Izikiɛ 22:4 - Yálá laawoo hɛɓɛ (dc)

⁴ Ə́ ə́ hɔn gɛ, a ɲąmąi ə́ bui, ə́ ə́ mąąliɓi a ɉaliɠaai ə́ di pɛlii; gɛi ə́ mo tii, yáá ə́ wɔ yələ maa kpuɔ; ə́ wɔ kwɛlanŋaa laa aa hvɛɛ. Yili mąą mɛ̨nį ɓa, gáá ə́ kɛi a hɛn a nwumɛ̨ tɛ nu ɓa, lɔiɠaa hu; a hɛn da yɛlɛ ma nuą lɔwai.

Yálá laawoo hɛɓɛ

⁴ Ə́ ə́ hɔn gɛ, a ɲąmąi ə́ bui, ə́ ə́ mąąliɓi a ɉaliɠaai ə́ di pɛlii; gɛi ə́ mo tii, yáá ə́ wɔ yələ maa kpuɔ; ə́ wɔ kwɛlanŋaa laa aa hvɛɛ. Yili mąą mɛ̨nį ɓa, gáá ə́ kɛi a hɛn a nwumɛ̨ tɛ nu ɓa, lɔiɠaa hu; a hɛn da yɛlɛ ma nuą lɔwai.

Bible

⁴ Ǹûai ká dí paai dímaa mɛ̂ni a mɛni lɛ́ɛ kâa. Ŋâla-pɔkɔɔŋ-ŋai ká dí kpɛtɛi da ká maa-tĩa kara. M̀ɛni ma ká mɛni ŋátee tãi a seri. Ká tãi a kpɛɛ. M̀ɛni ma, ŋa kákɛ a ǹɔii-ŋuŋ ŋai díɣɛlɛ maa sɛŋ, díkɛ ƃâa kula kâa.

Izikiɛ 22:4 ပူးပေါင်းရင်းမြစ်များ

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.

Tɔɔɓɛlaa veelɛ 21:16

Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Kɔlɔnikɔ Veerɛi 7:20

ka gɛ tii, nɔi ŋɛ̨i ŋį́ dɛɛ ka pɔ, ŋį́ ka kulɔ ɉu, ɛlɛɛ, bɛlɛ́i ŋɛ̨i ŋį́ mąąhəɠə ŋį́ náá hee mą, ŋį́ bili, ŋį́ gulɔ ɲɛ̨́i mu, ŋį́ gɛ a hį́į lɔi kəlee ŋą yɛlɛ kulɔ ɉu hɛn, diɛ yɛlɛ mą.

Mąątɛ̨nɛ̨ 79:4

Nuąi kwa diɛni ku kaa kwəli tɔ̨nɔ̨ hu, di kaa ku ɓɛlɛkpɛɛi kuɔ, yiiɠaa di kaa ku kwɛlɛ, diɛ yɛlɛ kuɔ, diɛ di laa pu ku hu.

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 44:8

Ka káá nwą́ną lɔi a ka túwɔ́ pələ, kaa halááɠaa kulɔ haliɠaa diɛ Eziptə lɔi hu, ɓɛi ka pa lɔ ka mąąkilɛi laa! Ka káá pai ka huwu kpɛɛi yɛnɛ̨ɛ̨, diɛ nɛ̨ŋɛ̨n naa huwu lɔpee gəlee gɔɔmąą həɠə ka mɛ̨i da lalan yɛnɛ̨ɛ̨ lɔiɠaa kəlee hu.

Izikiɛ 16:57

ə́ wɔ kili ɲɔ̨nwɔ̨ɔ̨ hvo ni kɛ kulɔ li pɔ̨nɔ̨ ŋą? Ə́ wɛi nąąlɔwai aa həli. Aramə nɛ̨ɛ̨lɛa diɛ di laa pu ə́ hu, da ə́ kwɛlɛ nɛ̨ąą kəlee, da Filisti nɛ̨ɛ̨lɛai tii ə́ kwɛlɛ diɛ tɛɛ ɓo ə́ hu.

Izikiɛ 21:28

Di kaa pai gaai a lɛɛ-tɔlu; daa di kilitɔɔi lɛ diɛ; di wɔ nɛ̨ŋɛ̨nŋąąi kili too mɛ̨nį ɓə di ɲą; di kaa pai di hon ɉi gɔ́ hu.

