Izikiɛ 22:22 - Yálá laawoo hɛɓɛ (dc)

²² Bələi lɔ wali a həɠeen na, bələ lɔ ɓə gáá pai ka həɠeen ɉii la Ɉerusalɛmə daa hąąi, ka gili kɔ́lɔn nąąlɔwai kaa kɛ diɛ, ɲą́ą́ Yai-Laa ɲą́ą́ ka tii níí holii ka pɔ.»

Yálá laawoo hɛɓɛ

²² Bələi lɔ wali a həɠeen na, bələ lɔ ɓə gáá pai ka həɠeen ɉii la Ɉerusalɛmə daa hąąi, ka gili kɔ́lɔn nąąlɔwai kaa kɛ diɛ, ɲą́ą́ Yai-Laa ɲą́ą́ ka tii níí holii ka pɔ.»

Bible

²² Berei da kale seɣeŋ la a filɛ-ŋɔŋ, bere ƃe ŋa pâi ká seɣeŋ ni la Zerusâlɛŋ-daa samai a kɛ ti, da pâi gɔlɔni a gɛɛ ńyãai a Yâwɛɛi ńii wãnai kâa.”

Izikiɛ 22:22 ပူးပေါင်းရင်းမြစ်များ

Izikiɛ 20:33

Gáá a vúlú ɲą́ą́ Mɛ̨nį kəlee ŋą Hééɓomun Yálá, ɲą́ą́ ɓə pai heei ka mɛ̨i a ka wɔ tɔɔmun; a váŋa kɛnɛ̨, a níí holiɛ.

Izikiɛ 20:8

Kɛlɛɛ di di kwɛli tee ɲə́i, di hvo di wəli tɔɔ nwóó ɓa; di ta lɔpee hvo ɲee kulɔ mowo mɛ̨nįɠaai tii hu, di hvo gɛ di hvo ɓo Eziptə haliɠaa diɛ. Ŋą́ kɛli kɛ kɛa diɛ: Gáá pai nwɔ́ líiholi yɛɛi di mɛ̨i. Vá nwɔ́ líiholi kpɛla bələi di pɔ, Eziptə lɔi hɛ̨ąi.

Izikiɛ 22:16

Ə́ ə́ kpɔɔ mąąliɓi lɔiɠaa ɲɛ̨i ɓa, kɛlaa, ə́ kaa pai gili kɔ́lɔn ɉii, yɛ́ kɛ Yai-Laa ɓaa a ɲáá.»

Izikiɛ 22:21

Ŋą́ kaa ɲąąkpɔn, gɛ́ nwɔ́ liiholi nwɔ̨n hvɛɛ ka mɛ̨i, gɛ́ ka həɠeen Ɉerusalɛmə daa hąąi.

Izikiɛ 22:23

Yai-laa woo ə həli mą́ą́, yɛ mą́ą́:

Izikiɛ 22:31

Yili ɓə gɛ, gɛ́ níí holi di pɔ, gɛ́ di paa nwɔ́ liiholi nwɔ̨n hu. Ŋą́ di túwɔ pələ kəlee wiɛ hee di nwuɔ̨. Mɛ̨nį kəlee ŋą Hééɓomun Yálá woo li.»

Izikiɛ 36:18

Ŋą́ nwɔ́ liiholii hee diɛ, ɲąmąi tii di bu nɔi hu, mąą mɛ̨nį ɓa; da ɉaliɠaai di nɔi mąąliɓi la, di mąą mɛ̨nį ɓa.

Izikiɛ 7:9

Və́ pai nu ɲɛ̨imąąwɛli kaai, vá nu mąąhvaalɛɛ. Ŋą́ naa yɛ́, yɛ bələi ə́ gwɛli la; ɛlɛɛ, mowo túwɔɠaa da kɛ lɔ nɔi hu, nąąlɔwai, ka gili kɔ́lɔn kaa ɲą́ą́ Yai-Laa, ɲą́ą́ ɓə gɛlɛɓo kɛi.

Osia 5:10

Ɉuda ɲąąwooɓo nuą kaa a nuąi da lɔi ɲɛ̨n ɉəɠə naai, gáá pai nwɔ́ líiholii ɓɛlai di mɛ̨i, yɛ ya nwąną.

M̀ɛni-lɛɛi 16:1

Yili pulu, ŋį́ woo kɛnɛ̨ ta mɛ̨n yɛ həɠə Yálá hee pɛlɛ́ mu, yɛ kɛ malaka mɛ̨ihveelɛi tii diɛ: «'Ká li, 'ká Yálá ŋą liiŋąnwąną kpələ-kɔ́wɔ mɛ̨ihveelɛi tii hu ɓo lɔi mɛ̨i.»