Izikiɛ 22:14 - Yálá laawoo hɛɓɛ (dc)

¹⁴ Ə́ kaa pai mɔ̨ɔ̨ ə́ lii kpələi, ə́ yee kɔ̨nwɔ̨n ɉu kaa pai wala walai; a ɲələi mɛ̨nį kaa pai kulɔi la gwa yɛ́ gu lɔwai? Ɲą́ą́ Yai-Laa, ɲá mo, gɛ́ bɔ mɛ̨nį kɛ.

Yálá laawoo hɛɓɛ

¹⁴ Ə́ kaa pai mɔ̨ɔ̨ ə́ lii kpələi, ə́ yee kɔ̨nwɔ̨n ɉu kaa pai wala walai; a ɲələi mɛ̨nį kaa pai kulɔi la gwa yɛ́ gu lɔwai? Ɲą́ą́ Yai-Laa, ɲá mo, gɛ́ bɔ mɛ̨nį kɛ.

Bible

¹⁴ Ka lâai la a gɛɛ kákili a pâi kɛ̂i nɔ́ nîi a gulaa, kpaa máŋ ka pâi kɛi nɔ́ a ká wala-walaa a voloi ŋa pâi kpɛɛ̂i la kaai? Ńyãa a Yâwɛɛi ńyãa ƃe mò ti, ǹyaŋ ŋa pâi ŋa-see kɛ̂i.

Izikiɛ 22:14 ပူးပေါင်းရင်းမြစ်များ

Zôo 40:9

Huwalawala kaa ə́ yəi yɛ Yálá? Ə́ woo kaa yɛ yələ gbąląąn yɛ nwɛ́i.

Azaya 28:22

Ka hvo kɛa tɔɔ yiihu, kaa kɛ ka káá yɛlɛmąą kɛi, di hvo pa ka yili yɛli hu yala kaa; mąąhɔlɔɓo, ŋąą mɛ̨n Nąmu Yai-Laa Mɛ̨nį Kəlee ŋą Hééɓomun la, yɛ a nɔi nąą kəlee kala mɛ̨nį gili tee gwəi.

Azaya 31:3

Eziptə mun gaa lɔ a nu, yálá hvə li, nwɔ hooɠaai di kaa lɔ a huwɔ, malakaɠaa hvə li. Ɓɛlɔwai Yai-Laa kaa pai ɲee haŋąi la, mąąkɔ̨nwɔ̨ kɛ mun gaa pai kalin ɉii, nui di mąąkɔ̨nwɔ̨i yɛ too; di kəlee di nwun na a pili a gee.

Azaya 45:9

Kpalo ɓaa nu da bɛlimun diɛ dɔɔnwuɔ̨ kɔ́, ləɠi a pɛli mɔ̨ɔ̨ tɔɔi da ləɠi tɔɔmun diɛ woo hukulɔ kɛ? Ɛlɛɛ, yá hɛn da pɛli, mąą hɛn a pɛli kɛi diɛ: «Nui ɲɛ̨i ɲee hvo mą?»

Ɉeremi 13:21

Ə́ kaa pai kɛi lə! Nuą tii ə́ nɛ̨ɛ̨laa kɛnɛ̨ laa, ka diɛni ka lɔwai, Ɓɛlɔwai, di kaa pai heei la ə́ hu, diɛ hee ə́ mɛ̨i, Yɛ́ mɔ̨nɔ̨ mį́i yɛ kwəi nwąną kɛ Nɛ̨ɛ̨nu, yá kɛ lə?

Izikiɛ 17:24

A kɛ ti lɔwɔi wuluɠaa kəlee da gbaɠala kaa, diɛ kɛ ɲą́ą́ ɓə gaa a Yai-Laa. Yai a wulu kwɛaa kɛ a kpɔlɔ wulu, yɛ kpɔlɔ wulu kɛ a wulu kwɛaa; yɛ wulu nwunu kpala, yɛ gɛ wulu kpala yɛ tɛlin. Ɲą́ą́ Yai-Laa yii ŋą́ mo, ŋą́ gɛ́.»