Izikiɛ 22:2

Hulɔnu lon, ə́ wəli tɔɔ, akɛti, mąą hvo nɛ̨ɛ̨li mɔ̨ɔ̨ kɛ ə́ ɲąmą taai ŋɛ̨i kiti tee, mąąnɛ̨ɛ̨ kpɔ ə́ giti tee; ə́ nwɔ ɓowo mɛ̨nįɠaai kəlee lɛ mą.

Izikiɛ 23:32

Mąąhɔlɔɓo, Yai-Laa woo ka, yɛ: Ə́ liɛ nɛ̨ɛ̨nu ŋą gbąmąi, yá ɉu ya gbələ: Yai a ɉugbunŋąą hu kɛnɛ̨. Gaa pai kɛi a yɛ́lɛ́ kulɔ ɉu hɛn, diɛ di woo həɠə mą; ɉu kɛnɛ̨ pələ ɓa.

Izikiɛ 23:7

Ə gbɔwɔ tɛɛ Asiri lɔi hu nu kpɛa kpɛaɠaa kəlee pɔ. Duwo pələɲɔ̨n gulɔ pələ e gbɔwɔ mąą liɓi a di wɔ haliɠaai kəlee.

Izikiɛ 24:7

Mąąhɔlɔɓo, ɲąmąi ə bu, gaa nii daai, ə bu kwɛni kpuwulu mɛ̨i lɔ tii, hvo bu li lɔi ɓa, hvo muluun bu li mɛ̨i.

Izikiɛ 24:8

Bələi ŋą́ tɛɛ la, gɛ́ nwɔ́ líiholii yɛɛ mɛ̨i, gɛ́ nwą́ną kulɔ mą, ɲąmąi tii ə bu gwɛni kpuwulu mɛ̨i, gáá nɛɛi laa vá mɛ̨i kpulu.

Izikiɛ 36:15

Ə́ ɓɛlɛ too wooɠaai lɔiɠaa da kɛ moi, vá kɛa ə́ lɛɛ laa, da hvo too ə́ wəlii; hvo kɛa pai ə́ nwun ɉeei nuą di wɔ lalan nwooɠaa mu. Hvo kɛa pai ə́ wɔ lɔi hu nuą tooi nɛ̨ŋɛ̨n mɛ̨nį hu, Mɛ̨nį kəlee ŋą Hééɓomun Yálá woo li.»

Danîa 9:16

Ną́mu Yálá, pənə ə́ ə́ wɔ mɛ̨inɛ̨ɛ̨ hu nwun, ə́ ə́ wɔ líiɲąnwąną ɲɛ̨i həɠə Ɉerusalɛmə taa ɓa, yii gaa a ə́ wɔ taalee da ɲee ŋɛ̨i ya kɛi kulɔi maə́ wɔ nu huwui ɓa pɔ̨nɔ̨ŋa. Kuwɔ túwɔ́ pələ ɲɔ̨n mąą mɛ̨nį ɓa, da ku kalaɓɔlɔni kɛ nɛ̨ŋɛ̨nŋaa mąą mɛ̨nį ɓa, ku kwɛlɛ lɔiɠaa kəlee da Ɉerusalɛmə taa lalan da ə́ wɔ nu huwuɠaai.

Levetekɔ 26:32

Ɲą́ą́ gbinįi ŋą́ mąąwɛli mɛ̨nį hee nɔi, ka yowoɠaai pai heei laa, yili a di kwəi pili diɛ.

Lonon mo 32:14

Ɛlɛɛ ya ka, kaai ŋɛ̨i a nɛ̨ŋɛ̨n nonnii, kaa hvilɛn ka nąnni pɔɔŋą, kaa kɛ ka Yai-Laa líiholi Israɛlə pɔ.

Dutɛrɔnome 28:37

Nu huwuɠaai kpɔ Yai-Laa ka wɔ Yálái kaa pai ka tɛɛi di pɔ, ka káá pai kɛi di yəi a mąą ɲɔwu kɛ hɛn, a hɛn da yɛlɛ kulɔ ɉu, a nuąi da di laa pələ ɓo diɛ kwələn ɉɔɔ a diɛ.

Dutɛrɔnome 29:24

Da di woo pulu pənə, diɛ kɛ diɛ: ‹Həɠəi di mo Yai-Laa di kalaɓɔlɔni di wɔ Yálái nwɔ mįnɛ̨i pulu ya ɓə; a yaai da diɛni di ɉəɠə, ɓɛlɔwai Ə di kulɔ la Eziptə lɔi hu.

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.