Izikiɛ 22:3 - Yálá laawoo hɛɓɛ (dc)

³ 'Kɛ diɛ, Mɛ̨nį kəlee ŋą Hééɓomun Yálá woo ka, yɛ: Daai ŋɛ̨i a gwəi lonnii ɲąmą pu, nwɔ yələ aa həli, a haliɠaa pɛli bɔɔli; yili yɛ mąąliɓi.

Yálá laawoo hɛɓɛ

³ 'Kɛ diɛ, Mɛ̨nį kəlee ŋą Hééɓomun Yálá woo ka, yɛ: Daai ŋɛ̨i a gwəi lonnii ɲąmą pu, nwɔ yələ aa həli, a haliɠaa pɛli bɔɔli; yili yɛ mąąliɓi.

Bible

³ Gɛ̀ m̀ó yɛ̂ɛi, Ŋ̀wála-wâla kélee Yâwɛɛi ǹyɛɛi, ‘Ǹûai nyii da dínûai paa dítaa-leei su díkɛ díkpîŋ maa-tĩa kara a fɛliɛɛi, ŋɔ mɛnii ŋá tée tãi a seri.

Izikiɛ 22:3 ပူးပေါင်းရင်းမြစ်များ

Tɔɔɓɛlaa veelɛ 24:3

Yili kəlee ə kɛ a Yai-Laa nwɔ mɛ̨nį pɛliɛ, ə gɛ, ə Ɉuda lɔi kulɔ ɲɛ̨i mu, a Manase nwɔ nɛ̨ŋɛ̨n ə ɉəɠə nąą pɔɔ.

Tɔɔɓɛlaa veelɛ 24:4

Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.

Mąątɛ̨nɛ̨ 106:39

Diɛ di kpɔwɔ mąąliɓi, a di túwɔ́ pələ, a di pulu tɔɔ Yálá ɓa, di kɛ mɛ̨niɠaa hu.

Azaya 1:21

Ə kɛ pələ kɛ ləi yai, daai ŋɛ̨i kɛ nwoo pulu, mąą aa pənə a wɛlikɛ taa? Mąąwiɛ ə kɛ laa, mɛ̨nį haŋąą yɛ ɓo laa daai, tələnmolaa mąąkilɛ taa, Kɛlaa, yiihu kɛa, nu paa nuą daa lɛɛ a daa nąmįną.

Izikiɛ 12:25

Ɲą́ą́ Yai-Laa, mɛ̨nį lɔpee ŋą́ nɛɛ kwɛala gɛ́ mo, ɉu hva kɛa kwɛa mąą mɛ̨nįi yɛ kɛ. Ka lɛɛ ni yɛnɛ̨ɛ̨, kulɔ nwoo mu nuą, nwooi ŋɛ̨i ŋą́ mo, gɛ́ gɛ. Mɛ̨nį kəlee ŋą Hééɓomun Yálá woo li.»

Izikiɛ 22:2

Hulɔnu lon, ə́ wəli tɔɔ, akɛti, mąą hvo nɛ̨ɛ̨li mɔ̨ɔ̨ kɛ ə́ ɲąmą taai ŋɛ̨i kiti tee, mąąnɛ̨ɛ̨ kpɔ ə́ giti tee; ə́ nwɔ ɓowo mɛ̨nįɠaai kəlee lɛ mą.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Izikiɛ 22:4

Ə́ ə́ hɔn gɛ, a ɲąmąi ə́ bui, ə́ ə́ mąąliɓi a ɉaliɠaai ə́ di pɛlii; gɛi ə́ mo tii, yáá ə́ wɔ yələ maa kpuɔ; ə́ wɔ kwɛlanŋaa laa aa hvɛɛ. Yili mąą mɛ̨nį ɓa, gáá ə́ kɛi a hɛn a nwumɛ̨ tɛ nu ɓa, lɔiɠaa hu; a hɛn da yɛlɛ ma nuą lɔwai.

Izikiɛ 22:6

«Ə́ pɔɔli, Israɛlə lɔi ɲąąwooɓo nuą da kɛ ɲąmą pui; nu kəlee yɛ gɛ, yɛ bələi lɔ ɲee kɔ̨nwɔ̨n ɉu wala walaa la.

Izikiɛ 23:37

Mąąhɔlɔɓo daa di hilɛ hvulu, daa wəli hon, ɛlɛɛ, ɲąmą pɔɔ kaa di yee ɓa; di too wəli mɛ̨nį hu da di wɔ haliɠaai, di hvo nɛɛ li a yili; lonŋąąi kwa diɛni ku gaai, di di tɛɛ ɉaliɠaai ti pɔ, yiliɠaai diɛ di mįi.

Izikiɛ 23:45

Kɛlaa, tələnmo nuą kaa pai di kiti teei yɛ bələi da wɛlikɛ nɛ̨ąą kiti tee la, da nɛ̨ąąi da ɲąmą pu; mąąhɔlɔɓo ɲąmą pɔɔ kaa di yee ɓa.

Izikiɛ 23:7

Ə gbɔwɔ tɛɛ Asiri lɔi hu nu kpɛa kpɛaɠaa kəlee pɔ. Duwo pələɲɔ̨n gulɔ pələ e gbɔwɔ mąą liɓi a di wɔ haliɠaai kəlee.

Izikiɛ 33:25

Yili ma mɛ̨nį ɓa, 'kɛ diɛ: Mɛ̨nį kəlee ŋą Hééɓomun Yálá woo ka: Ka huwɔ mįi a ɲąmą, kaa ka ɲɛ̨i tinɛ̨n haliɠaa pɔ pələ, kaa lɔi kala mɛ̨nįɠaa kɛ, ya ɓə ka tɔɔ kaa kɛ diɛ nɔi kaa lɛɛi ka yəi a ka wɔɔ?

Izikiɛ 9:9

Yɛ mą́ą́: «Israɛlə da Ɉuda nwɔ pɛlɛ́i di wɔ nɛ̨ŋɛ̨n kɛnɛ̨i naai və mą; nɔi laahvɛɛi a ɲąmą, daa laahvɛɛ a wea; mąąhɔlɔɓo da kɛ kɛi diɛ: ‹Yai-Laa aa ɓo nɔi ɓa, aa doo, hva kɛ kɛa mɛ̨nį ta kaai.›

Mise 3:10

A Siɔn tɔɔi ka káá moi ɲąmą hu, kaa Ɉerusalɛmə tɔɔ nɛ̨ŋɛ̨n mɛ̨i.

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.