Izikiɛ 22:7 - Yálá laawoo hɛɓɛ (dc)

⁷ Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Yálá laawoo hɛɓɛ

⁷ Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Bible

⁷ Káfa ƃaa-kɛ maa tɛ̂ɛ kákaa-ƃela pɔ́. Ka ŋ̀ɔ̃ya-ŋai fîli kátaa-ŋai su. M̀ɛni tɔ̂nɔi ŋí nɔ́ ƃé ká gɛ̀ a dee-lôŋ-ŋai da bɔɔ-nɛyãai.

Izikiɛ 22:7 ပူးပေါင်းရင်းမြစ်များ

Mąątɛ̨nɛ̨ 94:5

Yai-Laa, daa hee ə́ wɔ nu huwui mɛ̨i, diɛ ə́ kwɛlin ɲɛ̨i paa.

Mąątɛ̨nɛ̨ 94:6

Di kaa kalanin da nwɛą di paai, diɛ təlilɛa nwun na pili.

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Lɛɛ gbɔwɔ ɓa 21:17

«‹Nui a gaamun da lalan, mąąnɛ̨ɛ̨ di baa.

Lɛɛ gbɔwɔ ɓa 23:9

«‹Hvó hee nwɛ̨ą mɛ̨i. Kaa kpinįi, mɛ̨nįi a laa nwɛ̨ą ɓa, ka gɔlɔn. Mąąhɔlɔɓo, kaa kpinįi ka kɛ a nwɛ̨ą Eziptə lɔi hu.

Hanwon 20:20

Nui a nąn da nee di nɛ̨ŋɛ̨n naa, nwɔ nwɔ̨n kaa pai luwun ɉii kwii hąą ton-ton.

Hanwon 30:11

Nu taɠaa kaa laa, diɛ di nąn nɛ̨ŋɛ̨n naa, ɛlɛɛ, di hva lúwɔ́ too di kaa lee ɓa.

Hanwon 30:17

Ɲɛ̨ikɔw yii a yɛlɛ kulɔ nąn ɉu, yɛ gaa lee kaa a tɛɠɛ ɓo ɉulaa, goą-goąɠaa da nwolo, kuwɔ́ɠaa di gbələ.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Izikiɛ 18:12

yɛ ɲee pənə mąąwɛli mun da yeehvowolomun di hu, yɛ nwuɔ̨ kɛ, da tolaa heemą, hva kɛa pənə hvo ɉɛn tii tɛɛ nąmu pɔ; hali mɛ̨nį wɛli ə ɓo mą, yɛ ɲee to ɓowo mɛ̨nį hu,

Izikiɛ 22:25

Nwɔ Yálá kwəi mɛ̨nį hukulɔ nuąi daa daa laahvɛɛ a ɲaba mɛ̨nį, di kaa nuą mįi, yɛ bələi yala a kɛ nuą mįi la; yɛ huluun. Diɛ hɛn gɔwɠaa da waliɠaa həɠə; diɛ kalanənŋaa tamą daa kwəi.

Izikiɛ 22:29

Nɔi lonnii kaa wɛa mɛ̨nįɠaa kɛi, diɛ nwuɔ̨ kɛ, diɛ hee mąąwɛli nuą da yeehowolo nuą mɛ̨i; diɛ nwɛ̨ą nwɔ tɛ̨ą mɛ̨nį pili ɉu a hulu.

Levetekɔ 20:9

«Nui a nąn a wala kɛ tii nee lalan, mąąnɛ̨ɛ̨ di baa. Ɲąmą wulu a lɛɛ gbɔwɔ nwuɔ̨, mąąhɔlɔɓo, aa nąn da nee di lalan.

Zakari 7:10

'Ka hvo ka yee pənə kalanin da təlilon di hu, ə mą kɛ, nwɛ̨ą, da yeehvowolomu. Nu ta hvo mɛ̨nį ɲɔ̨nwɔ̨ɔ̨ mąą kili tee gwəi yɛ hvilɛn na mɛlan gaalon ma.»

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Markə 7:10

Mąąhɔlɔɓo, Moisə ə mo yɛ diɛ: ‹Ə nąn da ə́ lee di mąąwiɛ.› Yɛ nwɔ̨nɔ̨ diɛ: ‹Nui a woo ɲɔ̨n mo nąn ɓa a wala kɛ tii nee ɓa, mąąnɛ̨ɛ̨ di yili mąą nui paa.›

Dutɛrɔnome 24:17

Ka hvo nwɛ̨ą, a wala kɛ tii təli lon nwɔ tɛ̨ą mɛ̨nį pili ɉu. Ka hvo galanin mąąhəɠə hon a tolaa.

Dutɛrɔnome 27:16

«‹Nui a tɛɠɛɓo nee da nąn di hu! Yálá! Nɛ̨ŋɛ̨n ə laa!› Ɛlɛɛ nɔi lonnii kəlee di mu hon, diɛ mą: ‹Mįįną!›

Dutɛrɔnome 27:19

«‹Nui a nwɛ̨ą, təlilon da galanən di wɔ tɛ̨ą mɛ̨nį pili ɉu! Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›

Dutɛrɔnome 5:16

«Ə́ lee da ə́ nąn di mąąwiɛ, yɛ bələi Yai-Laa ka wɔ Yálái ə ka tí la, ə gɛ, ə́ yíi ə kwɛa, ə́ nwun na ə nɛ̨ɛ̨, nɔi ŋɛ̨i Yai-Laa ka wɔ Yálái ə dɛɛ ka pɔ ɉu.