Izikiɛ 22:26 - Yálá laawoo hɛɓɛ (dc)

²⁶ Nwɔ haláá laahəli nuąi daa nwɔ́ tɔ́n mąąkala, daa nwɔ hɛn mąąhəɠɛɛɠaa laa pu. Di hvo hɛn mąąhəɠɛɛ da hɛn gbɛli kpɛli kulɔ ɉu kɛli; di hvo hɛn mąąhəɠɛɛ da hɛ mąąliɓiɛ kulɔ nɔwai kɛli. Di di ɲɛ̨i laa kpulu nwɔ hvįįtɔɔ yələɠaai mɛ̨i, ɛlɛɛ daa náá pu di lɔwai.

Yálá laawoo hɛɓɛ

²⁶ Nwɔ haláá laahəli nuąi daa nwɔ́ tɔ́n mąąkala, daa nwɔ hɛn mąąhəɠɛɛɠaa laa pu. Di hvo hɛn mąąhəɠɛɛ da hɛn gbɛli kpɛli kulɔ ɉu kɛli; di hvo hɛn mąąhəɠɛɛ da hɛ mąąliɓiɛ kulɔ nɔwai kɛli. Di di ɲɛ̨i laa kpulu nwɔ hvįįtɔɔ yələɠaai mɛ̨i, ɛlɛɛ daa náá pu di lɔwai.

Bible

²⁶ Zâla láa-soŋ-ƃelai da ŋátɔ̂ŋ ŋai kélee kara, da ŋá sãa maa waa ŋai maa tĩa kara. Dífa zãa maa waai da nyii m̀aa fé waa ni loai laa. Dífa téla zãa maa-waai da zãa kpɛtɛɛi loai laa. Da díŋɛi ǹaɣîŋ ŋáfii-tɔɔ ɣelei mɛi. M̀ɛni ma, da m̀aa tĩa kara dísama.

Izikiɛ 22:26 ပူးပေါင်းရင်းမြစ်များ

Kɔlɔnikɔ Veerɛi 36:14

Ə mą kɛ, ɉaláá laa həli nuą ɲɛ̨itɔwɔ nuą, nɔi ɲąąwooɓo nuą kəlee, di di wɔɔ woo kala laa huwiɛ, di túwɔ́ kpɔlɔɔ yɛ bələi, lɔiɠaa da kɛɛ kala túwɔ́ ɓo la; di bɛlɛ́i ŋɛ̨i Yai-Laa ə ɉəɠə ɉu a nwɔɔ Ɉerusalɛmə, di mąąluwu.

Ɉeremi 15:19

Yii Yai-Laa ə bulu pənə la, ya ka; yɛ mą: Akɛ pənə pulu kiliŋąhiɛ a too yɛ́, ŋį́ pənə ŋį́ pa a yɛ́, yá kɛ nííla, yɛ́ tí mą́ą́, ə lɛɛ, ya wala hviikpɛɛ wooɠaa ɓo, yɛ́ woo walawalaɠaa ɓo, ə́ laaləi a kɛ a nááləi. Di kaa pai pənəi diɛ pa ə́ pɔ, Kɛlaa, yɛ́ hvəi mąąnɛ̨ɛ̨ ə́ li di pɔ.

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Woolaa 4:13

Kɛlaa, mɛ̨nii gɛ yili yɛ kɛ, ya ɓaa: Yálá kwəi mɛ̨ni hukulɔ nuą haláá laa həli nuą, di kɛi tələnmo nuą ɲąmą pu daa kwəi.

Izikiɛ 22:8

Yá kɛ nwɔ́ hɛn mąąhəɠɛɛɠaai hviiɓoi, yɛ́ nwɔ hvįįtɔɔ yələɠaa ɓɛlɛ kpɛɛ mą.

Izikiɛ 23:38

Di pənə nwɔ̨nɔ̨ di nwɔ́ hvįįtɔɔ yələi laa pu, a ɲələi di nwɔ́ pɛlɛ́i mąą luwu la.

Izikiɛ 36:20

Də li a nwɔ́ nu huwui lɔiɠaa hu, ɛlɛɛ, di náá mąąhəɠɛɛ; kala laa. Mąąhɔlɔɓo, di kɛi mo a di laa, diɛ kɛ: ‹Yai-Laa nwɔ nu huwui ka, kɛlaa, di hvo di wɔ lɔi hu.›

Izikiɛ 42:20

Ə bɛlɛ́ kɔ́ɔn gea bomo nąąn ma, gwɛa yee ə kɛ a nwulu kpiɛn tii nwun nɔɔli; ɲąą kɛnɛ̨ yee ə kɛ a nwun nɔɔli; Bɛlɛ́ nwąnąi tii ɓə kɛi ɉɛn mąąhəɠɛɛɠaa da hɛn dakpɛliɠaa di ɓɛla ɓo.

Izikiɛ 44:10

«Leviɠaai tii di mąąkwɛa mą́ą́, a ɓɛlɔwai Israɛlə ə lan na, di lan, diɛ di mąąkwɛa mą́ą́ di hvilɛn ŋąą di wɔ haliɠaai pulu, di kaa pai di wɔ nɛ̨ŋɛ̨n diɛ̨i həɠəi.

