaa da núu paa-ƃela.”

Izikiɛ 23:45 ပူးပေါင်းရင်းမြစ်များ

Tɔɔɓɛlaa veelɛ 21:16

Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Ɉeremi 2:34

Mąąwɛli nuą da kwəi kwələ nuą, di ɲąmą aa kɔ́ ə́ mąą həɠəɠaa diɛ; ə́ mąą həɠə ɓa ɓə gaa ɲąmą kaai laa, və́ gaai daa mąąkpɛ hį́i wolo ɓa.

Ɉeremi 5:14

Yili mąą mɛ̨nį ɓa, mɛ̨nįi Yai-Laa Mɛ̨nį Kəlee ŋą Hééɓomun Yálá kaa moi, ya ka: Yii bələ ɓə di hvaa pələ aa kɛ lai, Ɉeremi! Nwóóɠaai gaa bui ə́ la, gáá gɛi yɛ nwɔ̨n. Nuą ŋɛ̨i ɓə kɛi a gwɛituwɔ yɛ di kələn.

Woolaa 4:14

Di kɛi hiɛ yɛ ɲɛ̨ipu nuą, gwəliɠaa lɔwai, ɲąmą a di ɲɛ̨i kɛ hɔwɔ-hɔwɔ. Nu hva pɛli kɛ lɛɠɛi di mąą həɠə ɓa.

Izikiɛ 22:3

'Kɛ diɛ, Mɛ̨nį kəlee ŋą Hééɓomun Yálá woo ka, yɛ: Daai ŋɛ̨i a gwəi lonnii ɲąmą pu, nwɔ yələ aa həli, a haliɠaa pɛli bɔɔli; yili yɛ mąąliɓi.

Izikiɛ 23:24

Mąą yələ, kɔ́ kɔ́ wotoloɠaa, da tiɛ̨ həɠə-wotoloɠaa da həɠə ɲánwuɔ̨ pələ diɛ pa pɛlɛi yɛ́. Da kɛ a nu huwu yee lɔɔ gee hu; da ə́ mąątínɛ̨n a kɔ́ kɔ́ kwɛlihɛnŋąą, di doo gee hu. Ŋą́ nwóó hu kulɔ diɛ, diɛ kɛa ə́ kiti tee yɛ bələi di kaa la bɔ.

Izikiɛ 23:44

Nuą da li bɔ, yɛ bələi nɛ̨ɛ̨nui aa wɛli mɛ̨nį kɛ kóló, nuą da li la bɔ. Bələ ɓə nuą da li la Ohola da Oholiba di pɔ; nɛ̨ąąi tii, nwumɛ̨ hvo kɛa diɛ.

Izikiɛ 24:7

Mąąhɔlɔɓo, ɲąmąi ə bu, gaa nii daai, ə bu kwɛni kpuwulu mɛ̨i lɔ tii, hvo bu li lɔi ɓa, hvo muluun bu li mɛ̨i.

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Osia 6:5

Yili ɓə gɛ, gɛ́ di kɛlɛ a gwə́i mɛ̨nį hu kulɔ nuą woo, gɛ́ di hu kala a wooɠaai da kulɔ ná. Nwɔ́ kiti wooi kaa pai kulɔi yɛ kɛɛ pɔ̨nɔ̨.

Levetekɔ 20:10

«Nui a laa a mɛlan nɛ̨ą, da nu hveelɛi tii paa.

Levetekɔ 21:9

«Haláá laa həli mun lon nɛ̨ɛ̨nu a gbɔwɔ kɛ a wɛli kɛmun, a gbɔwɔ ɓɛlɛ too, ɛlɛɛ aa nąn mɛlɛ too; mąąnɛ̨ɛ̨ di gələn.

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»