Izikiɛ 23:35 - Yálá laawoo hɛɓɛ (dc)

³⁵ Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Lɛ̨ąi ə́ mo mą́ą́, yɛ́ bílí ə́ pulu pələ; ə́ wɔ tuwɔ pələ ɲɔ̨n, da ə́ wɔ wɛli mɛ̨nįi, pulu mɔ̨nɔ̨ mįi yɛ́ kpinįi.

Yálá laawoo hɛɓɛ

³⁵ Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Lɛ̨ąi ə́ mo mą́ą́, yɛ́ bílí ə́ pulu pələ; ə́ wɔ tuwɔ pələ ɲɔ̨n, da ə́ wɔ wɛli mɛ̨nįi, pulu mɔ̨nɔ̨ mįi yɛ́ kpinįi.

Bible

³⁵ “Tãi yà nâa nia la ḿâ, ya ńdũaŋ ípôlu-perei, yà pâi ísurɔ̂ŋ wɛli lii ŋánaai da íwulu-wulu kɛ́ɛi maa mɔ̃lɛ-laa kɛ̂i.”

Izikiɛ 23:35 ပူးပေါင်းရင်းမြစ်များ

Tɔɔɓɛlaa dɔlɔɔ 14:9

Yáá túwɔ́ a ɲɔ̨nwɔ̨ɔ̨ dɛɛ nuąi kpɔ kɛ ə́ tɔwɔ gəlee diɛ. Yáá li, yáá haliɠaa pɛli yɛ́, da hɛn mąąnįnįnŋąą, yɛ́ nwą́ną lɔ, yáá bíli ə́ pulu pələ.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Azaya 17:10

Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Ɉeremi 13:25

Ɉerusalɛmə! Ɉɛn ə́ kaa gwɛlii ya ka tii; yáá kulɔ nwóó mu, ɉɛn yáá ɉee ə́ kpɔɔ tɔwɔ, yaa li. Hvo gaai, ə́ lɛ̨ą mą́ą́, yɛ́ ə́ kpɔɔ ɓowo a lɛɛ hɛn. Ɲą́ą́ Yai-Laa nwóó li.

Ɉeremi 2:27

Da kɛ wulu ɓa: «Ku nąn maa yɛ́!» Diɛ kɛ kwɛni ɓa: «Yɛ ɓə ku kulɔ yɛnɛ̨ɛ̨!» Ɲą́ą́ ŋɛ̨i nwɛi, di kpowolo la ɓə da ɉee mą́ą́, di hvo di ɲɛ̨i heei mą́ą́. Kɛlaa, yaa lɔ ɓaa mąąwɛli mɛ̨nį a həli diɛ, di woo laa mą́ą́: «Əkə! Nan! Ə muhəɠə, ə́ ku ɓalo!»

Ɉeremi 2:32

Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

Ɉeremi 2:7

Ɲą́ą́ Yai-Laa, ŋą́ą́ pa a kaa lɔi lɛlɛɛ hu; kaa pɛli nɔi tɔ̨nɔ̨ kulɔi, kaa nɛlɛi kaa; Kɛlaa, pai ka mo laa nɔi, ka nwɔ́ lɔi tii kɔ́hɔɓo, ka gwɛ́lin nɔi tii kɛ a hɛn mąąliɓɛɛ.

Ɉeremi 23:27

Di wɔ hįįɠaa tii da kɛ ɉukulɔi di kee ɓa, di kaa bɔ di náá kili kpɛɛ nwɔ́ nuąi ŋą, yɛ bələi di nąnni di lɛ̨ą la náá ɓa, Baalə mąą mɛ̨nį ɓa.

Ɉeremi 3:21

Toma woo kaa tɔɔi pələ kəlee pɔ, Israɛlə nuą gboo təli woo mąąwɛliɛ li, daa lan, gɛ mɛ̨nį daa Yai-Laa di wɔ Yálái lɛɛ.

Ɉeremi 32:33

Daa di pulu tɔɔ mą́ą́, di hva di ɲɛ̨i hee mą́ą́, bələi mąn váŋą lɔɔ la di mąą kwɛlii, di hva di wəli tɔɔ nwóó ɓa. Di hva di yee hee di mąą kwɛli woo mu.

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Izikiɛ 44:10

«Leviɠaai tii di mąąkwɛa mą́ą́, a ɓɛlɔwai Israɛlə ə lan na, di lan, diɛ di mąąkwɛa mą́ą́ di hvilɛn ŋąą di wɔ haliɠaai pulu, di kaa pai di wɔ nɛ̨ŋɛ̨n diɛ̨i həɠəi.

Izikiɛ 7:4

Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Osia 13:6

Di həli lɔ nɔi nɛ̨ɛ̨ hu, di pilɛ, di pilɛ lɔ, diɛ kɛa di kpɔwɔ ɲąą kɛnɛ̨, yili ɓə gɛ diɛ lɛ̨ą mą́ą́.

Osia 8:14

Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Levetekɔ 24:15

Yili pulu, niɛwooi ŋɛ̨i kɛ Israɛlə lonnii diɛ, yɛ́ diɛ: «Nui lɔpee a nwɔ Yálái lalan, nwɔ nɛ̨ŋɛ̨n nwulu a lɛɛ gbɔwɔ nwuɔ̨.

Lonon mo 14:33

Ka kwəi lonnii di kaa ka wɔ túwɔ́ pələ ɲɔ̨n tii ɉu mɔ̨nɔ̨ mįi kwɛlan bow nąąn ɲee mu, ə lɛɛ ɉu ka powa ə too ɓɛ nɔi pun ɉu.

Lonon mo 14:34

Hvóló pow nąąn ɓə ka gɛ kaa nɔi tii hu hiɛ, kaa mąąkpɛɛ; yili ɓa, hvóló tɔ̨nɔ̨ kaa a kwɛlan dɔ̨nɔ̨. Kwɛlan bow nąąn ɓə ka káá gɛi, kaa ka wɔ mɛ̨nį ɲɔ̨n tii ɉu mɔ̨nɔ̨ mįi. Yili pɔ pələ ɓə ka gaa la, kaa diɛ, nu a gili kulɔ ɉú, ɲɔ̨nwɔ̨ɔ̨i.›

Lonon mo 18:22

A kɛ tii, Israɛlə lonnii di hva kɛa lɛɠɛ gee kaa kələ ɓa, ə gɛ di hvo pa nee nɛ̨ŋɛ̨n ɉəɠə di hvo haa.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.