Izikiɛ 23:3 - Yálá laawoo hɛɓɛ (dc)

³ Di lɔ wɛli honŋąą hu Eziptə lɔi hu, di lɛɛ tiikpə, di nwɛli honŋąąi ti kɔ́wɔtɔɔ; nąą ɓə di pələ kɛ laa a di kpɛla ɲįnį, di di kpɛla ɲįnį ɲɛ̨i paa.

Yálá laawoo hɛɓɛ

³ Di lɔ wɛli honŋąą hu Eziptə lɔi hu, di lɛɛ tiikpə, di nwɛli honŋąąi ti kɔ́wɔtɔɔ; nąą ɓə di pələ kɛ laa a di kpɛla ɲįnį, di di kpɛla ɲįnį ɲɛ̨i paa.

Bible

³ Dí kɛ̀ wulu-wulu kɛ̂i Ize-lɔii su. Ǹaa ƃe dí seɣe ɣîri dîa naa. Sinâa díkɛ̀ pêle kɛ̂i a díŋini.

Izikiɛ 23:3 ပူးပေါင်းရင်းမြစ်များ

Ɉeremi 3:9

Nwɔ wɛli hon bələ a nąą mąą walawala, ə nɔi kɔ́hɔɓo. Yɛ li yɛ kwɛli hvilɛn kwɛniɠaa da wuluɠaa diɛ.

Izikiɛ 16:15

«Kɛlaa ə́ ə́ kili lɛɛ ə́ lɛlɛ pələi ti ɓa; ɛlɛɛ, bələi ə́ laa ə taɠa la, bələ lɔ ɓə ə́ túwɔ pələ ɲɔ̨n gulɔ la. Ə́ nu kəlee ɲɛ̨i kwɛli, wɛli mɛ̨nį hu; ə́ ɓo di yəi.

Izikiɛ 16:22

Ə́ wɔ ɓowo mɛ̨nįɠaai ti kəlee hu, da ə́ wɔ túwɔ pələ ɲɔ̨nŋąą, hvo kɛi ə́ kiliŋąhiɛ ə́ muhəɠə yələ ɓa, a ɓɛlɔwai ə́ kɛ laa a ə́ kpuwulu, həɠə hvo kɛ yɛ́, ə́ ɲąmą lɔɔ yɛ́ hɔwɔ hɔwɔ.

Izikiɛ 20:7

Ŋą́ kɛ diɛ; mowo mɛ̨nɠaai tii ka káá ka ɲɛ̨i kulɔi di pɔi, ka ka kili həɠə laa, ká kəlee. 'Ka hvo ka kɔ́hɔɓo a Eziptə haliɠaa, ɲą́ą́ ɓə gaa a Yai-Laa ka wɔ Yálá.

Izikiɛ 20:8

Kɛlɛɛ di di kwɛli tee ɲə́i, di hvo di wəli tɔɔ nwóó ɓa; di ta lɔpee hvo ɲee kulɔ mowo mɛ̨nįɠaai tii hu, di hvo gɛ di hvo ɓo Eziptə haliɠaa diɛ. Ŋą́ kɛli kɛ kɛa diɛ: Gáá pai nwɔ́ líiholi yɛɛi di mɛ̨i. Vá nwɔ́ líiholi kpɛla bələi di pɔ, Eziptə lɔi hɛ̨ąi.

Izikiɛ 23:19

Ə nwɔ wɛli honŋąą hu wiɛ; yɛ gili ɲąą hiɛ la ti gbɛla yələ ɓa, ɓɛlɔwai ə kɛi wɛli hon na Eziptə lɔi hu.

Izikiɛ 23:21

Yaa pənə yaa ə́ yee too wɛli mɛ̨nį hu, yɛ bələi ə́ kɛi gɛ la a ə́ kpɛla yələ; ɓɛlɔwai Eziptə nuą di kɛi ə́ ɲįnį yɔwɔɔn na; diɛ ə́ kpɛla ɲįnį hon.

Izikiɛ 23:34

Kɛlaa ə́ kaa pai gbələi, ə́ ɉuɓo; yɛ́ nwolo a ə́ ɲin; yili pulu, yɛ́ ə́ ɲįnįɠaa mąą ɓɛla ɓɛla a galanŋaa. Ɲą́ą́ ɓə mo, Mɛ̨nį kəlee ŋą Hééɓomun Yálá woo li.

Izikiɛ 23:4

Di laa ka: Ohola ɓə kɛ a nu kɛnɛ̨ laamun, nəɠə ə ɓo a Oholiba; yili pulu, di lɛɛ ɲə́i kwa diɛni ku lon nɛ̨ąą da lon ɉinąą kaa; nɛ̨ąąi ti ka: Ohola ɓaa a Samari; Oholiba ɓaa a Ɉerusalɛmə.

Izikiɛ 23:43

Ya ɓə, nɛ̨ɛ̨nu ta ə kɛ laa, wɛli hon nuą daa ɉaɠa, gɛ́ mą: gaa nwɔ̨nɔ̨ gbɔwɔ tooi wɛli mɛ̨nį hu.

Izikiɛ 23:8

Ə nwɛli mɛ̨nįi ti kpalatɔɔ Eziptə lɔi hu; a ɓɛlɔwai da yaa di kɛi laa la, ə ɓo nii a nɛ̨ɛ̨non; ɓɛlɔwai di kɛi ɲįnį hon na, diɛ pɛli wɛli pələ kəlee kəi la. Ɲee ə kɛ lɔ nwɛli honŋąąi ti hu.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Osia 2:15

Gáá pai múhəɠəi naa ɓa, Baaləɠaa mąą mɛ̨nį ɓa, diɛi tii ə kɛi di kɔ́ a hɛn gun nɛ̨ɛ̨ɠaa, yɛ mąą yili nąąlɔwai a wəlii-kwɛli da kwɛan, ə kɛi gilɛ həɠə nwɔ wɛliɠaa pulu, ɛlɛɛ ɲą́ą́n, yɛ lɛ̨ą mą́ą́, Yai-Laa woo li.

Levetekɔ 17:7

A kɛ ti di hva kɛa di wɔɔ taatɛlɛɛɠaa ta kulɔ a haláá ɲinɛ̨n ma yai a kɛ di ɲąątɔɔi a túwɔ́ pələ ɲɔ̨nŋąą. Yələ kəlee tɔ́n ga tii, a kwɛlan gəlee mɛ̨nį.

Dutɛrɔnome 29:16

Mɛ̨nį mąąliɓiɛɠaa, da haliɠaa kɛ ɉiiɠaa tii pɔɔli, a wulu, kwɛni, wali, hɛni, ka di kaa!

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

M̀ɛni-lɛɛi 11:8

Di powa kaa pai lɛɛi tooni daa-lee kɛnɛ̨ hɛ̨ąi, yai da naa hee a Sodomə da Eziptə, nąą ɓə di di Nąmu kpɔn laa wulu ɓa.