Izikiɛ 44:23

«Ɉɛn gaa a mąąhəɠɛɛ, da yii mąą hvo həɠə li, diɛ ɓə da gulɔ nɔwai lɛ nuą diɛ; ə mą kɛ, yii mąąliɓiɛ da yii mąą hvo liɓi li.

Izikiɛ 44:24

Kiti mɛ̨nį a kulɔ, diɛ ɓə a giti tee nuą; mąąnɛ̨ɛ̨ di kiti tee, yɛ bələi ŋą́ mąą tɔ́n naa la. Mąą nɛ̨ɛ̨ di nwɔ́ tiɓoɠaa da gwə́i mɛ̨nįɠaa kəlee pɔ mɛ̨nį kɛ nwɔ́ hɛliɠaai kəlee hu; diɛ nwɔ́ hvitɔɔ yələɠaa kaa a hvoló mąąhəɠɛɛɠaa.

Izikiɛ 7:26

Kɛɛ lɔ ɓə pai kɛi kalai diɛ, wɛlɛɛ ɲɔ̨nwɔ̨ɔ̨ lɔ ɓə pai kɛi həlii diɛ; di ka mɛ̨nį kwɛlii Yálá kwəi mɛ̨nį hukulɔ mun na, ɉaláá laa həli mun və kɛa pai kɛi kalan gɛi diɛ, galanɉonŋaa di hva kɛa nwun dɔɔ kɛ.

Levetekɔ 10:10

Bələ ɓə ka pɛli hɛnŋąą lɔwai tɔɔi la, hɛn gaa a nwɔ́ɔ́ da hɛn hvo ɓaa a nwɔ́ɔ́, ɛlɛɛ hɛn tɔ́n gaa mą da hɛn tɔ́n və mą.

Levetekɔ 11:47

Yili ɓə pai tɔ́n ɉuwɔɠaa da yiiɠaai tɔ́n və diɛ, yiiɠaai da di mįi da yiiɠaai di hva di mįi, di kulɔ nɔwai lɛi kaa.

Levetekɔ 13:43

Ɉaláá laa həli mun a mąąkpɛɛ, ɓɛi ti ɲɔ̨n gaa laa, nąą pɔɔ la a kɛ a gwəlɛɛ, dɔwɔla a wala kɛ ti nwun ma, yɛ ɓo yɛ hvólóɲɔ̨n yii a kɛ nu kɔ́lɔ ɓa,

Levetekɔ 20:25

Yili ɓa, huwɔɠaai tɔ́n gaa diɛ, da yiiɠaai tɔ́n və diɛ, nwɛ̨niɠaa tɔ́n gaa diɛ, da yiiɠaai tɔ́n və diɛ, mąąnɛ̨ɛ̨ ka kɛ a di kulɔ nɔwai kɔ́lɔn ŋąą, əgɛ, ka hvo pa nəi tɔ́n bɛlɛ ka kpɔwɔ ɓa a ɉuwɔɠaai tii ta, da nwɛ̨niɠaa tii ta laa pɔɔ, da yiiɠaa kpɔ da tɔ́n bɛlɛ nu ɓa, diɛ hiɛ lɔi mɛ̨i. Ŋą́ di kulɔ nɔwai lɛ tii kaa, əgɛ, ka kɛ a di kɔ́lɔn ŋąą.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Malasi 2:8

Kɛlaa, ka wɛi, kaa diɓoi tii lɛɛ laa. Kaa nu tamąą lan ka wɔ nuą kalan bələ hu, kaa Levi nwɔ mįnɛ̨i kala. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Lomaŋ 2:24

Yɛ bələi bɛ̨ɛ̨i la Yálá lawoo hɛɓɛ́ hu yɛ kɛ: Káái a Ɉuifəɠaa, kaa kaa ɓə ka gɛ huwu takpɛliɠaa diɛ Yálá ɓɛlɛ too woo ɓo.

Samuɛlə dɔlɔɔ 2:22

Eli pɔlɔɔ kɛa kɛ kɛnɛ̨, dúwɔ́ taaləi nonnii di kɛ gɛ a Israɛlə nuą kəlee, ə kɛi bələ mɛ̨n; Ə mą kɛ laai ŋɛ̨i di kɛi mo a nɛ̨ąąi ŋɛ̨i kɛi pa gee kaa kələ laaləi.

Samuɛlə dɔlɔɔ 2:29

Lə ɓə kɛ yai ka káá tɛɠɛɓoi nwɔ́ haláái hu, da gɔ́ hɛnŋaai ŋą́ vaaɓo nuą diɛ ɲəi bɛlɛ́n? Lə ɓə kɛ yai, yá nwumɛ̨ ə́ lonnii diɛ, yɛ di hviɛlaɓo mą́ą́? Lə mɛ̨nį ɓa ka koo kaa laai ka ŋą a nwɔ́ nu huwui Israɛlə nwɔ haláá hɛn nɛ̨ɛ̨mun?