Izikiɛ 23:18 - Yálá laawoo hɛɓɛ (dc)

¹⁸ Ə gbɔwɔ lɛ a wɛlikɛ nɛ̨ɛ̨nu kɛ pələ; yɛ gbuwulu lɛ. Yaa gbɛli nwɛli ə kpɛɛ mą́ą́ kpɔ tɛ̨ɛ̨ tɛ̨ɛ̨, yɛ bələi niə nɛ̨ɛ̨nu wɛli ə kpɛɛ la mą́ą́.

Yálá laawoo hɛɓɛ

¹⁸ Ə gbɔwɔ lɛ a wɛlikɛ nɛ̨ɛ̨nu kɛ pələ; yɛ gbuwulu lɛ. Yaa gbɛli nwɛli ə kpɛɛ mą́ą́ kpɔ tɛ̨ɛ̨ tɛ̨ɛ̨, yɛ bələi niə nɛ̨ɛ̨nu wɛli ə kpɛɛ la mą́ą́.

Bible

¹⁸ Tãi è nâa pili la wulu-wulu kɛ́ɛ su é tɛɛ gɛi mai núu kélee dí nâa gɔ́lɔŋ, ḿvîi è nâa kpɛɛ m̀aa mɛ̂ni ma, ŋá tée bôlu yɛ̂ɛ berei ŋá têe la ǹîa pôlui.

Izikiɛ 23:18 ပူးပေါင်းရင်းမြစ်များ

Mąątɛ̨nɛ̨ 106:40

Yai-Laa nwɔ líiholii ə ɓɛla nwɔ nu huwui mɛ̨i, nwɔ nuą wɛli ə kpɛɛ kpɔ mą tɛ̨ɛ̨ tɛ̨ɛ̨.

Mąątɛ̨nɛ̨ 78:59

Yálá ə bələ mɛ̨n yili ə níiholi, ə lənə Israɛlə ɓa kpɔ a ɉu kwɛa.

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Azaya 57:8

Gbon bulu, ɉoŋon ɉu, nąą ɓə, ə́ wɔ halii laa laa. Ə́ gɛ tii, ə́ ə́ mąą kwɛa mą́ą́, ə́ ə́ kpuwulu ɓo, ə́ tɛ, ə́ ə́ laai pɛli a ɲąą kɛnɛ̨; nuąi tii di laai wɛli kaa yɛ́, ka diɛ nii ka pɛli ɉu kpɔ a ɲąą nɛ̨ɛ̨, yɛ́ ə́ lii pɔ wɔlɔ ka diɛni ka laa mɛ̨nį ɓa, ə́ ɲɛ̨i həɛ mąąnįnįn mą!

Ɉeremi 12:8

Hvó gaai! Gwɛ́lin nɔi aa kɛ kɛa ɲə́i yɛ yala hilɛ; yɛ huluun mɛ̨́i! Yili ɓa, nwɛli hvo kɛa mą́ą́.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 6:8

«Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.

Woolaa 2:7

Yai-Laa nwɔ haláá kulɔi wɛli aa kpɛɛ mą aa gili kulɔ nwɔ pɛlɛ́ mąąhəɠɛɛ hu, aa dɔɔ pɛlɛ́ɠaa too ku yowoɠaa yee ŋą da di mąąkpɛ hįiɠaa. Kɔ́ mɛ̨i tomą woo kaa kulɔi Yai-Laa yəi bɛlɛ́n yɛ daa kɛi hɛli pu.

Izikiɛ 16:36

Mɛ̨nį kəlee ŋą Hééɓomun Yálá woo ka, yɛ: Gɛ mɛ̨nį yáá ə́ nɛ̨ąhɛn nɛɛ tooni hvóló ɓa, yáá ə́ kpuwulu lɛ ə́ wɔ wɛli hon ŋąą hu ka ə́ wɛliɠaai, da ə́ wɔ ɓowo haliɠaai ə́ kɛi ə́ lonnii kulɔ diɛ a haláá, yɛ di ɲąmą pu;

Izikiɛ 21:24

«Hulɔnu lon, pələ hveelɛ kulɔ, a Babilonə tɔɔmun ŋą kɔ́ kɔ́ ɓɔwai tɛɛ pələ. Bələ hveelɛi ti di kɛ kulɔi lɔi tɔ́nɔ́ hu. Hɛn da tɔɔ bələ tɛi tɛi nwun na, yɛ taa ta ŋą pələ lɛ.

Izikiɛ 23:10

Lɛani di gbuwulu ɓo; di non ɉinąą da non nɛ̨ąą həɠə; yai ti nwɛi, di baa a kɔ́ kɔ́ ɓɔwa; ə kɛ a kɔ́ɔnmąą mɛlaa nɛ̨ąą ɲɛ̨i ɓa; yii ə gwɛli, di naa mą.

Izikiɛ 23:19

Ə nwɔ wɛli honŋąą hu wiɛ; yɛ gili ɲąą hiɛ la ti gbɛla yələ ɓa, ɓɛlɔwai ə kɛi wɛli hon na Eziptə lɔi hu.

Izikiɛ 23:9

Yili ɓə gɛ, gɛ́ dɛɛ nwɔ wɛliɠaa pɔ, diɛi a Asiri nuą, mąąhɔlɔɓo di lɔɔi kɛ nii mu.

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Osia 7:1

Ɓɛlɔwai kpɔlɔ gáá la bɔ ŋį́ Israɛlə ɓalo, nąąlɔwai kpɔlɔ ɓə Ɛfraimə nwɔ nɛ̨ŋɛ̨n a too la pɔ̨nɔ̨ ŋą, da Samari nwɔ kɛɛ kala mɛ̨nįɠaa, mąąhɔlɔɓo, lɛɛ ɓə di kaa gɛi, nwuɔ̨mun aa lɔ bɛlɛ́ɠaa mu, nu paa mun aa kpɔlu ɲɛnɛ̨ɛ̨ pələ.

Amɔsə 5:21

Ka wɔ hɛliɠaai wɛli hvo mą́ą́, di ɓɛlɛ hvo gwə́i. Ka wɔ ŋąąkpɔn, naa wɛli hva ɉón.

Amɔsə 6:8

Nąmu Yai-Laa aa gwɛla a gbɔwɔ, yɛ mą: Ɲą́ą́ Yai-Laa, ɲą́ą́ ɓə gáá a Mɛ̨nį Kəlee ŋą Hééɓomun Yálá! Ɉakɔbə nwɔ huɲąŋą kɛnɛ̨ wɛli hvo mą́ą́, Di wɔ tɔɔ pɛlɛ́ɠaai wɛli hvo mą́ą́. Gáá pai daa lee da ɉu hee ɓo nuą kwɛlii di yowoɠaa diɛ.

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Dutɛrɔnome 32:19

Yii kɛa Yai-Laa ə níiholi pələ kaa tii nonnii yəi, Nii ə kələn gwəi, nonnii hinąą da nonnii nɛ̨ąą pɔ.