Izikiɛ 21:7

«Hulonu lon, ə́ ɲɛ̨́i hąŋąn Ɉerusalɛmə pələ; haŋą ɉaláá kulɔiɠaa diɛ; 'gwə́i mɛ̨nį hukulɔ Israɛlə lɔi ɓa:

Izikiɛ 23:34

Kɛlaa ə́ kaa pai gbələi, ə́ ɉuɓo; yɛ́ nwolo a ə́ ɲin; yili pulu, yɛ́ ə́ ɲįnįɠaa mąą ɓɛla ɓɛla a galanŋaa. Ɲą́ą́ ɓə mo, Mɛ̨nį kəlee ŋą Hééɓomun Yálá woo li.

Izikiɛ 24:14

Ɲą́ą́ Yai-Laa váá woo li, ɛlɛɛ, gəlee kaa pai kɛi; gáá gɛi vá hviikpɛɛlaa too ɉu, və́ pai nu mąąwɛli kaai, və́ pai nwóó yalii bulu. Di kaa pai ə́ kiti teei ə́ túwɔ pələ ɓa, ə́ kɛ mɛ̨nįɠaa pɔ pələ, Mɛ̨nį kəlee ŋą Hééɓomun Yálá woo li.»

Izikiɛ 28:9

Nui pai ə́ paai, ə́ lii kaa mɔ̨ɔ̨ pai kpələi, yɛ́ kɛ mą gáá ɓaa yálá? Yá pa, ə́ kaa lɔ nu kan, hvó a yálá, ɛlɛɛ, ə́ ɓo kɛa nuąi pai ə́ paai, di yee kɔnma.

Izikiɛ 36:36

Nɔiɠaai tii pai kɛi ka kwɛlɛ, da gili kɔ́lɔn gea, diɛ kɛ ɲą́ą́ ɓə gáá a Yai-Laa. Ɉɛn di nwolo, ɲą́ą́ ka tii pənə gɛ́ dɔɔ; ɉɛn di gala, gɛ́ pənə gɛ́ ɉin. Ɲą́ą́ Yai-Laa, ɲą́ą́ ɓə mo, ɛlɛɛ, gáá gɛi.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Izikiɛ 6:10

Da gili kɔ́lɔn a mąą yələi ti, diɛ kɛ Yai-Laa ɓaa a ɲą́ą́, və́ mɔ̨nɔ̨iɠaai ti laa mɛ̨nį diɛ ɓoi lɔ kpɛli kpɛli.»

Izikiɛ 7:17

Yee kəlee hu kaa pai haai, nu kpəlin gəlee hvii yɛ kpɛɛ.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Malasi 3:2

Akɛtii, voló tii gaa pai pai la, nu ta kaa pai lɛɛi yɛnɛ̨ɛ̨ ɓəi? Akɛtii, nu taɠaa kaa pai lɛɛi tɔɔni ɓəi, ɓɛlɔwai gaa pai kulɔi la pɔ̨nɔ̨ŋą? Gaa pai kɛi yɛ: nwɔ̨n da kwɛli həɠeen na, diɛ bu. Gɛ pələ a kɛ yɛ: haahvinɛ̨i gbolo-kɔw kɛnɛ̨i ɉu.

Markə 13:31

Yələkɔlɔn da lɔi di kaa pai tɛɛi, kɛlaa, náá woo nwɛi hva tɛɛ.»

Korɛntə dɔlɔɔ 10:22

Akɛti, gu kaa bɔ gu Ną́mu nwɔ toloi muhəɠə? Gaa ká kwəi gu hvaŋą kɛnɛ̨i gu tɛɛ mą?

Hebreu 10:31

Mɛ̨nį kpɔlu ɓaa: Nu ya too Yálá hvulúmąą yee ŋą.

Samuɛlə dɔlɔɔ 15:29

Ə lɛɛ nwɔ̨nɔ̨, Israɛlə nwɔ mąąwiɛ hva hea too gbɔwɔ la, yii a mo, hva ɉəɠə mą, mąąhɔlɔɓo, hvo yɛ nu, yii a yali gələn ma.»