Izikiɛ 23:37 - Yálá laawoo hɛɓɛ (dc)

³⁷ Mąąhɔlɔɓo daa di hilɛ hvulu, daa wəli hon, ɛlɛɛ, ɲąmą pɔɔ kaa di yee ɓa; di too wəli mɛ̨nį hu da di wɔ haliɠaai, di hvo nɛɛ li a yili; lonŋąąi kwa diɛni ku gaai, di di tɛɛ ɉaliɠaai ti pɔ, yiliɠaai diɛ di mįi.

Yálá laawoo hɛɓɛ

³⁷ Mąąhɔlɔɓo daa di hilɛ hvulu, daa wəli hon, ɛlɛɛ, ɲąmą pɔɔ kaa di yee ɓa; di too wəli mɛ̨nį hu da di wɔ haliɠaai, di hvo nɛɛ li a yili; lonŋąąi kwa diɛni ku gaai, di di tɛɛ ɉaliɠaai ti pɔ, yiliɠaai diɛ di mįi.

Bible

³⁷ Da wulu-wulu támaa kɛ́. Da núu páa. Da ɣâla-pɔkɔɔŋ ŋa fɛli. Da kúlônii-sinaai kúla a sâla ŋ̀âla-pɔɔkɔŋ-ŋai dîa.

Izikiɛ 23:37 ပူးပေါင်းရင်းမြစ်များ

Tɔɔɓɛlaa veelɛ 17:17

Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Tɔɔɓɛlaa veelɛ 23:10

Ɉaləi ŋɛ̨i da kɛ mą: Molɛkə, yii kɛ Tofɛtə Bɛn-Hinɔmə ɓoloon hu, yaai di kɛi lɛapɛlɛɛ kulɔ mą a haláá diɛ gələn, Ɉosiasə ə nąą kala, ə gɛ, di hvo pa pənə di hvo da kɛ.

Tɔɔɓɛlaa veelɛ 24:4

Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Ɉeremi 7:31

Daa hvaaiɠaa kulɔ Bɛn-Hinɔmə ɓoloon ɉu Tofɛtə, naa ɓə da kɛ di lon ɉinąą da di lon nɛ̨ą kələn ɉii laa. Ya pa, ɲą́ą́ hvəi di tɔɔ a yili, yili gili hvo ta too li gwə́i.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Izikiɛ 16:32

Ə́ kaa yɛ wɛlikɛ nɛ̨ɛ̨nu, yai a nwɛ̨ą wɛli la kɛ ə́ tɛɛ ɉilɛ ɓa.

Izikiɛ 16:36

Mɛ̨nį kəlee ŋą Hééɓomun Yálá woo ka, yɛ: Gɛ mɛ̨nį yáá ə́ nɛ̨ąhɛn nɛɛ tooni hvóló ɓa, yáá ə́ kpuwulu lɛ ə́ wɔ wɛli hon ŋąą hu ka ə́ wɛliɠaai, da ə́ wɔ ɓowo haliɠaai ə́ kɛi ə́ lonnii kulɔ diɛ a haláá, yɛ di ɲąmą pu;

Izikiɛ 16:38

Nɛ̨ąą da wɛli hon diɛ nu ɲąmą pu, pələi da di hutɔɔ la, bələ ɓə gáá pai ə hutɔɔi la. Gáá pai ə́ ɲąmą pui, nį́į́ holi pələ da nwɔ́ tolo kulɔ pələ mąą mɛ̨nį ɓa.

Izikiɛ 16:45

Nɛ̨ɛ̨nui ɉilɛ da nonnii di wɛli ə kpɛɛ mą, mąą nɛ̨ɛ̨nui lon nɛ̨ɛ̨nu ɓaa a yɛ́. Ə́ liɛnii tii, di hilɛni da di lonnii di wɛli kpɛɛ diɛi, di ləɠə ɓaa yɛ́. Ka lee ə kɛ a Hɛtə nɛ̨ɛ̨nu; ka nąn ə ɓo a Amɔrə mun.

Izikiɛ 20:26

Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.

Izikiɛ 20:31

Ka kɛi li kɛ a ka wɔ haláá hɛnŋaai, kaa ka lonnii pili nwɔ̨n ɉu, ka kɛi ka mąąliɓi ɉaliɠaai tii pɔ, aa lɛɛ ɉu, aa həli la háákələi ɓa. A kɛ ti, gáá pai gbɔ́wɔ́ lɛɛi laa káá mą́ą́nin kɛ, kaai a Israɛlə nuąi? Yii kpɔ gáá a vúlú, vá tí ka hvo mą́ą́nin kɛ, Mɛ̨nį kəlee ŋą Hééɓomun Yálá woo li.»

Izikiɛ 23:39

Ɲələi di kɛi di lonnii kulɔ la a haláá ɉaliɠaa diɛ, mąą yələ di lɔ nwɔ́ pɛlɛ́i mu, diɛ mąą luwu la tii; mɛ̨nįi di gɛ ɲəi bɛlɛ́n ya ka ti.

Izikiɛ 23:45

Kɛlaa, tələnmo nuą kaa pai di kiti teei yɛ bələi da wɛlikɛ nɛ̨ąą kiti tee la, da nɛ̨ąąi da ɲąmą pu; mąąhɔlɔɓo ɲąmą pɔɔ kaa di yee ɓa.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Osia 3:1

Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Osia 4:2

Nu woo kala mɛ̨nį, lɛɛ, nu paa mɛ̨nįɠaa, nwuɔ̨, wɛli mɛ̨nį, di laa aa too; ɲąmą kpoloon yɛ ɉeei kaa.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Mise 3:10

A Siɔn tɔɔi ka káá moi ɲąmą hu, kaa Ɉerusalɛmə tɔɔ nɛ̨ŋɛ̨n mɛ̨i.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Dutɛrɔnome 12:31

Ka hvə di pɔɔ kɔ́ɔn, Yai-Laa ka wɔ Yálái mąąwiɛ mɛ̨nį hu. Mąąhɔlɔɓo, mɛ̨nįɠaa kpɔ da ɓaɠi lii tɛ a Yai-Laa, mɛ̨nįɠaa kpɔ di wɛli kpɛɛi mą, ya ɓə nu huwui tii ə kɛi gɛ di wɔ hali mąąwiɛ pələ hu; diɛ di lon ɉinąą da di lon nɛ̨ąą kələn di wɔ haliɠaa diɛ.