Izikiɛ 23:39 - Yálá laawoo hɛɓɛ (dc)

³⁹ Ɲələi di kɛi di lonnii kulɔ la a haláá ɉaliɠaa diɛ, mąą yələ di lɔ nwɔ́ pɛlɛ́i mu, diɛ mąą luwu la tii; mɛ̨nįi di gɛ ɲəi bɛlɛ́n ya ka ti.

Yálá laawoo hɛɓɛ

³⁹ Ɲələi di kɛi di lonnii kulɔ la a haláá ɉaliɠaa diɛ, mąą yələ di lɔ nwɔ́ pɛlɛ́i mu, diɛ mąą luwu la tii; mɛ̨nįi di gɛ ɲəi bɛlɛ́n ya ka ti.

Bible

³⁹ Kpɛ́ni fêi, tãi tɔnɔi nɔ́ dí dínîa-pɛlɛɛi kùla la a sâlai, m̀aa tãi tɔnɔi tí nɔ́ ƃé dí pà la dí ŋápɛrɛi maa tĩa kara. Ǹyaŋ m̀ɛnii dí gɛ̀ a ŋápɛrɛi ká tí.

Izikiɛ 23:39 ပူးပေါင်းရင်းမြစ်များ

Tɔɔɓɛlaa veelɛ 21:4

Ə pənə ə haláá kulɔiɠaa pɛli Yai-Laa nwɔ pɛ́lɛ́i mu, ɓɛi Yai-Laa ə kɛ diɛ: «Ɓɛ Ɉerusalɛmə ɓə gáá náá heei ma.»

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Ɉeremi 11:15

Lə ɓə nííɓa lonnii kaa pai gwɛlii ɲə́i bɛlɛ́n? Gbili pɛlɛ di koo kpala, wee heɛ di nɛn ɲa! Gaa kaa ka kwəi, wooi ka gwɛlɛ mą́ą́, da ɉaláá huwɔɠaa, di kaa pai mɛ̨nį ŋąą nwąnąą həɠəi ka wəli pulu? Gaa ka kwəi bələ ɓə ka pɛli kulɔi la ɲə́i?

Ɉeremi 23:11

Yai-Laa yɛ diɛ: «Gwə́i mɛ̨nį hukulɔ mun mąn, ɉaláá laa həli mun mąn, di ta hvo Yálá mɛ̨nį pɔ. Ŋą́ą́ di wɔ kiliŋąhiɛ ɲɔ̨nwɔ̨ɔ̨ pɔɔ kaa, ə mą kɛ ɲə́i bɛlɛn.»

Izikiɛ 20:39

«Yili ɓa, káái a Israɛlə nwɔ pɛlɛ́i mu nuą, yii Mɛ̨nį kəlee ŋą Hééɓomun Yálá kaa moi, ya ka: Nu kəlee ə li kani ə nwɔ halii kɔ́, yili pulu, gu kaa pai gaai, akɛ ká hvo pai lɛɛi nwóó mu. Yili a kɛ tii, ká hvo kɛa pai náá mąąhəɠɛɛ pui, a ka wɔ haláá hɛnŋaai da ka wɔ haliɠaa.

Izikiɛ 22:8

Yá kɛ nwɔ́ hɛn mąąhəɠɛɛɠaai hviiɓoi, yɛ́ nwɔ hvįįtɔɔ yələɠaa ɓɛlɛ kpɛɛ mą.

Izikiɛ 23:38

Di pənə nwɔ̨nɔ̨ di nwɔ́ hvįįtɔɔ yələi laa pu, a ɲələi di nwɔ́ pɛlɛ́i mąą luwu la.

Izikiɛ 44:7

Kɛ́nɛ̨ kpolɔwaɠaai di kili mąą kuu hvo kɛ li, da di kɔ́lɔ hvo hee li kɛ́nɛ̨ ɓa, diɛi a nwɛ̨ą, ká kɛ lɔi a diɛ nwɔ́ kɛɛnąą mąąhəɠɛɛi ɓa, diɛ nwɔ́ pɛlɛ́i laa pu. Ká kɛ gɔ́nɔn naa həli, ɉuwɔ wulɔ da ɲąmą, ká kɛ nwɔ́ mįnɛ̨i hukalai a ka wɔ ɓowo túwɔɠaai tii.

Izikiɛ 5:11

Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Izikiɛ 8:16

Ə li a ɲą́ą́ Yai-Laa hee pɛlɛ́ mu pələ; Yai-Laa hee pɛlɛ́ laaləi, ɲįmąn mu da ɉaláá kulɔi di lɔwai, hinąą pow hveelɛ gɔw lɔɔli pɔɔla di kɛ laa, di pulu tinɛ̨nŋąą Yai-Laa kɔ́i ɓa, di ɲɛ̨i həɛ hvóló ɓɛlan bələ; di kɛi pɛlɛ nɔi ɓa hvóló ɓɛlan bələ, diɛ kwɛli hvilɛn hvóló ɓa.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Ɉaan 18:28

Yili pulu di həɠə a Jesus Kaifə pɔɔli, di li la gbahalanamą yəi gwəli, yələ ɓoɔ li kɛa kɛ. Di hvo gɛ di hvo lɔ, ə gɛ, di mąą hvo pa liɓi pakə kɔ̨nɔ̨n mį́i mɛ̨nį ɓa.